Kuri uyu wa 3 itariki ya 24 Mata WASAC na REG bibutse abari abakozi b’icyahoze ari ikigo cya Electrogaz bazize Jenoside yakorewe Abatutsi mu mwaka 1994, bamwe mu bakoze muri iki kigo mu gihe cya Jenoside bahamya ko ari kimwe mu byatije umurindi Jenoside yakorewe Abatutsi kubera ubushobozi n’ibikoresho byacyo byifashishijwe muri uwo mugambi mubisha.

kwamamaza

Ni igikorwa cyatangiriye ku kicaro gikuru cy’ikigo cy’igihugu gishinzwe ingufu REG, hashyirwa indabo ku rwibutso ruriho amazina y’abibukwa uyu munsi, gikomereza ku rwibutso rwa Kigali ku Gisozi rushyinguyemo abarenga ibihumbi 250.

Bamwe mu bakoze mu cyahoze ari Electrogaz bahamya ko icyo kigo kiri muri bimwe mu byatije umurindi Jenoside bitewe n’uko cyari cyifite haba mu buryo bw’ubushobozi n’ibikoresho.

Kalisa Evariste wakoze muri iki kigo mu gihe cya Jenoside, akaba yaragikozemo imyaka igera kuri 20.

Agira ati "Electrogaz yagize uruhare rukomeye cyane muri Jenoside yari ifite uburyo, yari ifite imodoka zatwaraga interahamwe, yari ifite abasore b'interahamwe, yari ifite amafaranga yatangaga amasoko, niyo yashyigikiye Hutu Power kugirango igeho, abayobozi benshi bari barimo bose bari muri MRND, Abatutsi bahakoraga barishwe".

Binahamywa na Armand Zingiro umuyobozi mukuru wa REG, aho avuga ko nubwo abenshi bishwe babaga bagambaniwe n’abo bakoranaga ariko hashimirwa ko ubu hariho ubuyobozi bwiza bwigisha kwirinda ivangura iryo ari ryo ryose.

Ati "ni ikigo cyagize uruhare muri Jenoside kubera ubunini bwacyo, cyari gifite amikoro menshi hakoreshwaga imodoka za Electrogaz icyo gihe, dufite abakozi dukorana biciwe icyo gihe, ni ishyano ryabayeho mu 1994, ntibizongere, ndashishikariza bagenzi bacu bose ibintu by'ivangura bikavaho tukubaka u Rwanda nkuko ubutegetsi dufite uyu munsi butavangura".

Ku ruhande rwa Minisiteri y’ibikorwaremezo umunyamabanga wa Leta muri MININFRA , Uwase Patricie, avuga ko muri iyi myaka 30 ubu u Rwanda rwiyubatse bitandukanye n’ibyo mu gihe cyashize kandi bigizwemo uruhare n’ibigo bibarizwa mu cyahoze ari Electrogaz.

Ati "ikibi cya Jenoside kandi gikomeye cyagaragaye uretse ko twabuze abantu bacu benshi n'ibikorwaremezo by'icyo gihe byarasenywe u Rwanda rwisanga ruri mu icuraburindi, REG itanga umusanzu ukomeye kugirango tugarurire Abanyarwanda urumuri, ubu u Rwanda rwariyubatse aho abayobozi b'icyo gihe bafashe igihe kinini kwigisha urwango, kwigisha kwica".

Yakomeje agira ati "u Rwanda rw'uyu munsi n'ubuyobozi bwacu burigisha kubaka aho bari bahugiye muri ibyo bidafite umumaro byatugejeje kuri Jenoside yakorewe Abatutsi ubu duhugiye mu kubaka u Rwanda aho buri muturarwanda agira amashanyarazi, agira amazi n'izindi serivise zose zijyana n'ibyo, urugendo rurakomeje, mu myaka 30 tugeze heza ariko turacyafite urugendo rurerure kugirango dukomeze twubake u Rwanda rubereye abanyarwanda".

Icyahoze ari Electrogaz ubu cyahindutsemo ibigo bibiri aribyo ikigo cy’igihugu gishinzwe amazi isuku n’isukura WASAC, ndetse na REG ikigo cy’igihugu gishinzwe ingufu, uyu munsi habarurwa abari abakozi bacyo bazize Jenoside yakorewe Abatutsi bagera ku 173.

Inkuru ya Berwa Gakuba Prudence / Isango Star Kigali

Hibutswe abakoraga muri Electrogaz bazize Jenoside yakorewe Abatutsi mu 1994

Gisubizo Philemon Apr 25, 2024 - 07:51

Kuri uyu wa 3 itariki ya 24 Mata WASAC na REG bibutse abari abakozi b’icyahoze ari ikigo cya Electrogaz bazize Jenoside yakorewe Abatutsi mu mwaka 1994, bamwe mu bakoze muri iki kigo mu gihe cya Jenoside bahamya ko ari kimwe mu byatije umurindi Jenoside yakorewe Abatutsi kubera ubushobozi n’ibikoresho byacyo byifashishijwe muri uwo mugambi mubisha.

kwamamaza

Bamwe mu bakoze mu cyahoze ari Electrogaz bahamya ko icyo kigo kiri muri bimwe mu byatije umurindi Jenoside bitewe n’uko cyari cyifite haba mu buryo bw’ubushobozi n’ibikoresho.

Kalisa Evariste wakoze muri iki kigo mu gihe cya Jenoside, akaba yaragikozemo imyaka igera kuri 20.

Inkuru ya Berwa Gakuba Prudence / Isango Star Kigali

Hibutswe abakoraga muri Electrogaz bazize Jenoside yakorewe Abatutsi mu 1994

INKURU BIJYANYE

Hibutswe abakoraga muri Electrogaz bazize Jenoside yakorewe Abatutsi mu 1994