Kiny
Eng
Fr
Ingengo y'imari ya 2024/ 2025 yiyongereyeho 11.2% ugereranyije n'iya 2023/ 2024
Gisubizo Philemon
May 27, 2024 - 10:42
Kuri uyu wa Gatanu Minisiteri y’imari n’igenamigambi MINECOFIN yagejeje umushinga w’ingengo y’imari 2024/2025 ku nteko ishinga amategeko imitwe yombi, aho yiyongereyeho 11.2% ugereranije n’ingengo y’imari ya 2023/2024.
kwamamaza
Ubwo Minisitiri w’imari n’igenamigambi Dr. Uzziel Ndagijimana yagezaga ku nteko ishinga amategeko imitwe yombi umushinga w’ingengo y’imari y’umwaka 2024/2025 yavuze ko ingengo y’imari y'umwaka utaha yiyongereye kuko izaba ari miliyari 5,690,1 Frw ugereranije n’umwaka ushize yari 5,115,6Frw.
Ati "yiyonegereyeho miliyari 5,690,1Frw akaba aziyongeraho agera kuri miliyari 574.5Frw bingana na 11.2% ugereranyije na miliyari na 5,115,6Frw ari mungengo y'imari ivuguruwe y'uyu mwaka, amafaranga akomoka imbere mu gihugu azagera kuri miliyari 3,414,4Frw bingana na 60% by'ingengo y'imari yose y'umwaka utaha akaba ari intambwe ishimishije mu kwihaza mungengo y'imari".
Dr. Uzziel Ndagijimana akomeza avuga ko amafaranga y’ingengo y’imari y’umwaka utaha yagenwe gukoreshwa harebwe kuri gahunda y’igihugu yo kwihutisha iterambere mu nkingi eshatu zirimo, ubukungu imiyoborere myiza n’imibereho myiza mu bikorwa birimo kongerera ubushobozi bwo kubika ibikomoka kuri peteroli, kongera ibikorwaremezo nko kubaka amacumbi aciriritse n'ibindi.
Minisiteri y’imari n’igenamigambi yerekanye umushinga w’ingengo y’imari y’umwaka utaha 2024/2025, mu gihe ingengo y’imari y’umwaka 2023/2024 izarangira mu kwezi kwa 6, igeze kuri 95% ishyirwa mu bikorwa.
Inkuru ya Vestine Umurerwa / Isango Star Kigali
kwamamaza