Kayonza: Aborozi b’inka barasabwa kororera mu biraro, aho gukoresha inzuri

Kayonza: Aborozi b’inka barasabwa kororera mu biraro, aho gukoresha inzuri

Aborozi b’inka mur’aka karere barasabwa gukoresha inzuri nk’uko amabwiriza ya Leta abiteganya,bakororera mu biraro kugira ngo haboneke umusaro w’ibiribwa n’amata mwinshi. Ikigo cy’igihugu gishinzwe guteza imbere ubuhinzi n’ubworozi (RAB),kivuga ko barimo gufashwa kubona damushiti z’ubuntu nta kiguzi basabwe mu rwego rwo kubafasha kororera mu biraro.

kwamamaza

 

Gahunda ya Zero Grezing cyangwa kororera mu biraro igamije gutuma inzuri zikoreshwa neza kugira ngo zivemo ibitunga abantu n’amatungo ndetse n’umusaruro w’amata nawo ukiyongera.

Bamwe mu borozi b’inka bo mu karere ka Kayonza bavuga ko iyi gahunda batangiye kuyitabira, aho bari kugabanya umubare w’inka bagasigarana nkeya, ubwo 70% by’inzuri bakayihinga ahasigaye bakahatera ubwatsi ndetse bakanubaka ibiraro na hangari zo kubikamo ibisigazwa by’imyaka.

Umwe muribo wahamirije n’Isango Star ko biri gutanga umusaruro ku mpande zombi.

Ati: “ mbona batabyitabira ariko njyewe mbona ari byiza, muri iri zuba rishize ntabwo inka zashonje ngo zigire inzara. Zabonye ubwatsi, zirya ubwatsi nabitse  (…) zikamera neza, zikanywa amazi ….”

Undi ati: “ ibintu Leta iriho itwigisha noneho binjya mu mutwe neza nuko za nka 40 ndazigurisha nubaka hangar. Za ntambwe baduhaye zo guhinga, ndazihinga. Ubu hangar nayubakishije ibiti 57, ubu narapakiye. Ubu ngize Imana ngo mbone damushiti, bayimpaye byose nabigeraho."

Nyemazi John Bosco Umuyobozi w’akarere ka Kayonza, avuga ko hagiye gushyirwaho amatsinda azagenzura uko ubutaka bwo mu nzuri bukoreshwa, byose bigamije kuzamura umusaruro w’ubuhinzi n’ubworozi.

Yagize ati: “ni ukuvuga ngo noneho nihashyirweho amatsinda yihariye agende agere ku rwuri rwa buri mworozi, turebe ubutaka afite uko bungana, uko abukoresha. Arabuhinga se? yororera kuri kangahe? Nuko ubudakoreshwa tubumenye. Noneho hashyirweho ingamba zivuga ngo abo batabikora ni iki cyatuma babikora.”

“ibyo byose ni ukugira ngo tubashe gukora ubworozi buteye imbere.”

Ni ibikorwa bigamije gushyira mu bikorwa imwe mu myanzuro yafatiwe i Nyamata mu karere ka Bugesera y’ihuriro ry’ubuhinzi n’ubworozi.

Dr. Fabrice Ndayisenga ushinzwe agashami k’ubworozi mu kigo cy’igihugu gishinzwe ubuhinzi n’ubworozi (RAB),avuga ko Leta irimo gutanga damushiti kuri nkunganire 100% ku burozi bujuje ibisabwa birimo ikiraro, hangari ndetse n’ubwatsi.

Avuga ko kandi bigamije gufasha aborozi gushyira mu bikorwa gahunda yo kororera mu biraro kugira ngo ubutaka buhingwe ku kigero cya 70%.

Ati: “ Damushiti ni izo kugira ngo wa mworozi wagerageje gushyiramo za mbaraga n’ubwitange, Leta nayo igire icyo imwongera kuko miliyoni imwe n’igice iriya damushiti ihagaze ni ikintu gikomeye ku mworozi. Amazi ku muntu ukora ubworozi ni ikintu gikomeye.”

“ ba borozi borora bategereje gushora kuri damu bivemo, nuko umuntu agire byose mu rwuri rwe.”

 Ubusanzwe mu karere ka Kayonza hari gahunda yo guhinga 70% maze ubworozi bugakorerwa kuri 30%. Gusa aborozi barimo kuyigendamo biguru ntege kuko muri hegitari 30 096 z’inzuri, hahinzwe hegitari 2 885 zonyine.

Umurenge wa Murundi ufite ubuso bw’inzuri bungana na hegitari 15 000, bahinze 705gusa. Naho uwa Gahini ufite hegitari 7 850, aborozi bahinze hegitari 658. Muri Mwiri hari hegitari 5 038, hahinzwe hegitare 647, mugihe mu murenge wa Ndego ufite hegitari 2 208 z’inzuri, hwahinze 875.

@ Djamali Habarurema/Isango Star-Kayonza.

 

kwamamaza

Kayonza: Aborozi b’inka barasabwa kororera mu biraro, aho gukoresha inzuri

Kayonza: Aborozi b’inka barasabwa kororera mu biraro, aho gukoresha inzuri

 Mar 26, 2024 - 11:06

Aborozi b’inka mur’aka karere barasabwa gukoresha inzuri nk’uko amabwiriza ya Leta abiteganya,bakororera mu biraro kugira ngo haboneke umusaro w’ibiribwa n’amata mwinshi. Ikigo cy’igihugu gishinzwe guteza imbere ubuhinzi n’ubworozi (RAB),kivuga ko barimo gufashwa kubona damushiti z’ubuntu nta kiguzi basabwe mu rwego rwo kubafasha kororera mu biraro.

kwamamaza

Gahunda ya Zero Grezing cyangwa kororera mu biraro igamije gutuma inzuri zikoreshwa neza kugira ngo zivemo ibitunga abantu n’amatungo ndetse n’umusaruro w’amata nawo ukiyongera.

Bamwe mu borozi b’inka bo mu karere ka Kayonza bavuga ko iyi gahunda batangiye kuyitabira, aho bari kugabanya umubare w’inka bagasigarana nkeya, ubwo 70% by’inzuri bakayihinga ahasigaye bakahatera ubwatsi ndetse bakanubaka ibiraro na hangari zo kubikamo ibisigazwa by’imyaka.

Umwe muribo wahamirije n’Isango Star ko biri gutanga umusaruro ku mpande zombi.

Ati: “ mbona batabyitabira ariko njyewe mbona ari byiza, muri iri zuba rishize ntabwo inka zashonje ngo zigire inzara. Zabonye ubwatsi, zirya ubwatsi nabitse  (…) zikamera neza, zikanywa amazi ….”

Undi ati: “ ibintu Leta iriho itwigisha noneho binjya mu mutwe neza nuko za nka 40 ndazigurisha nubaka hangar. Za ntambwe baduhaye zo guhinga, ndazihinga. Ubu hangar nayubakishije ibiti 57, ubu narapakiye. Ubu ngize Imana ngo mbone damushiti, bayimpaye byose nabigeraho."

Nyemazi John Bosco Umuyobozi w’akarere ka Kayonza, avuga ko hagiye gushyirwaho amatsinda azagenzura uko ubutaka bwo mu nzuri bukoreshwa, byose bigamije kuzamura umusaruro w’ubuhinzi n’ubworozi.

Yagize ati: “ni ukuvuga ngo noneho nihashyirweho amatsinda yihariye agende agere ku rwuri rwa buri mworozi, turebe ubutaka afite uko bungana, uko abukoresha. Arabuhinga se? yororera kuri kangahe? Nuko ubudakoreshwa tubumenye. Noneho hashyirweho ingamba zivuga ngo abo batabikora ni iki cyatuma babikora.”

“ibyo byose ni ukugira ngo tubashe gukora ubworozi buteye imbere.”

Ni ibikorwa bigamije gushyira mu bikorwa imwe mu myanzuro yafatiwe i Nyamata mu karere ka Bugesera y’ihuriro ry’ubuhinzi n’ubworozi.

Dr. Fabrice Ndayisenga ushinzwe agashami k’ubworozi mu kigo cy’igihugu gishinzwe ubuhinzi n’ubworozi (RAB),avuga ko Leta irimo gutanga damushiti kuri nkunganire 100% ku burozi bujuje ibisabwa birimo ikiraro, hangari ndetse n’ubwatsi.

Avuga ko kandi bigamije gufasha aborozi gushyira mu bikorwa gahunda yo kororera mu biraro kugira ngo ubutaka buhingwe ku kigero cya 70%.

Ati: “ Damushiti ni izo kugira ngo wa mworozi wagerageje gushyiramo za mbaraga n’ubwitange, Leta nayo igire icyo imwongera kuko miliyoni imwe n’igice iriya damushiti ihagaze ni ikintu gikomeye ku mworozi. Amazi ku muntu ukora ubworozi ni ikintu gikomeye.”

“ ba borozi borora bategereje gushora kuri damu bivemo, nuko umuntu agire byose mu rwuri rwe.”

 Ubusanzwe mu karere ka Kayonza hari gahunda yo guhinga 70% maze ubworozi bugakorerwa kuri 30%. Gusa aborozi barimo kuyigendamo biguru ntege kuko muri hegitari 30 096 z’inzuri, hahinzwe hegitari 2 885 zonyine.

Umurenge wa Murundi ufite ubuso bw’inzuri bungana na hegitari 15 000, bahinze 705gusa. Naho uwa Gahini ufite hegitari 7 850, aborozi bahinze hegitari 658. Muri Mwiri hari hegitari 5 038, hahinzwe hegitare 647, mugihe mu murenge wa Ndego ufite hegitari 2 208 z’inzuri, hwahinze 875.

@ Djamali Habarurema/Isango Star-Kayonza.

kwamamaza