Hatangajwe amabwiriza yinjiza uburinganire mu nzego zose

Hatangajwe amabwiriza yinjiza uburinganire mu nzego zose

Mu gihe Leta y’u Rwanda ikomeje gushyira imbaraga mu kwimakaza ihame ry’Uburinganire mu nzego zose, hari abayobozi bagaragaza ko ritarumvwa neza ndetse ritaragera ku rwego rukenewe, bityo hakaba hakenewe izindi mbaraga.

kwamamaza

 

Ubushakashatsi ku ishyirwa mu bikorwa ry’ihame ry’uburinganire hagati y’abagore n’abagabo ku rwego rwa Afurika bushyira u Rwanda ku mwanya wa kabiri nyuma ya Namibia, ibigaragaza ko ugereranyije n’ahahise hari byinshi bimaze gukorwa, nyamara ku bayobora mu nzego zinyuranye mu Rwanda, ngo haracyari ibyuho.

Julienne Mwiseneza ushinzwe iyubahirizwa ry’uburinganire mu rwego rushinzwe ingufu REG ati "abagabo bari hejuru y'abagore ariko hari ingamba nyinshi zashyizweho kugirango icyo cyuho kigende kivaho. 

Samuel Camarade Amerika, ukora mu ishami rishinzwe kongera ubushobozi n’ubumenyi muri RDB nawe ati "ibyuho byo birahari n'ubwo hari byinshi byagezweho, iki ni igihe cyo kureba muri bya bindi dukora ese ntaho tugifitemo icyuho natwe koko, turebe niba rya hamwe ry'uburinganire turi kugenda turyubahiriza".     

Ngayaboshya Silas, Umuyobozi mukuru ushinzwe uburinganire no guteza imbere umugore muri Minisiteri y'uburinganire n'iterambere ry'umuryango MIGEPROF, aravuga ko ibyuho bigihari aribyo byatumye hatekerezwa ingamba nshya mu rwego rwo gutuma inzego zose zimakaza uburinganire.

Ati "twemera ko ubusumbane bushingiye ku gitsina bugihari, icyo turi guhangana nacyo ni ukuvuga ngo ni iki twakora kugirango twihute tugana ku kugera ku buringanire busesuye".     

Bimwe mu byuho bikomeye bigaragazwa nk’inzitizi mu iyubahirizwa ry’ihame ry’uburinganire mu nzego zose za Leta, iz'abikorera n'imiryango itari iya Leta, ni imyumvire, n’ubushobozi, zombi zisaba ingamba zihariye mu kuzikuraho, mu rwego rwo kurushaho kwimakaza uburinganire n'ubwuzuzanye hagati y'abagabo n'abagore.

 Inkuru ya Gabriel Imaniriho / Isango Star Kigali

 

kwamamaza

Hatangajwe amabwiriza yinjiza uburinganire mu nzego zose

Hatangajwe amabwiriza yinjiza uburinganire mu nzego zose

 Mar 1, 2024 - 09:00

Mu gihe Leta y’u Rwanda ikomeje gushyira imbaraga mu kwimakaza ihame ry’Uburinganire mu nzego zose, hari abayobozi bagaragaza ko ritarumvwa neza ndetse ritaragera ku rwego rukenewe, bityo hakaba hakenewe izindi mbaraga.

kwamamaza

Ubushakashatsi ku ishyirwa mu bikorwa ry’ihame ry’uburinganire hagati y’abagore n’abagabo ku rwego rwa Afurika bushyira u Rwanda ku mwanya wa kabiri nyuma ya Namibia, ibigaragaza ko ugereranyije n’ahahise hari byinshi bimaze gukorwa, nyamara ku bayobora mu nzego zinyuranye mu Rwanda, ngo haracyari ibyuho.

Julienne Mwiseneza ushinzwe iyubahirizwa ry’uburinganire mu rwego rushinzwe ingufu REG ati "abagabo bari hejuru y'abagore ariko hari ingamba nyinshi zashyizweho kugirango icyo cyuho kigende kivaho. 

Samuel Camarade Amerika, ukora mu ishami rishinzwe kongera ubushobozi n’ubumenyi muri RDB nawe ati "ibyuho byo birahari n'ubwo hari byinshi byagezweho, iki ni igihe cyo kureba muri bya bindi dukora ese ntaho tugifitemo icyuho natwe koko, turebe niba rya hamwe ry'uburinganire turi kugenda turyubahiriza".     

Ngayaboshya Silas, Umuyobozi mukuru ushinzwe uburinganire no guteza imbere umugore muri Minisiteri y'uburinganire n'iterambere ry'umuryango MIGEPROF, aravuga ko ibyuho bigihari aribyo byatumye hatekerezwa ingamba nshya mu rwego rwo gutuma inzego zose zimakaza uburinganire.

Ati "twemera ko ubusumbane bushingiye ku gitsina bugihari, icyo turi guhangana nacyo ni ukuvuga ngo ni iki twakora kugirango twihute tugana ku kugera ku buringanire busesuye".     

Bimwe mu byuho bikomeye bigaragazwa nk’inzitizi mu iyubahirizwa ry’ihame ry’uburinganire mu nzego zose za Leta, iz'abikorera n'imiryango itari iya Leta, ni imyumvire, n’ubushobozi, zombi zisaba ingamba zihariye mu kuzikuraho, mu rwego rwo kurushaho kwimakaza uburinganire n'ubwuzuzanye hagati y'abagabo n'abagore.

 Inkuru ya Gabriel Imaniriho / Isango Star Kigali

kwamamaza