Abikorera bubahiriza ihame ry'uburinganire bashyiriweho ikirango

Abikorera bubahiriza ihame ry'uburinganire bashyiriweho ikirango

Ubuyobozi bw’ikigo gitsura ubuziranenge mu Rwanda (RSB), buravuga ko ibigo bya leta n’iby’abikorera bikwiye kugira icyumba cy’abakobwa n’aho umubyeyi yonkereza umwana bashyira mu bikorwa amabwiriza y’ubuziranenge ku guteza imbere ihame ry’uburinganire.

kwamamaza

 

Amabwiriza y’ubuziranenge ku guteza imbere ihame ry’uburinganire, yemejwe na leta y’u Rwanda muri 2023. Kugira icyumba cy’umukobwa, icy’umugabo n’aho konkereza abana, ni bimwe mu byo uhabwa ikirango cy’ubu buziranenge agomba kuba yujuje.

Irafasha Clenia, we n’abandi bakorana umwuga w’ubudozi mu karere ka Kayonza, aho bakorera ntahateganyijwe umubyeyi yaryamisha umwana cyangwa yamwonkereza.

Irafasha Clenia ati "abafite abana barimo ariko ntabwo babazana, icyifuzo babashakira ahantu barerera abo bana kuburyo yajya amwonsa atagiye mu rugo, kugenda ugaruka uba uri guta igihe". 

Umurerwa Marie Louise, muri Hotel akoramo mu karere ka Kayonza, bo bafite icyumba cy’umukobwa, umukozi n’abandi bakiriya b’igitsinagore bakoresha, yewe n’ushaka konsa umwana akaba yamwonsa, by’akarusho bafite icy’umugabo.

Ati "iki ni icyumba baduteguriye nk'abadamu n'abakobwa, nicyo duhinduriramo imyenda iyo tuvuye mu rugo, iyo umukobwa cyangwa umudamu agiye mu mihango uraza ugahinduriramo iki cyumba nicyo kigenewe, abagabo bajya mucyumba cyabo bagahinduriramo bagakuramo imyenda bavanye mu rugo bakambara imyenda y'akazi, byimakaza ihame ry'uburinganire kubera ko ntabwo bafashe uruhande rumwe ngo urundi barwibagirwe".    

Mu kigo gitsura ubuzirangenge mu Rwanda RSB, Umuyobozi w’ishami ryemeza ubuziranenge, Bajeneza Jean Pierre avuga ko bikwiye kubahiriza amabwiriza y’ubuziranenge ku guteza imbere ihame ry’uburinganire kuko ari inkingi y’iterambere rirambye.

Ati "ndabashishikariza kwitabira ayo mabwiriza y'ubuziranenge kuko ahantu hahurira abantu benshi bashobora gukenera aho basiga abana mugihe cy'ikiruhuko akaba yamwegera ibyo birafasha cyane cyangwa se mugihe hari nk'utunguwe na byabihe biza buri kwezi by'imihango ibyo ni ingenzi, ndabashishikariza kandi gufata iryo bwiriza nk'imwe mu nkingi yatuma ibyo bakora barushaho kunoza ibyo batanga n'abahakorera bishima n'ababagana bakabona ko inkingi yubakiye kuburinganire ni inkingi ikomeye ku iterambere rirambye ry'igihugu".  

Mu bikwiye kwitabwaho biri mu ibwirizwa ry’ubuziranenge ku guteza imbere ihame ry’uburinganire 560, harimo gushyiraho politiki n’intego by’imakaza ihame ry’uburinganire binyuze mu mitangire y’akazi, amahugurwa, amosoko, icyumba cy’umukobwa, aho konkereza abana, iterambere n’imibereho myiza ya buri munsi by’abakozi n’ibindi….. ubifite, agahabwa ikirango cy’ubuzirange kuri iri hame. Buri wese ngo akwiye kubyuzuza kuko hazabaho n’igihe cyo kureba abatabyujuje.

Inkuru ya Rukundo Emmanuel / Isango Star 

 

kwamamaza

Abikorera bubahiriza ihame ry'uburinganire bashyiriweho ikirango

Abikorera bubahiriza ihame ry'uburinganire bashyiriweho ikirango

 Jun 3, 2024 - 09:25

Ubuyobozi bw’ikigo gitsura ubuziranenge mu Rwanda (RSB), buravuga ko ibigo bya leta n’iby’abikorera bikwiye kugira icyumba cy’abakobwa n’aho umubyeyi yonkereza umwana bashyira mu bikorwa amabwiriza y’ubuziranenge ku guteza imbere ihame ry’uburinganire.

kwamamaza

Amabwiriza y’ubuziranenge ku guteza imbere ihame ry’uburinganire, yemejwe na leta y’u Rwanda muri 2023. Kugira icyumba cy’umukobwa, icy’umugabo n’aho konkereza abana, ni bimwe mu byo uhabwa ikirango cy’ubu buziranenge agomba kuba yujuje.

Irafasha Clenia, we n’abandi bakorana umwuga w’ubudozi mu karere ka Kayonza, aho bakorera ntahateganyijwe umubyeyi yaryamisha umwana cyangwa yamwonkereza.

Irafasha Clenia ati "abafite abana barimo ariko ntabwo babazana, icyifuzo babashakira ahantu barerera abo bana kuburyo yajya amwonsa atagiye mu rugo, kugenda ugaruka uba uri guta igihe". 

Umurerwa Marie Louise, muri Hotel akoramo mu karere ka Kayonza, bo bafite icyumba cy’umukobwa, umukozi n’abandi bakiriya b’igitsinagore bakoresha, yewe n’ushaka konsa umwana akaba yamwonsa, by’akarusho bafite icy’umugabo.

Ati "iki ni icyumba baduteguriye nk'abadamu n'abakobwa, nicyo duhinduriramo imyenda iyo tuvuye mu rugo, iyo umukobwa cyangwa umudamu agiye mu mihango uraza ugahinduriramo iki cyumba nicyo kigenewe, abagabo bajya mucyumba cyabo bagahinduriramo bagakuramo imyenda bavanye mu rugo bakambara imyenda y'akazi, byimakaza ihame ry'uburinganire kubera ko ntabwo bafashe uruhande rumwe ngo urundi barwibagirwe".    

Mu kigo gitsura ubuzirangenge mu Rwanda RSB, Umuyobozi w’ishami ryemeza ubuziranenge, Bajeneza Jean Pierre avuga ko bikwiye kubahiriza amabwiriza y’ubuziranenge ku guteza imbere ihame ry’uburinganire kuko ari inkingi y’iterambere rirambye.

Ati "ndabashishikariza kwitabira ayo mabwiriza y'ubuziranenge kuko ahantu hahurira abantu benshi bashobora gukenera aho basiga abana mugihe cy'ikiruhuko akaba yamwegera ibyo birafasha cyane cyangwa se mugihe hari nk'utunguwe na byabihe biza buri kwezi by'imihango ibyo ni ingenzi, ndabashishikariza kandi gufata iryo bwiriza nk'imwe mu nkingi yatuma ibyo bakora barushaho kunoza ibyo batanga n'abahakorera bishima n'ababagana bakabona ko inkingi yubakiye kuburinganire ni inkingi ikomeye ku iterambere rirambye ry'igihugu".  

Mu bikwiye kwitabwaho biri mu ibwirizwa ry’ubuziranenge ku guteza imbere ihame ry’uburinganire 560, harimo gushyiraho politiki n’intego by’imakaza ihame ry’uburinganire binyuze mu mitangire y’akazi, amahugurwa, amosoko, icyumba cy’umukobwa, aho konkereza abana, iterambere n’imibereho myiza ya buri munsi by’abakozi n’ibindi….. ubifite, agahabwa ikirango cy’ubuzirange kuri iri hame. Buri wese ngo akwiye kubyuzuza kuko hazabaho n’igihe cyo kureba abatabyujuje.

Inkuru ya Rukundo Emmanuel / Isango Star 

kwamamaza