Kudakurikiza igihe cyagenwe cyo gushyiraho abayobozi bashya gitanga icyuho cyo gusahura koperative

Kudakurikiza igihe cyagenwe cyo gushyiraho abayobozi bashya gitanga icyuho cyo gusahura koperative

Abanyamuryango b'amakoperative mu ntara y'Iburasirazuba barasaba ko igihe cyagenwe cyo kwemeza Abayobozi bashya batowe cyajya gikurikizwa kuko biha icyuho abasimbuwe cyo gusahura amakoperative ibintu bidindiza iterambere ryayo. Ubuyobozi bw'ikigo cy'igihugu gishinzwe iterambere ry'amakoperative RCA kivuga ko batinda kwemeza abatowe kuko haba hagikorwa iperereza ry'uko nta miziro bafite.

kwamamaza

 

Abanyamuryango b’amakoperative yo mu ntara y’Iburasirazuba bavuga ko iki kibazo cyo gutinda kwemeza abayobozi bashya baba batowe, biha icyuho abasimbuwe cyo gusahura koperative kugira ngo bayisige amara masa.

Bavuga ko ubusanzwe abatowe bemezwa n’ikigo cy’igihugu gishinzwe iterambere ry’amakoperative ariko igihe cyagenwe nticyubahirizwa.

Bavuga ko ibyo bitera impungenge Abanyamuryango z’uko imitungo yabo abo basimbuwe bayijyanira kuko baba bameze nk'abakiri ku buyobozi kandi baramaze gusimburwa.

Umwe ati: “akenshi mu makoperative, gutinda kwemeza ba bandi batowe, ntiwabura kugira impungenge kuko umuntu aba yasimbuwe atari inyangamugayo. Aba akiri umu-signataire kuri konte, ntabwo twabura kugira impungenge nk’abahinzi. Gusaba ngo byihutishwe, nanjye nk’umuhinzi nabisaba nuko uwatowe agatangira gukora inshingano.”

“iyo ya minsi yubahirijwe umuntu agatangira inshingano, haba havuyeho cya cyuho wa wundi ashobora gukoresha agira Ibyo asahura muri koperative.”

Undi ati: “ kuko imbogamizi ya mbere, urumva umuntu watowe akaba atari yemezwa mu nshingano ze, nta kintu akora. Kandi n’uwamaze gukurwaho nawe, urumva ntazakora neza kuko azaba ameze nk’umuntu ukorera inyuma y’itegeko. Yamaze kuvanwaho n’inama rusange, inama rusange ifite abo yatoye kandi ntabwo bashyizweho. Ubwo rero yagombye kuba ahindurwa kare kuko byemejwe n’itegeko rya RSA ko agomba kuvanwaho mu gihe kingana n’iminsi 7. Ariko nibura bikabije, ntabwo umuntu yagombye kurenza iminsi 10 atari yemezwa.”

Dr Mugenzi Patrice; Umuyobozi mukuru w’ikigo cy’igihugu gishinzwe iterambere ry’amakoperative, RCA, avuga ko gutinda kwemeza abatorewe kuyobora amakoperative biterwa n’uko haba hagikorwa iperereza kugira ngo harebwe ko abatowe nta miziro bafite.

Gusa asaba amakoperative ko nyuma yo gutora bazajya bakurikirana ubusabe bwabo bwo guhabwa uburenzira bwo kwemeza abayobozi bashya batowe.

Ati: “ubundi iyo abantu bamaze gutorwa, inama yabaye basaba ko abayobozi batowe bemezwa. Nitwe rero tubemeza. Ariko ntabwo dupfa kubemeza, tubanza twamenya abo twemeza ni bande? Kuko mu bayobozi bashobora kwemezwa hashobora hari abafite imiziro. Ubwo rero … abo bavuga ngo yaratinze, ahubwo bagomba kubanza bamenya kubera iki yatinze?”

“ariko iyo umuntu afashe initiative agakurikirana dossier ye, biroroha cyane. ubwacu, ni ukuduhamagara tukabaha uburenganzira bwo kuba batangiye mugihe tukigenzura dossier yabo.”

Ubusanzwe igihe cyagenwe cyo gukora ihererekanyabubasha hagati y’abayobozi b’amakoperative batowe n’abo basimbuye ni iminsi irindwi. Gusa ariko abanyamuryango b’amakoperative bagaragaza ko akenshi abasimbuwe baba baraterewe icyizere n’abanyamuryango bitewe n’amakosa baba barakoze.

Ibyo kandi bituma cya gihe hategerejwe kwemeza abayobozi bashya,abo bashakisha uko biba imitungo y’amakoperative,bityo bagasaba ko iminsi irindwi y’ihererekanyabubasha yajya yubahirizwa kugira ngo amakoperative yabo agire umutekano.

@ Djamali Habarurema/Isango Star-Iburasirazuba.

 

kwamamaza

Kudakurikiza igihe cyagenwe cyo gushyiraho abayobozi bashya gitanga icyuho cyo gusahura koperative

Kudakurikiza igihe cyagenwe cyo gushyiraho abayobozi bashya gitanga icyuho cyo gusahura koperative

 Feb 14, 2024 - 15:31

Abanyamuryango b'amakoperative mu ntara y'Iburasirazuba barasaba ko igihe cyagenwe cyo kwemeza Abayobozi bashya batowe cyajya gikurikizwa kuko biha icyuho abasimbuwe cyo gusahura amakoperative ibintu bidindiza iterambere ryayo. Ubuyobozi bw'ikigo cy'igihugu gishinzwe iterambere ry'amakoperative RCA kivuga ko batinda kwemeza abatowe kuko haba hagikorwa iperereza ry'uko nta miziro bafite.

kwamamaza

Abanyamuryango b’amakoperative yo mu ntara y’Iburasirazuba bavuga ko iki kibazo cyo gutinda kwemeza abayobozi bashya baba batowe, biha icyuho abasimbuwe cyo gusahura koperative kugira ngo bayisige amara masa.

Bavuga ko ubusanzwe abatowe bemezwa n’ikigo cy’igihugu gishinzwe iterambere ry’amakoperative ariko igihe cyagenwe nticyubahirizwa.

Bavuga ko ibyo bitera impungenge Abanyamuryango z’uko imitungo yabo abo basimbuwe bayijyanira kuko baba bameze nk'abakiri ku buyobozi kandi baramaze gusimburwa.

Umwe ati: “akenshi mu makoperative, gutinda kwemeza ba bandi batowe, ntiwabura kugira impungenge kuko umuntu aba yasimbuwe atari inyangamugayo. Aba akiri umu-signataire kuri konte, ntabwo twabura kugira impungenge nk’abahinzi. Gusaba ngo byihutishwe, nanjye nk’umuhinzi nabisaba nuko uwatowe agatangira gukora inshingano.”

“iyo ya minsi yubahirijwe umuntu agatangira inshingano, haba havuyeho cya cyuho wa wundi ashobora gukoresha agira Ibyo asahura muri koperative.”

Undi ati: “ kuko imbogamizi ya mbere, urumva umuntu watowe akaba atari yemezwa mu nshingano ze, nta kintu akora. Kandi n’uwamaze gukurwaho nawe, urumva ntazakora neza kuko azaba ameze nk’umuntu ukorera inyuma y’itegeko. Yamaze kuvanwaho n’inama rusange, inama rusange ifite abo yatoye kandi ntabwo bashyizweho. Ubwo rero yagombye kuba ahindurwa kare kuko byemejwe n’itegeko rya RSA ko agomba kuvanwaho mu gihe kingana n’iminsi 7. Ariko nibura bikabije, ntabwo umuntu yagombye kurenza iminsi 10 atari yemezwa.”

Dr Mugenzi Patrice; Umuyobozi mukuru w’ikigo cy’igihugu gishinzwe iterambere ry’amakoperative, RCA, avuga ko gutinda kwemeza abatorewe kuyobora amakoperative biterwa n’uko haba hagikorwa iperereza kugira ngo harebwe ko abatowe nta miziro bafite.

Gusa asaba amakoperative ko nyuma yo gutora bazajya bakurikirana ubusabe bwabo bwo guhabwa uburenzira bwo kwemeza abayobozi bashya batowe.

Ati: “ubundi iyo abantu bamaze gutorwa, inama yabaye basaba ko abayobozi batowe bemezwa. Nitwe rero tubemeza. Ariko ntabwo dupfa kubemeza, tubanza twamenya abo twemeza ni bande? Kuko mu bayobozi bashobora kwemezwa hashobora hari abafite imiziro. Ubwo rero … abo bavuga ngo yaratinze, ahubwo bagomba kubanza bamenya kubera iki yatinze?”

“ariko iyo umuntu afashe initiative agakurikirana dossier ye, biroroha cyane. ubwacu, ni ukuduhamagara tukabaha uburenganzira bwo kuba batangiye mugihe tukigenzura dossier yabo.”

Ubusanzwe igihe cyagenwe cyo gukora ihererekanyabubasha hagati y’abayobozi b’amakoperative batowe n’abo basimbuye ni iminsi irindwi. Gusa ariko abanyamuryango b’amakoperative bagaragaza ko akenshi abasimbuwe baba baraterewe icyizere n’abanyamuryango bitewe n’amakosa baba barakoze.

Ibyo kandi bituma cya gihe hategerejwe kwemeza abayobozi bashya,abo bashakisha uko biba imitungo y’amakoperative,bityo bagasaba ko iminsi irindwi y’ihererekanyabubasha yajya yubahirizwa kugira ngo amakoperative yabo agire umutekano.

@ Djamali Habarurema/Isango Star-Iburasirazuba.

kwamamaza