Itsinda ry’abayobozi bo mu ntara ya Kagera bashimye uburyo u Rwanda rubyaza umusaruro ubutaka buto.

Itsinda ry'abayobozi b'intara ya Kagera mu gihugu cya Tanzania basuye icyanya cyuhirwa cya Nasho mu karere ka Kirehe bishimira uburyo u Rwanda rubyaza umusaruro ubutaka buto mu byerekeye ubuhinzi. Ubuyobozi bw'intara y'Iburasirazuba buvuga ko uru ruzinduko ruzafasha mu buhinzi n'ubworozi kuko rugiye gufungura ubuhahirane bwisumbuyeho bw'abatuye muri izo ntara.

kwamamaza

 

Fatima Abubakar Mwassa; Umuyobozi w'intara ya Kagera, yashimye uburyo u Rwanda ruzi gufata ubutaka buto bukabyazwa umusaruro mu rwego rw’ubuhinzi . avuga ko nabo ibyo bazabikora iwabo, cyane ko Tanzaniya ifite ubutaka bunini ariko butabyazwa umusaruro.

Yagize ati: “Ikigaragara cy’ingenzi ni uko muhinga ku butaka buto kandi mugasaruraho umusaruro mwiza, Ibyo rero ni isomo rikomeye twize. Mu gihe iwacu dufite ubutaka bunini bwangirika ariko inaha bafite ubutaka buto cyane bufashwe neza kandi bugatanga umusaruro mwiza ugereranyije n’uwo ubw’iwacu butanga.”

“ Nk’ubu ku bahinga buhira, twumvise ko abahinzi babona imifuka 170 ku gice cya hegitari ariko iwacu abahinzi basaruraho imifuka hejuru ya 40 yonyine ku gice cya hegitari”.

CG Emmanuel Gasana; Umuyobozi w'intara y'iburasirazuba, avuga ko uruzinduko rw'abayobozi b'intara ya Kagera yo mu gihugu cya Tanzania,barimo muri iyi ntara mu gice cy'ubuhinzi n'ubworozi, aho abatuye intara zombie bazajya babona aho bacuruza ibikomoka ku buhinzi n'ubworozi mu rwego rwo kwihaza mu biribwa.

Ati: “turashima ibihugu byacu mbombi ko bifite ubushake bwa politiki bwo kubana neza. Ariko noneho twasinye n’amasezerano hagati y’intara y’Iburasirazuba n’intara ya Kagera agamije kugira ngo dufatanye mu buryo bw’imigenderanire n’imikoranire ndetse no mu guhahirana birimo no guhinga ugasagurira amasoko.”

“ cyangwa se n’abacuruzi bacu bakaba banagenda bakajya gucururizayo, haba guhinga cyangwa gucuruza bisanzwe. Kuborora, tukaboroza, bakatworoza ariko mu buryo bwo gucuruza. Ibyo byose biri muri gahunda yo twasinye amasezerano kugira ngo duteze imbere abaturage bacu.”

Nyuma yo gusura icyanya cyuhirwa cya Nasho mu karere ka Kirehe, Abayobozi baturutse mu ntara ya Kagera muri Tanzania banasuye ikigo gitanga serivise hifashishijwe utudege duto [drone] kiri mu karere ka Kayonza.

Banasuye kandi icyumba ntangamakuru mu buryo bw'ikoranabuhanga cy'intara y'Iburasirazuba ndetse banakorana inama n'abayobozi batandukanye harimo iyabahuje n'abayobozi mu ntara y'Iburasirazuba, ab'uturere rwose tugize iyi ntara ndetse n'abahagarariye abikorera.

@ Djamali Habarurema/Isango Star-Iburasirazuba.

 

kwamamaza

Itsinda ry’abayobozi bo mu ntara ya Kagera bashimye uburyo u Rwanda rubyaza umusaruro ubutaka buto.

 Sep 14, 2023 - 14:42

Itsinda ry'abayobozi b'intara ya Kagera mu gihugu cya Tanzania basuye icyanya cyuhirwa cya Nasho mu karere ka Kirehe bishimira uburyo u Rwanda rubyaza umusaruro ubutaka buto mu byerekeye ubuhinzi. Ubuyobozi bw'intara y'Iburasirazuba buvuga ko uru ruzinduko ruzafasha mu buhinzi n'ubworozi kuko rugiye gufungura ubuhahirane bwisumbuyeho bw'abatuye muri izo ntara.

kwamamaza

Fatima Abubakar Mwassa; Umuyobozi w'intara ya Kagera, yashimye uburyo u Rwanda ruzi gufata ubutaka buto bukabyazwa umusaruro mu rwego rw’ubuhinzi . avuga ko nabo ibyo bazabikora iwabo, cyane ko Tanzaniya ifite ubutaka bunini ariko butabyazwa umusaruro.

Yagize ati: “Ikigaragara cy’ingenzi ni uko muhinga ku butaka buto kandi mugasaruraho umusaruro mwiza, Ibyo rero ni isomo rikomeye twize. Mu gihe iwacu dufite ubutaka bunini bwangirika ariko inaha bafite ubutaka buto cyane bufashwe neza kandi bugatanga umusaruro mwiza ugereranyije n’uwo ubw’iwacu butanga.”

“ Nk’ubu ku bahinga buhira, twumvise ko abahinzi babona imifuka 170 ku gice cya hegitari ariko iwacu abahinzi basaruraho imifuka hejuru ya 40 yonyine ku gice cya hegitari”.

CG Emmanuel Gasana; Umuyobozi w'intara y'iburasirazuba, avuga ko uruzinduko rw'abayobozi b'intara ya Kagera yo mu gihugu cya Tanzania,barimo muri iyi ntara mu gice cy'ubuhinzi n'ubworozi, aho abatuye intara zombie bazajya babona aho bacuruza ibikomoka ku buhinzi n'ubworozi mu rwego rwo kwihaza mu biribwa.

Ati: “turashima ibihugu byacu mbombi ko bifite ubushake bwa politiki bwo kubana neza. Ariko noneho twasinye n’amasezerano hagati y’intara y’Iburasirazuba n’intara ya Kagera agamije kugira ngo dufatanye mu buryo bw’imigenderanire n’imikoranire ndetse no mu guhahirana birimo no guhinga ugasagurira amasoko.”

“ cyangwa se n’abacuruzi bacu bakaba banagenda bakajya gucururizayo, haba guhinga cyangwa gucuruza bisanzwe. Kuborora, tukaboroza, bakatworoza ariko mu buryo bwo gucuruza. Ibyo byose biri muri gahunda yo twasinye amasezerano kugira ngo duteze imbere abaturage bacu.”

Nyuma yo gusura icyanya cyuhirwa cya Nasho mu karere ka Kirehe, Abayobozi baturutse mu ntara ya Kagera muri Tanzania banasuye ikigo gitanga serivise hifashishijwe utudege duto [drone] kiri mu karere ka Kayonza.

Banasuye kandi icyumba ntangamakuru mu buryo bw'ikoranabuhanga cy'intara y'Iburasirazuba ndetse banakorana inama n'abayobozi batandukanye harimo iyabahuje n'abayobozi mu ntara y'Iburasirazuba, ab'uturere rwose tugize iyi ntara ndetse n'abahagarariye abikorera.

@ Djamali Habarurema/Isango Star-Iburasirazuba.

kwamamaza