Kiny
Eng
Fr
Barasaba ko imikino y’amahirwe bayica burundu mu Rwanda
Gisubizo Philemon
May 1, 2025 - 08:32
Hari abanyarwanda bavuga ko kongera imisoro ku mikino y’amahirwe bizongera iterambere ry’igihugu kuko n’ubundi ayo mafaranga yavaga mu Banyarwanda babaga bayariwe, icyakora hari n’abandi bavuga ko bibaye byiza iyi mikino y’amahirwe bayica burundu mu Rwanda kuko ngo niyo bakongera imisoro bitakuraho ko hari abakomeza gutindaharira muri iyo mikino izwi nka Betting.
kwamamaza
Muri Werurwe uyu mwaka nibwo Abadepite bemeje ishingiro ry’umushinga w’itegeko ryongera umusoro usabwa ibigo bitanga serivisi z’imikino y’amahirwe, ukava kuri kuri 13% ukagera kuri 40%. Iri tegeko ryemejwe ku wa 29 Mata uyu mwaka.
Hari abaturage basanga kuzamura uyu musoro bizafasha igihugu cyane kuko n’ubundi aya mafaranga aba yariwe abaturage bakina iyi mikino.
Icyakora kurundi ruhande hari abasanga iyi mikino ikwiye gucibwa burundu mu Rwanda kuko kongera iyi misoro ntacyo byamara mu gihe abaturage bakomeza gutikiriza ubukungu bwabo muri iyi mikino y'amahirwe bita betting.
Umushinga w’itegeko rishyiraho umusoro ku musaruro, ugamije gushyiraho ingamba zo kuzamura urwego rw’imisoro no kubahiriza ikusanya ryayo, mu buryo bwo kwishakamo ubushobozi mu gushimangira gahunda ya 2 ya leta yo kwihutisha iterambere (NST2), iryo tegeko rizatangira gukurikizwa nyuma y’amezi atatu yo kwitegura kuri ibyo bigo by’imikino y’amahirwe nyuma y’uko risohotse mu igazeti ya Leta.
Inkuru ya Yassini Tuyishimire / Isango Star Kigali
kwamamaza