Ngororero: Hari gutangwa ibinini n’imyunyungugu byitezweho kugabanya ikigero cy’abafite imirire mibi

Ngororero: Hari gutangwa ibinini n’imyunyungugu byitezweho kugabanya ikigero cy’abafite imirire mibi

Minisiteri y'Ubuzima n'abafatanyabikorwa bayo batanze ibinini by vitamini n'imyunyungugu byitezweho kugabanya ikigero cy’ imirire mibi n'igwingira mu bana. Nimugihe muri aka harere hagaragara imibare y’abana bafite iki kibazo kurusha utundi turere.

kwamamaza

 

Minisiteri y'Ubuzima, ikigo cy'igihugu gishinzwe ubuzima (RBC),  Ikigo cy’Igihugu gishinzwe Imikurire no Kurengera Umwana (NCDA), n'ishami ry'umuryango w'abibumbye ryita kubana (UNICEF), bavuga ko ubu buryo bwo kurwanya imirire mibi n'igwingira mu bana ari uburyo bukomatanyije buzagira uruhare mu kuyigabanya ikagera kuri 19%, ivuye 33% iriho.

Dr. Sabin NSANZIMANA; Minisitiri w'Ubuzima, avuga ko ari uburyo bushya mu isi, aho muri Afurika buri mu bihugu 3 n'u Rwanda rurirmo bukazakorera mu turere 7 two mu Rwanda.

Ati: “ ni uburyo bushya bwiswe “MMS” ni uburyo bwinyongera mu kurwanya ikibazo cy’igwingira duhereye ku babyeyi batwite tubaha inyongeramirire, ariko tunabaha imyunyungugu ndetse na vitamins zigera kuri 15 zitangwa kugeza igihe umubyeyi abyariye, bityo bigatuma haba kuri we no ku mwana azabyara bigabanya kuba yavuka atujuje ibiro, cyangwa se akaba yavuka mbere y’igihe ndetse byanagiraga ingaruka nyinshi ku igwingira ry’abana.”

Ababyeyi bo mu Ngororero mu Murenge wa Kabaya bavuga ko  ubu buryo buzabafasha cyane kuko igwingira bemeza ko ryazamurwaga n'uko batabona umwanya wo gutegura ifunguro ryuzuye.

Umwe yagize ati: “tureza ariko hari igihe weza ugateka ibiryo bidakwiriye nuko ugapfa kurya. Uhhh! Abenshi bajya mu mirima bakabwirirwa kandi bakarya ibidashitse. Turajya turabikurikiza kuko ababikora baduhaye ibinini, ndabona bizadufasha kuko babidusobanuriye.”

Undi ati: “Turashimira Perezida wa Repubulika wita ku babyeyi batwite akaboherereza aka kanini kazaturinda indwara 15, kakarinda isereri, kakatwongerera n’intungamubiri z’umwana z’iz’ababyeyi.”

Icyakora Minisitiri Dr. Sabin NSANZIMANA akavuga ko ari uburyobudakuraho ubundi bwari busanzweho.

Ati: “ aka kanini gatoya karimo imyunyungugu na vitamini 15. Mbere iyo twakoreshaga yabaga irimo ibiri gusa. Urumva kuva ku bintu 2 ikajya kuri 15 harimo impinduka nini cyane. Ibindi 13 babikuraga he? Byabaga biri mubyo yariye cyangwa yaba atanariye ntagire ayo mahirwe. Ntabwo rero aka kanini cyangwa izi vitamine zakubiye hamwe zisimbuye ibyo kurya n’ibyo kunywa ababyeyi bafataga. Bikwiye no kuba byakwiyongera no ku bindi yafataga.”

Ubu buryo bukomatanyije mu kurwanya imirire mibi, umubyeyi utwite azajya ahabwa ibinini bikungahaye ku myungugu 15 mu gihe cy'amezi 6.

Minisiteri y'ubuzima n'abafatanyabikorwa bayo  bari no gushyira imbaraga mu gushishikariza abaturage, urubyiruko n'abajyanama buzima mu kugira uruhare mu itegurwa ry'indyo yuzuye, hakorwa uturima tw'igikoni tugaterwaho imboga.

Ibi byiyongeraho kuba buri wese akwiye kugira n'uruhare mu gutera ibiti by'imbuto ziribwa, bakazirya aho kuzigurisha, bikongerwaho ibikomoka ku matungo.

 

@ RUKUNDO Emmanuel/Isango Star-Ngororero.

 

kwamamaza

Ngororero: Hari gutangwa ibinini n’imyunyungugu byitezweho kugabanya ikigero cy’abafite imirire mibi

Ngororero: Hari gutangwa ibinini n’imyunyungugu byitezweho kugabanya ikigero cy’abafite imirire mibi

 Jan 18, 2024 - 11:38

Minisiteri y'Ubuzima n'abafatanyabikorwa bayo batanze ibinini by vitamini n'imyunyungugu byitezweho kugabanya ikigero cy’ imirire mibi n'igwingira mu bana. Nimugihe muri aka harere hagaragara imibare y’abana bafite iki kibazo kurusha utundi turere.

kwamamaza

Minisiteri y'Ubuzima, ikigo cy'igihugu gishinzwe ubuzima (RBC),  Ikigo cy’Igihugu gishinzwe Imikurire no Kurengera Umwana (NCDA), n'ishami ry'umuryango w'abibumbye ryita kubana (UNICEF), bavuga ko ubu buryo bwo kurwanya imirire mibi n'igwingira mu bana ari uburyo bukomatanyije buzagira uruhare mu kuyigabanya ikagera kuri 19%, ivuye 33% iriho.

Dr. Sabin NSANZIMANA; Minisitiri w'Ubuzima, avuga ko ari uburyo bushya mu isi, aho muri Afurika buri mu bihugu 3 n'u Rwanda rurirmo bukazakorera mu turere 7 two mu Rwanda.

Ati: “ ni uburyo bushya bwiswe “MMS” ni uburyo bwinyongera mu kurwanya ikibazo cy’igwingira duhereye ku babyeyi batwite tubaha inyongeramirire, ariko tunabaha imyunyungugu ndetse na vitamins zigera kuri 15 zitangwa kugeza igihe umubyeyi abyariye, bityo bigatuma haba kuri we no ku mwana azabyara bigabanya kuba yavuka atujuje ibiro, cyangwa se akaba yavuka mbere y’igihe ndetse byanagiraga ingaruka nyinshi ku igwingira ry’abana.”

Ababyeyi bo mu Ngororero mu Murenge wa Kabaya bavuga ko  ubu buryo buzabafasha cyane kuko igwingira bemeza ko ryazamurwaga n'uko batabona umwanya wo gutegura ifunguro ryuzuye.

Umwe yagize ati: “tureza ariko hari igihe weza ugateka ibiryo bidakwiriye nuko ugapfa kurya. Uhhh! Abenshi bajya mu mirima bakabwirirwa kandi bakarya ibidashitse. Turajya turabikurikiza kuko ababikora baduhaye ibinini, ndabona bizadufasha kuko babidusobanuriye.”

Undi ati: “Turashimira Perezida wa Repubulika wita ku babyeyi batwite akaboherereza aka kanini kazaturinda indwara 15, kakarinda isereri, kakatwongerera n’intungamubiri z’umwana z’iz’ababyeyi.”

Icyakora Minisitiri Dr. Sabin NSANZIMANA akavuga ko ari uburyobudakuraho ubundi bwari busanzweho.

Ati: “ aka kanini gatoya karimo imyunyungugu na vitamini 15. Mbere iyo twakoreshaga yabaga irimo ibiri gusa. Urumva kuva ku bintu 2 ikajya kuri 15 harimo impinduka nini cyane. Ibindi 13 babikuraga he? Byabaga biri mubyo yariye cyangwa yaba atanariye ntagire ayo mahirwe. Ntabwo rero aka kanini cyangwa izi vitamine zakubiye hamwe zisimbuye ibyo kurya n’ibyo kunywa ababyeyi bafataga. Bikwiye no kuba byakwiyongera no ku bindi yafataga.”

Ubu buryo bukomatanyije mu kurwanya imirire mibi, umubyeyi utwite azajya ahabwa ibinini bikungahaye ku myungugu 15 mu gihe cy'amezi 6.

Minisiteri y'ubuzima n'abafatanyabikorwa bayo  bari no gushyira imbaraga mu gushishikariza abaturage, urubyiruko n'abajyanama buzima mu kugira uruhare mu itegurwa ry'indyo yuzuye, hakorwa uturima tw'igikoni tugaterwaho imboga.

Ibi byiyongeraho kuba buri wese akwiye kugira n'uruhare mu gutera ibiti by'imbuto ziribwa, bakazirya aho kuzigurisha, bikongerwaho ibikomoka ku matungo.

 

@ RUKUNDO Emmanuel/Isango Star-Ngororero.

kwamamaza