Huye: Babangamiwe n’ikimenyane mu mitangire y’akazi kuri ba Rwiyemezamirimo

Huye: Babangamiwe n’ikimenyane mu mitangire y’akazi kuri ba Rwiyemezamirimo

Bamwe mu baturage baravuga ko babangamiwe na ba rwiyemezamirimo baza kubaka ibikorwaremezo binini bakabima imirimo, kandi yakabaye amahirwe yo kwivana mu bukene. Ubuyobozi bw'Akarere ka Huye buvuga ko akazi kadakwiye gushakirwa ahantu hamwe kuko no mu cyaro hari imirimo.

kwamamaza

 

Mu Karere ka Huye, imyaka igiye kuba 5 by'umwihariko mu mujyi rwagati hari kuvugururwa ari nako hazamurwa inyubako zigezweho mu buryo bw'amagorofa ku buryo abantu bava mu cyaro bakaza kuhashaka imirimo.

Gusa bamwe muri bo baganiriye n’Isango Star bavuga ko iyo mirimo bayibura kuko akazi gahabwa abo mu bindi bice by'igihugu bagiye bakorana na ba rwiyemezamirimo baje kubakisha izo nyubako.

Iyo bakabuze, bahitamo kujya kugashakira ku ndege, hakaba n'ubwo bahamara icyumweru batarabona uza kubaha akazi, bagasaba ko iyo mikorere yahinduka.

Umwe ati: “hari igihe uza gutega indege cyangwa gushakisha ukamara n’icyumweru utarabona akazi kandi ubona ibikorwaremezo biri kuzamuka.”

Undi ati: “Twebwe tuba turi aha ntabwo baba bakiturebye ahubwo baragenda bakazana ba bantu babo bakoreye za Kigali, Musanze...ntabwo wapfa kubonamo akazi, usanga ari nk’ikimenyane.”

“niba bakoresha 30, bazajya bashyiramo nibura 15 baho ibyo bikorwaremezo biri. Ariko ntabwo bikorwa kuko ushobora kumara icyumweru utonda ariko ukakabura.”

Ange SEBUTEGE; Umuyobozi w'Akarere ka Huye, avuga ko mu gihe akazi bakabuze, abaturage bakwiye no kugashakira ahandi nko mu cyaro nk’ahari imirimo y'ubuhinzi.

Ati: “ umukoresha agira umubare w’abakozi akoresha. Akazi ko karahari ahubwo ntabwo wagashakira ahantu hamwe kuko ntabwo ishantiye aba ari imwe! Erega niyo umuntu atari gukora kariya, ashobora no kugira ikindi akora mu murima w’iwabo, ashobora guhinga. Ntabwo akazi ari kamwe, kuko ushobora kugira ibindi bikorwa bigenda bikorwa mu bice by’icyaro, niyo wagira ibiguteza imbere mu rugo nabyo aba ari akazi urimo gukora kagufasha.”

Aba baturage basaba ko ba rwiyemezamirimo bajya nibura bagira ijanisha runaka ry'abaturage baha imirimo batuye ahagiye kubakwa ibikorwaremezo, kugirango bibafashe kwikura mu bukene ndetse banashobore gukora imishinga mito ibyara inyungu.

@ RUKUNDO Emmanuel/Isango Star-Huye.

 

 

 

 

 

 

kwamamaza

Huye: Babangamiwe n’ikimenyane mu mitangire y’akazi kuri ba Rwiyemezamirimo

Huye: Babangamiwe n’ikimenyane mu mitangire y’akazi kuri ba Rwiyemezamirimo

 Jun 12, 2024 - 16:44

Bamwe mu baturage baravuga ko babangamiwe na ba rwiyemezamirimo baza kubaka ibikorwaremezo binini bakabima imirimo, kandi yakabaye amahirwe yo kwivana mu bukene. Ubuyobozi bw'Akarere ka Huye buvuga ko akazi kadakwiye gushakirwa ahantu hamwe kuko no mu cyaro hari imirimo.

kwamamaza

Mu Karere ka Huye, imyaka igiye kuba 5 by'umwihariko mu mujyi rwagati hari kuvugururwa ari nako hazamurwa inyubako zigezweho mu buryo bw'amagorofa ku buryo abantu bava mu cyaro bakaza kuhashaka imirimo.

Gusa bamwe muri bo baganiriye n’Isango Star bavuga ko iyo mirimo bayibura kuko akazi gahabwa abo mu bindi bice by'igihugu bagiye bakorana na ba rwiyemezamirimo baje kubakisha izo nyubako.

Iyo bakabuze, bahitamo kujya kugashakira ku ndege, hakaba n'ubwo bahamara icyumweru batarabona uza kubaha akazi, bagasaba ko iyo mikorere yahinduka.

Umwe ati: “hari igihe uza gutega indege cyangwa gushakisha ukamara n’icyumweru utarabona akazi kandi ubona ibikorwaremezo biri kuzamuka.”

Undi ati: “Twebwe tuba turi aha ntabwo baba bakiturebye ahubwo baragenda bakazana ba bantu babo bakoreye za Kigali, Musanze...ntabwo wapfa kubonamo akazi, usanga ari nk’ikimenyane.”

“niba bakoresha 30, bazajya bashyiramo nibura 15 baho ibyo bikorwaremezo biri. Ariko ntabwo bikorwa kuko ushobora kumara icyumweru utonda ariko ukakabura.”

Ange SEBUTEGE; Umuyobozi w'Akarere ka Huye, avuga ko mu gihe akazi bakabuze, abaturage bakwiye no kugashakira ahandi nko mu cyaro nk’ahari imirimo y'ubuhinzi.

Ati: “ umukoresha agira umubare w’abakozi akoresha. Akazi ko karahari ahubwo ntabwo wagashakira ahantu hamwe kuko ntabwo ishantiye aba ari imwe! Erega niyo umuntu atari gukora kariya, ashobora no kugira ikindi akora mu murima w’iwabo, ashobora guhinga. Ntabwo akazi ari kamwe, kuko ushobora kugira ibindi bikorwa bigenda bikorwa mu bice by’icyaro, niyo wagira ibiguteza imbere mu rugo nabyo aba ari akazi urimo gukora kagufasha.”

Aba baturage basaba ko ba rwiyemezamirimo bajya nibura bagira ijanisha runaka ry'abaturage baha imirimo batuye ahagiye kubakwa ibikorwaremezo, kugirango bibafashe kwikura mu bukene ndetse banashobore gukora imishinga mito ibyara inyungu.

@ RUKUNDO Emmanuel/Isango Star-Huye.

 

 

 

 

 

kwamamaza