Musanze: Babyarira mu rugo kubera kutagira ubwisungane mu kwivuza

Musanze: Babyarira mu rugo kubera kutagira ubwisungane mu kwivuza

Bamwe mu baturage bo mu murenge wa Gataraga bakibyarira murugo bavuga ko babiterwa nuko nta bwisungane mu kwivuza bagira. Ni mugihe minisiteri y’ubuzima irahamagarira abaturarwanda bose ko kubyarira kwa muganga ari ingenzi cyane ku mubyeyi n’umwana, naho kubyarira mu rugo bigira ingaruka mbi ku buzima.

kwamamaza

 

Abagiye babyarira mu ngo zabo bo mu murenge wa Gataraga bifashishije ingero zabo, bavuga ko hari abangirwaga kwakirwa kwa muganga kubera ubushobozi buke.

Umwe ati: “inda yaramfashe nuko mba mu rugo, mbona mbyariye mu rugo kubera nta mikoro.”

Undi ati: “ byananirana rero nuko nkaba aho n’abana babiri. Nababyariraga mu rugo nuko namara kubyara nkajya ku kigo ngakingiza.”

Undi mubyeyi avuga ko yageze kwa muganga bakanga kumwakira kuko nta bwisungane, ati: “ baranjyanye hamwe n’umutware wanjye, turagenda nzi ngo barankorera bisanzwe. Nuko tugeze ku kigo nderabuzima barambaza bati ‘ese ufite mituweli?’ ndavuga nti’ nta mituweli dufite!’ Barangije baravuga ngo umuntu winjiraga aho ni ufite mituweli. Ndasohoka ndataha nuko ngeze mu rugo, inda yageze igihe iramfata. Umuntu wanze kunyakira ndi muzima, nta hantu ndi kubabara, atazanyakira narwaye! Nuko mbona Imana irankijije.”

Iyo havutse umwana muri uyu mudugudu, Mukecuru Veneranda niwe witabazwa mu bijyanye n’ubuzima bw’umwana, ibyo bita kugenya umwana.

Ati: “ Kugenya umwana, umuntu afata urwembe akagira kabiri ari kumanura na kabiri ari kuzamura, agapfundikaho agashumi , agasigaye agakata. Nzi kugenya…!”

Abaturage bagaraga ko impamvu zibatera ku byarira mu rugo harimo kuba nta bwisungane mu kwivuza [Mituweri de santé].

Umwe ati: “umuntu aba atwite nuko akavuga ati ese ko nta motuweli mfite, ko ntarajya no kwipimisha! Utinya kujya kwipiisha kubera ko nta mituweli noneho inda yagufata, ukemera ugapfira mu rugo, ukayibyarira mu rugo.”

Julien MAHORO; Umuvugizi wa Minisiteri y’ubuzima, asaba abanyarwanda bose kwitabira gahunda yo kubyarira kwa muganga kuko bigira akamaro gakomeye ku bizima bw’umwana n’ubw’umubyeyi. Nimugihe kubyarira mu rungo bigira ingaruka ku buzima bwa bombi.

Ati: “abagifite iyo myumvire ni ukuyireka burundu kuko ishyira mu kaga ubuzima bwabo bwite kandi igashyira mu kaga ubuzima bw’abana baba bavutse. Ni ngombwa ko umubyeyi wese utwite akurikiranwa kwa muganga ariko n’igihe cyo kubyara cyagera, akabyarira kwa muganga.”

Kuba hari ababyeyi bakibyarira mu rugo ndetse n’abatajya kwikingiza iyo bamaze gusama, ni ibivutsa amahirwe abana bavutse muri ubwo buryo yo kutabona inkingo ziba zibateganyijwe.

Mugushyira imbaraga mu guhangana n’iki kibazo, Leta y’u Rwanda n’abafatanyabikorwa bayo bamaze kugeza ibigo nderabuzima n’amavuriro mato hirya no hino mu tugari.

Minisireri y’ubuzima mu Rwanda inagaragaza ko biri gutanga umusaruro kuko abari hejuru ya 90% babyarira kwa Muganga.

@Emmanuel BIZIMANA/ Isango Star- Gataraga – Musanze.

 

kwamamaza

Musanze: Babyarira mu rugo kubera kutagira ubwisungane mu kwivuza

Musanze: Babyarira mu rugo kubera kutagira ubwisungane mu kwivuza

 May 31, 2024 - 10:14

Bamwe mu baturage bo mu murenge wa Gataraga bakibyarira murugo bavuga ko babiterwa nuko nta bwisungane mu kwivuza bagira. Ni mugihe minisiteri y’ubuzima irahamagarira abaturarwanda bose ko kubyarira kwa muganga ari ingenzi cyane ku mubyeyi n’umwana, naho kubyarira mu rugo bigira ingaruka mbi ku buzima.

kwamamaza

Abagiye babyarira mu ngo zabo bo mu murenge wa Gataraga bifashishije ingero zabo, bavuga ko hari abangirwaga kwakirwa kwa muganga kubera ubushobozi buke.

Umwe ati: “inda yaramfashe nuko mba mu rugo, mbona mbyariye mu rugo kubera nta mikoro.”

Undi ati: “ byananirana rero nuko nkaba aho n’abana babiri. Nababyariraga mu rugo nuko namara kubyara nkajya ku kigo ngakingiza.”

Undi mubyeyi avuga ko yageze kwa muganga bakanga kumwakira kuko nta bwisungane, ati: “ baranjyanye hamwe n’umutware wanjye, turagenda nzi ngo barankorera bisanzwe. Nuko tugeze ku kigo nderabuzima barambaza bati ‘ese ufite mituweli?’ ndavuga nti’ nta mituweli dufite!’ Barangije baravuga ngo umuntu winjiraga aho ni ufite mituweli. Ndasohoka ndataha nuko ngeze mu rugo, inda yageze igihe iramfata. Umuntu wanze kunyakira ndi muzima, nta hantu ndi kubabara, atazanyakira narwaye! Nuko mbona Imana irankijije.”

Iyo havutse umwana muri uyu mudugudu, Mukecuru Veneranda niwe witabazwa mu bijyanye n’ubuzima bw’umwana, ibyo bita kugenya umwana.

Ati: “ Kugenya umwana, umuntu afata urwembe akagira kabiri ari kumanura na kabiri ari kuzamura, agapfundikaho agashumi , agasigaye agakata. Nzi kugenya…!”

Abaturage bagaraga ko impamvu zibatera ku byarira mu rugo harimo kuba nta bwisungane mu kwivuza [Mituweri de santé].

Umwe ati: “umuntu aba atwite nuko akavuga ati ese ko nta motuweli mfite, ko ntarajya no kwipimisha! Utinya kujya kwipiisha kubera ko nta mituweli noneho inda yagufata, ukemera ugapfira mu rugo, ukayibyarira mu rugo.”

Julien MAHORO; Umuvugizi wa Minisiteri y’ubuzima, asaba abanyarwanda bose kwitabira gahunda yo kubyarira kwa muganga kuko bigira akamaro gakomeye ku bizima bw’umwana n’ubw’umubyeyi. Nimugihe kubyarira mu rungo bigira ingaruka ku buzima bwa bombi.

Ati: “abagifite iyo myumvire ni ukuyireka burundu kuko ishyira mu kaga ubuzima bwabo bwite kandi igashyira mu kaga ubuzima bw’abana baba bavutse. Ni ngombwa ko umubyeyi wese utwite akurikiranwa kwa muganga ariko n’igihe cyo kubyara cyagera, akabyarira kwa muganga.”

Kuba hari ababyeyi bakibyarira mu rugo ndetse n’abatajya kwikingiza iyo bamaze gusama, ni ibivutsa amahirwe abana bavutse muri ubwo buryo yo kutabona inkingo ziba zibateganyijwe.

Mugushyira imbaraga mu guhangana n’iki kibazo, Leta y’u Rwanda n’abafatanyabikorwa bayo bamaze kugeza ibigo nderabuzima n’amavuriro mato hirya no hino mu tugari.

Minisireri y’ubuzima mu Rwanda inagaragaza ko biri gutanga umusaruro kuko abari hejuru ya 90% babyarira kwa Muganga.

@Emmanuel BIZIMANA/ Isango Star- Gataraga – Musanze.

kwamamaza