Huye: Barasaba ingoboka nyuma yuko umuhanda Huye- Rusizi wangije imyaka yabo

Huye: Barasaba ingoboka nyuma yuko umuhanda Huye- Rusizi wangije imyaka yabo

Hari abaturage bavuga ko bahabwa ingoboka nyuma y'aho umuhanda Huye- Rusizi wangirikiye ukangiza imyaka bari barahinze ku bw'uko babona warasondetswe mu iyubakwa ryawo. Ubuyobozi bw'akarere buvuga ko hagiye kurebwa imiterere y'ubusabe bwabo ariko bakagirwa n'inama yo kujya banashyira mu bwishingizi imyaka baba bahinze.

kwamamaza

 

Mu cyumweru gishize nibwo umuhanda Huye-Rusizi w’ahitwa ku Karambi wangiritse ugahagarika urujya n'uruza rw'abantu n'ibintu. Ibyo byatewe n’ ibiza ndetse mu isenyuka ryawo unagiza imirima y’abaturage yari irimo imyaka, none ubu barasaba ko bagorokwa.

Mu kiganiro n’Isango Star, umwe yagize ati:“nangirijwe ibintu byinshi cyane, byagiye, nahasigaye Mwogo yahise ihatwara n’ibisigaye byose byatabamye. Nari narahinze intoryi, nshoramo amafaranga ibihumbi 60 nari naguze imbuto, nshiramo amafumbire, nshiramo amasaso, byose niko nabiguraga. Imyumbati yose yari imaze gukura, nari mfite imigende itatu, ni ukugenda umuntu abishyayura ashyira amatungo, urumva ko inzara igiye kunyica.”

Yongeraho ko“ ntawe unyishyura! Mfite ikibazo ko mwankorera ubuvugizi bakaba bandebera ikintu naba ndya muri iyi minsi kuko urabona ubu ni ubwa gatatu bahasanye. Ubwa mbere harakundutse nanone nari narahinzemo imbuto birengaho, baraza barasana bashyiraho na escalier, noneho haciyemo nk’icyumweru harongera haraturika. Ubwo ni ikibazo, bishoboke ko mo hasi hashobora kuba harimo nk’amazi.”

Undi ati: “urabona wasenyukaga bakaza bagasana. Ariko ntitumenye ko hariya munsi hashobora kuba hafite ikibazo, nuko tugiye kubona, tubona nanone bibaye kuriya, imyaka yacu iragenda, indi yarenzweho....”

Ange Sebutege; Umuyobozi w'akarere ka Huye, avuga ko hagiye kurebwa imiterere y'ubusabe bwabo. Ariko abagira n'inama yo kujya banashyira mu bwishingizi imyaka bahinga.

Ati: “abaturage n’ubundi iyo bahinga tubagira inama yo gufata ubwishingizi mu buhinzi, ibindi hakorwa isesengurwa noneho umuturage wese wagira ikibazo abayobozi baba bahari ngo bamufashe.”

Abaturage bagaragaza ko uyu muhanda uhora wangirika ukabangiriza imyaka, waba warasondetswe mu iyubakwa ryawo. Basaba ko ubutaha hajya hakozwa igenzura ry'imbitse ku biba byubatswe kugira ngo bitazajya bihora bibangiriza ari nako bihombya igihugu.

Umwe ati: “ugasanga nk’ahantu hari amakanivo y’amazi bahashyize hasi, imvura yagwa ari nyinshi noneho gushoka kw’amazi bikanga noneho y’amazi agasubira ruguru, cyangwa se umucanga ukaza ukitindamo  nuko amateme akaziba.”

“ icyo dusaba leta ni uko aho bagiye bashyira hasi bahazamura hakajya hejuru noneho amazi akajya abona uko atemba, akagenda.”

@ RUKUNDO Emmanuel/Isango Star-Huye.

 

kwamamaza

Huye: Barasaba ingoboka nyuma yuko umuhanda Huye- Rusizi wangije imyaka yabo

Huye: Barasaba ingoboka nyuma yuko umuhanda Huye- Rusizi wangije imyaka yabo

 Jan 23, 2024 - 13:31

Hari abaturage bavuga ko bahabwa ingoboka nyuma y'aho umuhanda Huye- Rusizi wangirikiye ukangiza imyaka bari barahinze ku bw'uko babona warasondetswe mu iyubakwa ryawo. Ubuyobozi bw'akarere buvuga ko hagiye kurebwa imiterere y'ubusabe bwabo ariko bakagirwa n'inama yo kujya banashyira mu bwishingizi imyaka baba bahinze.

kwamamaza

Mu cyumweru gishize nibwo umuhanda Huye-Rusizi w’ahitwa ku Karambi wangiritse ugahagarika urujya n'uruza rw'abantu n'ibintu. Ibyo byatewe n’ ibiza ndetse mu isenyuka ryawo unagiza imirima y’abaturage yari irimo imyaka, none ubu barasaba ko bagorokwa.

Mu kiganiro n’Isango Star, umwe yagize ati:“nangirijwe ibintu byinshi cyane, byagiye, nahasigaye Mwogo yahise ihatwara n’ibisigaye byose byatabamye. Nari narahinze intoryi, nshoramo amafaranga ibihumbi 60 nari naguze imbuto, nshiramo amafumbire, nshiramo amasaso, byose niko nabiguraga. Imyumbati yose yari imaze gukura, nari mfite imigende itatu, ni ukugenda umuntu abishyayura ashyira amatungo, urumva ko inzara igiye kunyica.”

Yongeraho ko“ ntawe unyishyura! Mfite ikibazo ko mwankorera ubuvugizi bakaba bandebera ikintu naba ndya muri iyi minsi kuko urabona ubu ni ubwa gatatu bahasanye. Ubwa mbere harakundutse nanone nari narahinzemo imbuto birengaho, baraza barasana bashyiraho na escalier, noneho haciyemo nk’icyumweru harongera haraturika. Ubwo ni ikibazo, bishoboke ko mo hasi hashobora kuba harimo nk’amazi.”

Undi ati: “urabona wasenyukaga bakaza bagasana. Ariko ntitumenye ko hariya munsi hashobora kuba hafite ikibazo, nuko tugiye kubona, tubona nanone bibaye kuriya, imyaka yacu iragenda, indi yarenzweho....”

Ange Sebutege; Umuyobozi w'akarere ka Huye, avuga ko hagiye kurebwa imiterere y'ubusabe bwabo. Ariko abagira n'inama yo kujya banashyira mu bwishingizi imyaka bahinga.

Ati: “abaturage n’ubundi iyo bahinga tubagira inama yo gufata ubwishingizi mu buhinzi, ibindi hakorwa isesengurwa noneho umuturage wese wagira ikibazo abayobozi baba bahari ngo bamufashe.”

Abaturage bagaragaza ko uyu muhanda uhora wangirika ukabangiriza imyaka, waba warasondetswe mu iyubakwa ryawo. Basaba ko ubutaha hajya hakozwa igenzura ry'imbitse ku biba byubatswe kugira ngo bitazajya bihora bibangiriza ari nako bihombya igihugu.

Umwe ati: “ugasanga nk’ahantu hari amakanivo y’amazi bahashyize hasi, imvura yagwa ari nyinshi noneho gushoka kw’amazi bikanga noneho y’amazi agasubira ruguru, cyangwa se umucanga ukaza ukitindamo  nuko amateme akaziba.”

“ icyo dusaba leta ni uko aho bagiye bashyira hasi bahazamura hakajya hejuru noneho amazi akajya abona uko atemba, akagenda.”

@ RUKUNDO Emmanuel/Isango Star-Huye.

kwamamaza