Babangamiwe n’imihanda yo muri karitsiye yangizwa n’amazi igatinda gusanwa

Babangamiwe n’imihanda yo muri karitsiye yangizwa n’amazi igatinda gusanwa

Abaturage bakorera n’abaturiye ku mihanda yo mu makatsiye yo mu mujyi wa Kigali baravuga ko babangamiwe  nuko usanga hari imihanda y’igitaka ikoreshwa ariko yangiritse kubera amazi menshi y’imvura cyangwa imodoka nini zihanyura zikayangiza ariko igatinda gusanwa. Bifuza yakorwa ikajyamo kaburimbo.  Ubuyobozi bw’umujyi wa Kigali bwo buvuga ko hari gahunda bwihaye irimo gukora imihanda itandukanye mishya ndetse no gusana iyangiritse.

kwamamaza

 

Imihanda yangiritse ni isanzwe ari igitaka ndetse idatunganijwe mu buryo burambye. Iyi irimo: umuhanda uhuza Kinamba-Gakinjiro, uwa Rwarutabura, Busanza ndetse n’ahandi hasanzwe huzuramo amazi mu gihe cy’imvura kubera kutagira imiyoboro iyatwara, ndetse mu gihe cy’izuba hakazamo ivumbi, byose bikabangamira abaturage bayikoresha.

Umwe muribo waganiriye n’Isango Star, yagize ati: “imihanda iratubangamira kuko nk’ubu dutwara amagare, iyo uritwarira ahantu habi rigenda ripfa noneho amafaranga wakoreye [ nk’2000Fr] ahita agenderamo uri gukoresha kuko urumva ni ikibazo. Rero biratubangamiye cyane.”

 Undi ati” ndi mucoma muri aka kabari ariko hari nk’umukiliya...yasanga umuhanda ari ivumbi agahita acaho, akavuga ati umuhanda wanyu warangiritse ntabwo naza aho hantu! Ni ibinogo gusa gusa! Ukozwe ikamera nk’indi mihanda y’i Kigali uko iba ikozwe nka za Nyamirambo na hehe, byazadushimisha natwe.”

“ iyo imvura iri kugwa nta muntu n’umwe wanyuramo, nta kinyabiziga ..kuko iyo iri kugwa ari nyinshi ibinyabiziga bijya ku ruhande kuko imivu iba imanuka kuko nta marigole, hose biba bimeze nabi. Mugihe cy’izuba nabwo haba hari umukungugu mwinshi cyane.”

Hifashishijwe ubutumwa bugufi, Ubuyobozi bw’umujyi wa Kigali bwatangarije Isango Star ko hari gahunda yo gutunganya imihanda igenda yangirika mu makaritsiye, itarimo kaburimbo ikazanyuzwamo imashini zitsindagira.

Eng.Vedaste Mazimpaka; umukozi w’umujyi wa Kigali mu ishami ry’ibikorwaremezo, avuga kandi ko nihaboneka ubushobozi, iyo mihanda izakorwa mu buryo burambye.

 Ati: “ nibyo koko iyo mihanda mwagaragaje iri muri gahunda y’Umujyi wa Kigali yo gusana imihanda y’ibitaka ndetse n’iy’amabuye. Aho buri mwaka, ahagaragaye kwangirika tunyuzamo imashini kugira ngo hakomeze gukoreshwa mugihe ingengo y’imari yo kubaka imihanda mu buryo burambye itaraboneka.”

“ ikindi kandi ku bufatanye bw’abaturage n’Umujyi wa Kigali, ubu turi kubaka ibirometero 14, hirya no hino  muri za karitsiye. Bikaba biri gukorwa mu buryo abaturage begeranya ubushobozi bungana na 30% by’ingengo y’imari ikenewe mu kubaka uwo muhanda, noneho umujyi wa Kigali ukabongereraho 70% maze umuhanda wabo ukubakwa. Ibyo nabyo biragenda bikemura bene icyo kibazo cy’imihanda y’ibitaka kuko ntawe wifuza kugenda mu byondo cyangwa mu ivumbi.”

Umujyi wa Kigali ugaragaza ko ukomeje ibikorwa byo kubaka imihanda kandi bizanakomeza kuko hari ibirometero bisaga 500 by’imihanda ya kaburimbo kandi izakomeza kugenda yiyongera.

@Vetine Umurerwa/Isango Star-Kigali.

 

 

kwamamaza

Babangamiwe n’imihanda yo muri karitsiye yangizwa n’amazi igatinda gusanwa

Babangamiwe n’imihanda yo muri karitsiye yangizwa n’amazi igatinda gusanwa

 Mar 25, 2024 - 15:40

Abaturage bakorera n’abaturiye ku mihanda yo mu makatsiye yo mu mujyi wa Kigali baravuga ko babangamiwe  nuko usanga hari imihanda y’igitaka ikoreshwa ariko yangiritse kubera amazi menshi y’imvura cyangwa imodoka nini zihanyura zikayangiza ariko igatinda gusanwa. Bifuza yakorwa ikajyamo kaburimbo.  Ubuyobozi bw’umujyi wa Kigali bwo buvuga ko hari gahunda bwihaye irimo gukora imihanda itandukanye mishya ndetse no gusana iyangiritse.

kwamamaza

Imihanda yangiritse ni isanzwe ari igitaka ndetse idatunganijwe mu buryo burambye. Iyi irimo: umuhanda uhuza Kinamba-Gakinjiro, uwa Rwarutabura, Busanza ndetse n’ahandi hasanzwe huzuramo amazi mu gihe cy’imvura kubera kutagira imiyoboro iyatwara, ndetse mu gihe cy’izuba hakazamo ivumbi, byose bikabangamira abaturage bayikoresha.

Umwe muribo waganiriye n’Isango Star, yagize ati: “imihanda iratubangamira kuko nk’ubu dutwara amagare, iyo uritwarira ahantu habi rigenda ripfa noneho amafaranga wakoreye [ nk’2000Fr] ahita agenderamo uri gukoresha kuko urumva ni ikibazo. Rero biratubangamiye cyane.”

 Undi ati” ndi mucoma muri aka kabari ariko hari nk’umukiliya...yasanga umuhanda ari ivumbi agahita acaho, akavuga ati umuhanda wanyu warangiritse ntabwo naza aho hantu! Ni ibinogo gusa gusa! Ukozwe ikamera nk’indi mihanda y’i Kigali uko iba ikozwe nka za Nyamirambo na hehe, byazadushimisha natwe.”

“ iyo imvura iri kugwa nta muntu n’umwe wanyuramo, nta kinyabiziga ..kuko iyo iri kugwa ari nyinshi ibinyabiziga bijya ku ruhande kuko imivu iba imanuka kuko nta marigole, hose biba bimeze nabi. Mugihe cy’izuba nabwo haba hari umukungugu mwinshi cyane.”

Hifashishijwe ubutumwa bugufi, Ubuyobozi bw’umujyi wa Kigali bwatangarije Isango Star ko hari gahunda yo gutunganya imihanda igenda yangirika mu makaritsiye, itarimo kaburimbo ikazanyuzwamo imashini zitsindagira.

Eng.Vedaste Mazimpaka; umukozi w’umujyi wa Kigali mu ishami ry’ibikorwaremezo, avuga kandi ko nihaboneka ubushobozi, iyo mihanda izakorwa mu buryo burambye.

 Ati: “ nibyo koko iyo mihanda mwagaragaje iri muri gahunda y’Umujyi wa Kigali yo gusana imihanda y’ibitaka ndetse n’iy’amabuye. Aho buri mwaka, ahagaragaye kwangirika tunyuzamo imashini kugira ngo hakomeze gukoreshwa mugihe ingengo y’imari yo kubaka imihanda mu buryo burambye itaraboneka.”

“ ikindi kandi ku bufatanye bw’abaturage n’Umujyi wa Kigali, ubu turi kubaka ibirometero 14, hirya no hino  muri za karitsiye. Bikaba biri gukorwa mu buryo abaturage begeranya ubushobozi bungana na 30% by’ingengo y’imari ikenewe mu kubaka uwo muhanda, noneho umujyi wa Kigali ukabongereraho 70% maze umuhanda wabo ukubakwa. Ibyo nabyo biragenda bikemura bene icyo kibazo cy’imihanda y’ibitaka kuko ntawe wifuza kugenda mu byondo cyangwa mu ivumbi.”

Umujyi wa Kigali ugaragaza ko ukomeje ibikorwa byo kubaka imihanda kandi bizanakomeza kuko hari ibirometero bisaga 500 by’imihanda ya kaburimbo kandi izakomeza kugenda yiyongera.

@Vetine Umurerwa/Isango Star-Kigali.

 

kwamamaza