Abafite ubumuga bijejwe ko ntakizababangamira mu matora

Abafite ubumuga bijejwe ko ntakizababangamira mu matora

Mu gihe habura iminsi micye ngo Abanyarwanda binjire mu gihe cy’amatora y’umukuru w’igihugu n’ay’Abadepite ateganyijwe muri Nyakanga, abafite ubumuga hari ibyo bagaragaza ko byahinduka kugirango nabo amatora abagendekere neza. Komisiyo y’igihugu y’amatora ivuga ko mukuyategura bafatanyije n’inama y’igihugu y’abafite ubumuga hagamijwe gukosora ibishobora kubabangamira, no gukora amatora mu bwisanzure.

kwamamaza

 

Ni iminsi itari myinshi ibura ngo abanyarwanda binjire mu bihe bagomba kwitoreramo umukuru w’igihugu ndetse n’Abadepite bazabahagararira mu nteko ishinga amategeko, mu gihe imyiteguro irimbanije abafite ubumuga nabo bagaragaza ko biteguye aya matora gusa ngo hari imbogamizi bahura nazo mu bihe nk’ibi.

Mukangoga Marie Louise ati "nk'abafite ubumuga turiteguye, twiteguye amatora yo kwitorera abayobozi Perezida ndetse n'Abadepite ariko muri rusange duhura n'imbogamizi iyo bigeze mu gihe cy'amatora bitewe nuko ama site atorerwaho akenshi ntabwo aba yorohereza abantu bafite ubumuga".  

Sekarema Jean Paul nawe ati "natwe turi abanyarwanda, natwe dufite ubumuga tugomba gutora ntihazagire umuntu wibaza kubafite ubumuga ubwo aribwo bwose waba uje mu matora kuburyo ntihazagire umuntu ufite ubumuga ubangamirwa n'amatora ahubwo umuntu ufite ubumuga azishimire ko yatoye neza".

Izere Emmanuel nawe ufite ubumuga bwo kutabona hari ibyo abona nk’imbogamizi mu matora.

Ati "mu itegeko hari handitsemo ko umuntu ufite ubumuga bwo kutabona agomba kujyana n'umwana w'imyaka 14 kugirango amutorere ariko nyuma haza kugaragara ikibazo cy'uko uwo mwana aba ari umuhanga aba ashobora kugutorera uwo udashaka kandi umuntu agomba kugira uburenganzira bwo gutora uwo yihitiyemo".   

Nubwo bagaragaza izi mbogamizi, ihuriro ry’imiryango y’abafite ubumuga mu Rwanda NUDOR mu gushakira umuti izi mbogamizi ryakoranye na Komisiyo y’igihugu y’amatora NEC mu gutegura amatora abereye buri wese nkuko Murema Jean Baptiste, umuyobozi muri NUDOR abivuga, anakangurira abafite ubumuga kugira uruhare muri aya matora.

Ati "twahuye na komisiyo y'amatora tugerageza kuganira tubereka imbogamizi kuri buri cyiciro tubasaba n'icyakorwa, turishimira ko ibyo twabiganiriye bakabyumva, ubu barimo kugerageza gukuraho imbogamizi ndetse natwe badusaba kubigiramo uruhare, badusabye ko nibatangira gusura aho abantu bazatorera ko natwe badushyiramo kugirango turebe uko hateguye, ngasaba abantu bafite ubumuga ko dukwiye kwitabira iki gikorwa twese".     

Ibi kandi binashimangirwa na Kabanda Uwera Francoise, komiseri muri komisiyo y’igihugu y’amatora.

Ati "ku nama y'igihugu y'abafite ubumuga twafatanyije haba mbere y'amatora gutegura amatora, ni muri urwo rwego abantu bafite ubumuga butandukanye nabo nka komisiyo y'igihugu y'amatora bafite uburenganzira bwo gutora kandi dufatanyije n'inama y'igihugu y'abafite ubumuga bose bitabira amatora, ahantu hazatorerwa haba mubyumba by'itora ndeste no kuma site aho amatora azabera hagerageza ko abantu bazatorera ahantu buri muntu wese ashobora kugenda".

Amatora y’umukuru w’igihugu yakomatanyijwe n’ay’Abadepite, ateganyijwe taliki ya 15 Nyakanga kubari mu Rwanda, komisiyo y’igihugu y’amatora ivuga ko yateganyije impapuro z’itora ziri mu nyandiko ya braille ifasha abafite ubumuga bwo kutabona ziri hagati 2500 – 5000, ikanizeza abandi bafite ubumuga ubwo aribwo bwose ko ntanumwe uhejwe muri aya matora.

Inkuru ya Yassini Tuyishimire / Isango Star Kigali

 

kwamamaza

Abafite ubumuga bijejwe ko ntakizababangamira mu matora

Abafite ubumuga bijejwe ko ntakizababangamira mu matora

 Jul 5, 2024 - 08:56

Mu gihe habura iminsi micye ngo Abanyarwanda binjire mu gihe cy’amatora y’umukuru w’igihugu n’ay’Abadepite ateganyijwe muri Nyakanga, abafite ubumuga hari ibyo bagaragaza ko byahinduka kugirango nabo amatora abagendekere neza. Komisiyo y’igihugu y’amatora ivuga ko mukuyategura bafatanyije n’inama y’igihugu y’abafite ubumuga hagamijwe gukosora ibishobora kubabangamira, no gukora amatora mu bwisanzure.

kwamamaza

Ni iminsi itari myinshi ibura ngo abanyarwanda binjire mu bihe bagomba kwitoreramo umukuru w’igihugu ndetse n’Abadepite bazabahagararira mu nteko ishinga amategeko, mu gihe imyiteguro irimbanije abafite ubumuga nabo bagaragaza ko biteguye aya matora gusa ngo hari imbogamizi bahura nazo mu bihe nk’ibi.

Mukangoga Marie Louise ati "nk'abafite ubumuga turiteguye, twiteguye amatora yo kwitorera abayobozi Perezida ndetse n'Abadepite ariko muri rusange duhura n'imbogamizi iyo bigeze mu gihe cy'amatora bitewe nuko ama site atorerwaho akenshi ntabwo aba yorohereza abantu bafite ubumuga".  

Sekarema Jean Paul nawe ati "natwe turi abanyarwanda, natwe dufite ubumuga tugomba gutora ntihazagire umuntu wibaza kubafite ubumuga ubwo aribwo bwose waba uje mu matora kuburyo ntihazagire umuntu ufite ubumuga ubangamirwa n'amatora ahubwo umuntu ufite ubumuga azishimire ko yatoye neza".

Izere Emmanuel nawe ufite ubumuga bwo kutabona hari ibyo abona nk’imbogamizi mu matora.

Ati "mu itegeko hari handitsemo ko umuntu ufite ubumuga bwo kutabona agomba kujyana n'umwana w'imyaka 14 kugirango amutorere ariko nyuma haza kugaragara ikibazo cy'uko uwo mwana aba ari umuhanga aba ashobora kugutorera uwo udashaka kandi umuntu agomba kugira uburenganzira bwo gutora uwo yihitiyemo".   

Nubwo bagaragaza izi mbogamizi, ihuriro ry’imiryango y’abafite ubumuga mu Rwanda NUDOR mu gushakira umuti izi mbogamizi ryakoranye na Komisiyo y’igihugu y’amatora NEC mu gutegura amatora abereye buri wese nkuko Murema Jean Baptiste, umuyobozi muri NUDOR abivuga, anakangurira abafite ubumuga kugira uruhare muri aya matora.

Ati "twahuye na komisiyo y'amatora tugerageza kuganira tubereka imbogamizi kuri buri cyiciro tubasaba n'icyakorwa, turishimira ko ibyo twabiganiriye bakabyumva, ubu barimo kugerageza gukuraho imbogamizi ndetse natwe badusaba kubigiramo uruhare, badusabye ko nibatangira gusura aho abantu bazatorera ko natwe badushyiramo kugirango turebe uko hateguye, ngasaba abantu bafite ubumuga ko dukwiye kwitabira iki gikorwa twese".     

Ibi kandi binashimangirwa na Kabanda Uwera Francoise, komiseri muri komisiyo y’igihugu y’amatora.

Ati "ku nama y'igihugu y'abafite ubumuga twafatanyije haba mbere y'amatora gutegura amatora, ni muri urwo rwego abantu bafite ubumuga butandukanye nabo nka komisiyo y'igihugu y'amatora bafite uburenganzira bwo gutora kandi dufatanyije n'inama y'igihugu y'abafite ubumuga bose bitabira amatora, ahantu hazatorerwa haba mubyumba by'itora ndeste no kuma site aho amatora azabera hagerageza ko abantu bazatorera ahantu buri muntu wese ashobora kugenda".

Amatora y’umukuru w’igihugu yakomatanyijwe n’ay’Abadepite, ateganyijwe taliki ya 15 Nyakanga kubari mu Rwanda, komisiyo y’igihugu y’amatora ivuga ko yateganyije impapuro z’itora ziri mu nyandiko ya braille ifasha abafite ubumuga bwo kutabona ziri hagati 2500 – 5000, ikanizeza abandi bafite ubumuga ubwo aribwo bwose ko ntanumwe uhejwe muri aya matora.

Inkuru ya Yassini Tuyishimire / Isango Star Kigali

kwamamaza