#Kwibuka29: Abatuye Kayonza biyemeje guhangana n'abahakana n’abapfobya jenoside yakorewe Abatutsi.

#Kwibuka29:  Abatuye Kayonza biyemeje guhangana n'abahakana n’abapfobya jenoside yakorewe Abatutsi.

Ubwo mur’aka karere bibukaga ku nshuro ya 29 Abatutsi biciwe muri Kiliziya Gaturika ya Mukarange ku itariki 12 Mata 1994, hagarutswe kubakomeje kugaragaza ipfobya n’ihakana rya Jenosode yakorewe Abatutsi, ndetse basabwa kubireka kuko batazihanganirwa mu Rwanda. Ni mu gihe kuva hatangizwa icyumweru cy’ icyunamo,mu karere ka Kayonza hamaze gutabwa muri yombi abantu babiri bacyekwaho ibyaha by’ipfobya n’ihakana rya Jenoside yakorewe Abatutsi.

kwamamaza

 

Mu muhango wo kwibuka ku nshuro ya 29 Jenoside yakorewe Abatutsi 1994, by’umwihariko Abatutsi biciwe muri Kiriziya Gatulika ya Mukarange iherereye mu karere ka Kayonza, bari bahahungiye baturutse mu cyahoze ari komine Muhazi, Rukara ndetse na Murambi, maze interahamwe zikabiraramo zikabica hagasigara ngerere.

Uwamahoro Claire ni umwe mu barokokeye muri iyi Kiliziya. Avuga ko yiboneye ababyeyi be bishwe urw’agashinyaguro n’abahoze ari inshuti zabo ndetse bamwe bari n’abakozi b’iwabo ariko umutima w’ubumuntu barawiyambura bica Abatutsi ntacyo bitayeho.

Yagize ati:“araza adusanga aho nari nicaranye na maman na musaza wanjye. Alice, interahamwe yamukubise ikintu cy’impiri mu mutwe hahita hasaduka tubireba, hanyuma yikubita hasi nuko barafata barakurura hasi baramusohora nuko baramutemagura baramwica.”

“maman we baje kumwica urupfu rubi, bamwishima hejuru niko nabivuga! Maman bamwishe bamuciyemo kabiri.”

Iruhande rw’ibi kandi, kuva icyunamo cyatangira,mu karere Kayonza,  abantu babiri bamaze gutabwa muri yombi bacyekwaho icyaha cyo gupfobya no guhakana Jenoside yakorewe Abatutsi.

Senateri BIDERI John avuga ko ibyo bidakwiye kuko bizwi neza ko Jenoside yakorewe Abatutsi mu 1994 yari yarateguwe, bityo asaba abanyarwanda kwirinda kuyipfobya no kuyihakana kuko hari amategeko ahana ibyo byaha.

Ati: “Abakoze jenoside barayiteguye, ubu aho bageze ni ukugira ngo bayihakane. Bitabatangaje ko hari bamwe muri aba bo mu karere ka Kayonza bagifite ingengabitekerezo ya jenoside.”

“ ingengabitekerezo ya jenoside tugomba guhangana nayo, abagitekereza yuko bashobora kongera gukora jenoside muri iki gihugu tukabagaragariza yuko igihugu cyateye indi ntambwe yo gukomeza kubaka ubumwe bw’abanyarwanda.”

Bamwe mu baturage bo mu karere ka Kayonza bavuga ko bidakwiye ko ababyeyi bakwirengagiza ububi bwa Jenoside yakorewe Abatutsi, bakabiba ingengabitekerezo yayo mu bana babyaye.

Biyemeje gushyira hamwe kugira ngo bafashe ababyeyi nk’abo kugira indangagaciro z’ubunyarwanda zizira ingengabitekerezo ya Jenoside.

Umwe yagize ati: “ababyeyi bagifite ingengabitekerezo ya jenoside mba numva babivamo kubera ko  ntabwo ari umuco mwiza, ni ukuroga abana. Ababyeyi bakwiye kubivamo bakarwanya ingengabitekerezo kuko aho yagejejeu Rwanda ni habi.”

Undi yagize ati: “ibyabaye byarabaye, byatubereye bibi. Abana bacu tuzabaha impanuro nziza, tuzabonsa abashereka twonse natwe, ntabwo tuzabonsa ingengabitekerezo.”

Urwibutso rwa Jonoside yakorewe Abatutsi rwa Mukarange muri Kayonza,rushyinguyemo imibiri y’Abatutsi bishwe muri Jenoside isaga ibihumbi 8.

Ubwo ku wa gatatu, ku wa 12 Mata (04), hibukwaga Abatutsi biciwe muri Kiliziya gatulika ya Mukarange, mu rwibutso rwa Mukarange hashyinguwe mu cyubahiro imibiri irindwi y’Abatutsi bishwe muri Jenoside,harimo ine yabonetse mu murenge wa Mukarange,ibiri yo mu murenge wa Murama ndetse n’umwe wabonetse mu murenge wa Mwiri.

@ Djamali Habarurema/Isango Star-Kayonza.

 

kwamamaza

#Kwibuka29:  Abatuye Kayonza biyemeje guhangana n'abahakana n’abapfobya jenoside yakorewe Abatutsi.

#Kwibuka29: Abatuye Kayonza biyemeje guhangana n'abahakana n’abapfobya jenoside yakorewe Abatutsi.

 Apr 13, 2023 - 17:33

Ubwo mur’aka karere bibukaga ku nshuro ya 29 Abatutsi biciwe muri Kiliziya Gaturika ya Mukarange ku itariki 12 Mata 1994, hagarutswe kubakomeje kugaragaza ipfobya n’ihakana rya Jenosode yakorewe Abatutsi, ndetse basabwa kubireka kuko batazihanganirwa mu Rwanda. Ni mu gihe kuva hatangizwa icyumweru cy’ icyunamo,mu karere ka Kayonza hamaze gutabwa muri yombi abantu babiri bacyekwaho ibyaha by’ipfobya n’ihakana rya Jenoside yakorewe Abatutsi.

kwamamaza

Mu muhango wo kwibuka ku nshuro ya 29 Jenoside yakorewe Abatutsi 1994, by’umwihariko Abatutsi biciwe muri Kiriziya Gatulika ya Mukarange iherereye mu karere ka Kayonza, bari bahahungiye baturutse mu cyahoze ari komine Muhazi, Rukara ndetse na Murambi, maze interahamwe zikabiraramo zikabica hagasigara ngerere.

Uwamahoro Claire ni umwe mu barokokeye muri iyi Kiliziya. Avuga ko yiboneye ababyeyi be bishwe urw’agashinyaguro n’abahoze ari inshuti zabo ndetse bamwe bari n’abakozi b’iwabo ariko umutima w’ubumuntu barawiyambura bica Abatutsi ntacyo bitayeho.

Yagize ati:“araza adusanga aho nari nicaranye na maman na musaza wanjye. Alice, interahamwe yamukubise ikintu cy’impiri mu mutwe hahita hasaduka tubireba, hanyuma yikubita hasi nuko barafata barakurura hasi baramusohora nuko baramutemagura baramwica.”

“maman we baje kumwica urupfu rubi, bamwishima hejuru niko nabivuga! Maman bamwishe bamuciyemo kabiri.”

Iruhande rw’ibi kandi, kuva icyunamo cyatangira,mu karere Kayonza,  abantu babiri bamaze gutabwa muri yombi bacyekwaho icyaha cyo gupfobya no guhakana Jenoside yakorewe Abatutsi.

Senateri BIDERI John avuga ko ibyo bidakwiye kuko bizwi neza ko Jenoside yakorewe Abatutsi mu 1994 yari yarateguwe, bityo asaba abanyarwanda kwirinda kuyipfobya no kuyihakana kuko hari amategeko ahana ibyo byaha.

Ati: “Abakoze jenoside barayiteguye, ubu aho bageze ni ukugira ngo bayihakane. Bitabatangaje ko hari bamwe muri aba bo mu karere ka Kayonza bagifite ingengabitekerezo ya jenoside.”

“ ingengabitekerezo ya jenoside tugomba guhangana nayo, abagitekereza yuko bashobora kongera gukora jenoside muri iki gihugu tukabagaragariza yuko igihugu cyateye indi ntambwe yo gukomeza kubaka ubumwe bw’abanyarwanda.”

Bamwe mu baturage bo mu karere ka Kayonza bavuga ko bidakwiye ko ababyeyi bakwirengagiza ububi bwa Jenoside yakorewe Abatutsi, bakabiba ingengabitekerezo yayo mu bana babyaye.

Biyemeje gushyira hamwe kugira ngo bafashe ababyeyi nk’abo kugira indangagaciro z’ubunyarwanda zizira ingengabitekerezo ya Jenoside.

Umwe yagize ati: “ababyeyi bagifite ingengabitekerezo ya jenoside mba numva babivamo kubera ko  ntabwo ari umuco mwiza, ni ukuroga abana. Ababyeyi bakwiye kubivamo bakarwanya ingengabitekerezo kuko aho yagejejeu Rwanda ni habi.”

Undi yagize ati: “ibyabaye byarabaye, byatubereye bibi. Abana bacu tuzabaha impanuro nziza, tuzabonsa abashereka twonse natwe, ntabwo tuzabonsa ingengabitekerezo.”

Urwibutso rwa Jonoside yakorewe Abatutsi rwa Mukarange muri Kayonza,rushyinguyemo imibiri y’Abatutsi bishwe muri Jenoside isaga ibihumbi 8.

Ubwo ku wa gatatu, ku wa 12 Mata (04), hibukwaga Abatutsi biciwe muri Kiliziya gatulika ya Mukarange, mu rwibutso rwa Mukarange hashyinguwe mu cyubahiro imibiri irindwi y’Abatutsi bishwe muri Jenoside,harimo ine yabonetse mu murenge wa Mukarange,ibiri yo mu murenge wa Murama ndetse n’umwe wabonetse mu murenge wa Mwiri.

@ Djamali Habarurema/Isango Star-Kayonza.

kwamamaza