Iburasirazuba: Abayobozi biyemeje guhangana n’ikibazo cy’imitangire mibi ya Serivise

Iburasirazuba: Abayobozi biyemeje guhangana n’ikibazo cy’imitangire mibi ya Serivise

Abayobozi bo mu ntara y’Ibirasirazuba  biyemeje guhangana n'ikibazo cy'imitangire mibi ya serivise zihabwa abaturage. Bavuga ko ibyo bibangamira gahunda yo kwihutisha iterambere no guhindura imibereho y’abaturage.

kwamamaza

 

Ibi babitangaje ubwo bari mu mwiherero w'iminsi ibiri waberaga mu karere ka Bugesera, wahuje Abayobozi mu ntara y'Iburasirazuba hamwe n'abafatanyabikorwa b'iyi ntara. Ni umwiherero wari ugamije gusuzuma ishyirwa mu bikorwa ry'ibikorwa na gahunda zitandukanye.

Pudence Rubingisa; Umuyobozi w'intara y'Iburasirazuba, avuga ko wabaye umwanya wo kongera kwisuzuma no gufata ingamba zifasha mu kwihutisha iterambere no guhindura imibereho y’abaturage, byose bihuriye mu guha umuturage serivise nziza.

Ati: “icyo twari tugambiriye kwari ukugira ngo twisuzume aho tugeze dushyira mu bikorwa ibyo twari twariyemeje dukorera abaturage, nyuma yi kwisuzuma ariko tugafata n’ingamba. Ingamba dufata ni ukureba ahakiri ibibazo, uko tugiye gukora bitandukanye kugira ngo bikemuke. Tukubakira no ku mpanuro twahawe ejo bundi na Nyakubahwa perezida wa Repubulika tuvuye mu mushyikirano wa 19, hari ingamba zafashwe kugira ngo turebe ahagomba kujya ikibatsi.”

“ ibi byose rero tukabisoza  tunareba ese wa muturage tuba dushyashyanira, tuba dushyira imbere abyungukiramo ate? Yaba mu gukemura ibibazo ahura nabyo buri munsi ariko nizo ngamba tugenda dufata, uko bigenda bihindura ubuzima bwe bwa buri munsi.”

Ku ruhande rw'abitabiriye umwihorero w'abayobozi mu ntara y'Iburasirazuba, bemeza ko umwanya nk'uyu wari ucyenewe kugira  ngo bicare basesengure ahagaragara icyuho mu mitangire ya serivise baha abaturage, ariko bahangana na bamwe muri bo batekinika ku mitangire y'izo serivise.

Mbonyumuvunyi Radjab; umuyobozi  w’Akarere ka Rwamagana, yagize ati: “tuhakuye impamba kandi nini ikomeye. Impamba ya mbere ni ukugenda tukarushaho kwegerana no gukorera hamwe, gukorana nk’ikipe kugira ngo tubashe kure. Ubu rero tugiye kunoza imikorere n’imikoranire, atari ku karere gusa, ahubwo kuva ku mudugudu, ku kagali,ku murenge, ku karere.”

“ Hanyuma ikindi tugiye gushyiramo imbaraga cyane ni ibijyanye no gutanga serivise, kunoza serivise dutanga kuko mu ntara y’Iburasirazuba dufite ijambo duhuriyeho rivuga ngo ‘dushyshyanira umuturage.’

 Doreen Basiime Kalimba, Perezida wa njyanama ya Kayonza, yunze murye, ati: “ niyo mpamvu dukomeza gukora izi retreat kugira ngo dusubire kuri ibyo byose, ibitaragenze neza turebe ukuntu abantu bagaruka mu murongo. Muri make niyo mpamvu y’iyi retreat, n’ubundi icyo tugamije ni ukugira ngo turebe, twisuzume , tugende tureba aho bitagenze neza ducyeburane.”

Umwiherero wateguwe n'intara y'Iburasirazuba wahuje abayobozi b'iyi ntara,Abagize Komite Nyobozi z'Uturere, ba Perezida b'inama Njyanama z'Uturere n'abafatanyabikorwa barimo Plan Rwanda. Mu bindi byagarutsweho harimo ishyirwa mu bikorwa ry'imihigo ya 2023/2024 n'ingamba zo kwihutisha ishyirwa mu bikorwa ryayo, ishyirwa mu bikorwa ry'ingengo y'imari, ubukangurambaga mu baturage ndetse na gahunda z'ibikorwa biteganyijwe gukorwa mu bihe biri imbere birimo amatora ateganijwe muri Nyakanga (07) uyu mwaka.

@ Djamali Habarurema/Isango Star-Iburasirazuba.

 

kwamamaza

Iburasirazuba: Abayobozi biyemeje guhangana n’ikibazo cy’imitangire mibi ya Serivise

Iburasirazuba: Abayobozi biyemeje guhangana n’ikibazo cy’imitangire mibi ya Serivise

 Jan 31, 2024 - 07:43

Abayobozi bo mu ntara y’Ibirasirazuba  biyemeje guhangana n'ikibazo cy'imitangire mibi ya serivise zihabwa abaturage. Bavuga ko ibyo bibangamira gahunda yo kwihutisha iterambere no guhindura imibereho y’abaturage.

kwamamaza

Ibi babitangaje ubwo bari mu mwiherero w'iminsi ibiri waberaga mu karere ka Bugesera, wahuje Abayobozi mu ntara y'Iburasirazuba hamwe n'abafatanyabikorwa b'iyi ntara. Ni umwiherero wari ugamije gusuzuma ishyirwa mu bikorwa ry'ibikorwa na gahunda zitandukanye.

Pudence Rubingisa; Umuyobozi w'intara y'Iburasirazuba, avuga ko wabaye umwanya wo kongera kwisuzuma no gufata ingamba zifasha mu kwihutisha iterambere no guhindura imibereho y’abaturage, byose bihuriye mu guha umuturage serivise nziza.

Ati: “icyo twari tugambiriye kwari ukugira ngo twisuzume aho tugeze dushyira mu bikorwa ibyo twari twariyemeje dukorera abaturage, nyuma yi kwisuzuma ariko tugafata n’ingamba. Ingamba dufata ni ukureba ahakiri ibibazo, uko tugiye gukora bitandukanye kugira ngo bikemuke. Tukubakira no ku mpanuro twahawe ejo bundi na Nyakubahwa perezida wa Repubulika tuvuye mu mushyikirano wa 19, hari ingamba zafashwe kugira ngo turebe ahagomba kujya ikibatsi.”

“ ibi byose rero tukabisoza  tunareba ese wa muturage tuba dushyashyanira, tuba dushyira imbere abyungukiramo ate? Yaba mu gukemura ibibazo ahura nabyo buri munsi ariko nizo ngamba tugenda dufata, uko bigenda bihindura ubuzima bwe bwa buri munsi.”

Ku ruhande rw'abitabiriye umwihorero w'abayobozi mu ntara y'Iburasirazuba, bemeza ko umwanya nk'uyu wari ucyenewe kugira  ngo bicare basesengure ahagaragara icyuho mu mitangire ya serivise baha abaturage, ariko bahangana na bamwe muri bo batekinika ku mitangire y'izo serivise.

Mbonyumuvunyi Radjab; umuyobozi  w’Akarere ka Rwamagana, yagize ati: “tuhakuye impamba kandi nini ikomeye. Impamba ya mbere ni ukugenda tukarushaho kwegerana no gukorera hamwe, gukorana nk’ikipe kugira ngo tubashe kure. Ubu rero tugiye kunoza imikorere n’imikoranire, atari ku karere gusa, ahubwo kuva ku mudugudu, ku kagali,ku murenge, ku karere.”

“ Hanyuma ikindi tugiye gushyiramo imbaraga cyane ni ibijyanye no gutanga serivise, kunoza serivise dutanga kuko mu ntara y’Iburasirazuba dufite ijambo duhuriyeho rivuga ngo ‘dushyshyanira umuturage.’

 Doreen Basiime Kalimba, Perezida wa njyanama ya Kayonza, yunze murye, ati: “ niyo mpamvu dukomeza gukora izi retreat kugira ngo dusubire kuri ibyo byose, ibitaragenze neza turebe ukuntu abantu bagaruka mu murongo. Muri make niyo mpamvu y’iyi retreat, n’ubundi icyo tugamije ni ukugira ngo turebe, twisuzume , tugende tureba aho bitagenze neza ducyeburane.”

Umwiherero wateguwe n'intara y'Iburasirazuba wahuje abayobozi b'iyi ntara,Abagize Komite Nyobozi z'Uturere, ba Perezida b'inama Njyanama z'Uturere n'abafatanyabikorwa barimo Plan Rwanda. Mu bindi byagarutsweho harimo ishyirwa mu bikorwa ry'imihigo ya 2023/2024 n'ingamba zo kwihutisha ishyirwa mu bikorwa ryayo, ishyirwa mu bikorwa ry'ingengo y'imari, ubukangurambaga mu baturage ndetse na gahunda z'ibikorwa biteganyijwe gukorwa mu bihe biri imbere birimo amatora ateganijwe muri Nyakanga (07) uyu mwaka.

@ Djamali Habarurema/Isango Star-Iburasirazuba.

kwamamaza