Kiny
Eng
Fr
Urugaga rw'abagore rushamikiye kuri FPR Inkotanyi rwaremeye abagore kugirango nabo biteze imbere
Gisubizo Philemon
Sep 10, 2022 - 08:24
Bijyanye na gahunda y’umuryango wa FPR Inkotanyi yo gushyira abagore mu myanya yo gufasha igihugu mw’iterambere, by’umwihariko mu mushinga wa One Hundred Women, abagore batuye mu karere ka Nyarugenge, umurenge wa gitega baremewe amafaranga azabafasha mu bikorwa byo kwiteza imbere, Umuyobozi mu rugaga rw’abagore rushamikiye kuri RPF Inkotanyi yavuze ko umugore nka mutima w’urugo ari ibyingenzi ko afashwa mu guteza umuryango we imbere.
kwamamaza
Umuryango wa FPR Inkotanyi mu murenge wa Gitega waremeye abagore muri gahunda ya One Hundred Women, aho bahawe ubufasha bw’amafaranga bazifashisha mu mishinga yo kwiteza imbere.
Izabiriza Marie Mediatrice,Visi Perezidante w’urugaga rw’abagore rushamikiye ku muryango wa FPR Inkotanyi ku rwego rw’igihugu yavuze ko iyi ari gahunda y’igihugu yo gufasha umugore nka mutima w’urugo mu kwiteza imbere.
Yagize ati iyi ni gahunda y'igihugu ndetse ni gahunda by'umwihariko ya FPR Inkotanyi , tuzi ko umugore ari mutima w'urugo ntago rero umuryango watera imbere mutima w'urugo nk'umugore atabigizemo uruhare rukomeye.
Gloriose Murekerisoni, Umuyobozi mukuru w’urugaga rw’abagore rushamikiye ku muryango wa FPR Inkotanyi mu karere ka Nyarugenge ahatangiwe ubu bufasha yavuze ko iki gitekerezo cyazanywe n’abagore bagamije gufasha abagore bagenzi babo kwikura mu bukene.
Yagize ati iki gitekerezo cya One Hundred Women cyaturutse mu rugaga rw'abagore ku rwego rw'igihug , ubundi kigamije kuzamura abagore bari mu kiciro cyambere cy'ubudehe kugirango nabo bave mu ukene bahindure ikiciro kandi bagire n'ubuzima bwiza.
Abagore bafashijwe ngo ibyishimo ni byose kuko bagiye kubyaza umusaruro amafaranga bahawe mu byo bari basanzwe bakora ndetse bakiteza imbere bakazanafasha bagenzi babo.
Aba bagore bahawe amafaranga ibihumbi 100 by’amanyarwanda yakusanyijwe n’urugaga rw’abagore rushamikiye ku muryango wa FPR Inkotanyi, aho iyi gahunda yatangijwe 2017 ndetse igikomeje aho igenda ifasha abagore benshi kwikura mu bukene bagateza n’imiryango yabo imbere.
Inkuru ya BAHIZI Heritier Isango Star Kigali
kwamamaza