#umunsi w’intwari: Hatashwe ibikorwaremezo birimo imihanda 9 ya kaburimbo

#umunsi w’intwari: Hatashwe ibikorwaremezo birimo imihanda 9 ya kaburimbo

Mu karere ka Rwamagana hatashywe ibikorwa remezo birimo imihanda 9 ya kaburimbo izenguruka mu mujyi ireshya n’ibilometero bine n'igice, mu rwego rwo kwizihiza umunsi mukuru w'intwari. Abatuye uyu mujyi bavuga ko biteye ishema kubona umujyi wabo waragutse, ahari ishyamba hakaba hari inyubako hanacamo imihanda ya kaburimbo.

kwamamaza

 

Abatuye umujyi wa Rwamagana bavuga ko ibikorwa remezo byatumye umujyi wabo utera imbere,by'umwihariko abahatuye,bemeza ko biteye ishema kubona umujyi wari ufite igice cyari kigizwe n'amashyamba y'imihengeri, kuri ubu uzengurutswemo n'imihanda ya kaburimbo ndetse n'inyubako nziza. Ni nyuma yaho izari zishaje zubatswe n'Abarabu.

Bavuga ko iyi mihanda ya kaburimbo yatumye uyu mujyi ureka kwitwa umujyi wasinziriye, ukongera kuba umujyi w'ubushabitsi, ibintu bashimira intwari zabohoye igihugu zigatuma boryoherwa n'igihugu cyabo.

Mu kiganiro bagiranye n’Isango Star, umwe yagize ati: “uyu muhanda wadukikije ikintu cyitwaga icyondo. Muri make twebwe ibyo tubona bimeze nk’ibitangaza. Mugihe gitoya uroye Rwamagana uko yari imeze, aya mazu yose mureba ni amazu mashya,aha hose hari imihengeri. Na mbere, Rwamagana twayitaga ngo ni domitari town, ubu ng’ubu, Rwamagana ni Business, ni Town, ni ahantu heza ho gutura kubera ibikorwaremezo bihari.”

“ Icyo bivuze, bitugaragariza ubuyobozi bwita ku baturage, kandi bikatugaragariza icyerekezo cy’ubuyobozi bwacu.”

Undi ati: “ Rwamagana nayigezemo guhera 2009, muby’ukuri nta bikorwaremezo bikomeye byari bihari, hari ahantu hasanzwe hari imihengeri ariko ubu hamaze kuba impinduka ikomeye cyane. Hari imihanda yubatswe, ibikorwaremezo  byinshi biri kuzamuka. Twebwe abaturage twarishimye. Muby’ukuri kubihuza n’uyu munsi, ku bantu bazi amateka y’iki gihugu, bidutera imbaraga cyane ndetse bikadutera ishyaka ryo kurushaho gukomeza kubibungabunga.”

Mbonyumuvunyi Radjab; Umuyobozi w'akarere ka Rwamagana, avuga ko ibikorwa remezo nk'ibi cyane cyane imihanda ya kaburimbo yubatswe mu mujyi wa Rwamagana,bifite icyo bivuze ku butwari bw'abanyarwanda bitanze batizigama kugira ngo u Rwanda rube igihugu giteye ishema.

Yavuze ko ibyo byakozwe n'abanyarwanda ubwabo ntawe bategereje ngo abibakorere.

Ati: “kuko nabyo biri mu byerekana ubutwari bw’abanyarwanda, niba kugera muri jenoside yakorewe abatutsi 1994, muri Rwamagana icyo twita Rwamagana nk’umujyi nta na metero imwe ya kaburimbo twari dufite. Byerekana aho igihugu kigana. Nta mashuli twari dufite ahagije, ahitwaga komine Rutonde, ari naho turi aha ng’aha, hari Saint Aloys yonyine. Ubu dufite amshuli yisumbuye natwe ubwacu ntabwo tuyibuka umubare! Nziko arenga 10! Ibyo byose byerekana aho u Rwanda rugeze n’intambwe y’ubutwari no kwibohora kuko ibyo byose nta wundi wabikoze, nta munyamahanga, byakozwe na Leta nziza y’Ubumwe bw’abanyarwanda.”

Imihanda 9 ya kaburimbo yatashywe mu mujyi wa Rwamagana ku munsi mukuru w'ubutwari, ireshya na kilometero 4.5. imi yimahanda yaje yiyongera ku bindi bikorwa remezo byatashywe muri uyu mwaka w'ingengo y'imari, harimo ikigo nderabuzima cya Mwurire cyatumye imirenge yose muri aka karere igira ibigo nderabuzima.

Hari  kandi n'umushinga wo kongerera ingufu amazi abaturage bavoma mu murenge wa Mwurire na Rubona, byakemuye ikibazo cy'abatondaga imirongo bashaka amazi ku mavomo rusange.

@ Djamali Habarurema/Isango Star-Rwamagana.

 

kwamamaza

#umunsi w’intwari: Hatashwe ibikorwaremezo birimo imihanda 9 ya kaburimbo

#umunsi w’intwari: Hatashwe ibikorwaremezo birimo imihanda 9 ya kaburimbo

 Feb 2, 2024 - 06:30

Mu karere ka Rwamagana hatashywe ibikorwa remezo birimo imihanda 9 ya kaburimbo izenguruka mu mujyi ireshya n’ibilometero bine n'igice, mu rwego rwo kwizihiza umunsi mukuru w'intwari. Abatuye uyu mujyi bavuga ko biteye ishema kubona umujyi wabo waragutse, ahari ishyamba hakaba hari inyubako hanacamo imihanda ya kaburimbo.

kwamamaza

Abatuye umujyi wa Rwamagana bavuga ko ibikorwa remezo byatumye umujyi wabo utera imbere,by'umwihariko abahatuye,bemeza ko biteye ishema kubona umujyi wari ufite igice cyari kigizwe n'amashyamba y'imihengeri, kuri ubu uzengurutswemo n'imihanda ya kaburimbo ndetse n'inyubako nziza. Ni nyuma yaho izari zishaje zubatswe n'Abarabu.

Bavuga ko iyi mihanda ya kaburimbo yatumye uyu mujyi ureka kwitwa umujyi wasinziriye, ukongera kuba umujyi w'ubushabitsi, ibintu bashimira intwari zabohoye igihugu zigatuma boryoherwa n'igihugu cyabo.

Mu kiganiro bagiranye n’Isango Star, umwe yagize ati: “uyu muhanda wadukikije ikintu cyitwaga icyondo. Muri make twebwe ibyo tubona bimeze nk’ibitangaza. Mugihe gitoya uroye Rwamagana uko yari imeze, aya mazu yose mureba ni amazu mashya,aha hose hari imihengeri. Na mbere, Rwamagana twayitaga ngo ni domitari town, ubu ng’ubu, Rwamagana ni Business, ni Town, ni ahantu heza ho gutura kubera ibikorwaremezo bihari.”

“ Icyo bivuze, bitugaragariza ubuyobozi bwita ku baturage, kandi bikatugaragariza icyerekezo cy’ubuyobozi bwacu.”

Undi ati: “ Rwamagana nayigezemo guhera 2009, muby’ukuri nta bikorwaremezo bikomeye byari bihari, hari ahantu hasanzwe hari imihengeri ariko ubu hamaze kuba impinduka ikomeye cyane. Hari imihanda yubatswe, ibikorwaremezo  byinshi biri kuzamuka. Twebwe abaturage twarishimye. Muby’ukuri kubihuza n’uyu munsi, ku bantu bazi amateka y’iki gihugu, bidutera imbaraga cyane ndetse bikadutera ishyaka ryo kurushaho gukomeza kubibungabunga.”

Mbonyumuvunyi Radjab; Umuyobozi w'akarere ka Rwamagana, avuga ko ibikorwa remezo nk'ibi cyane cyane imihanda ya kaburimbo yubatswe mu mujyi wa Rwamagana,bifite icyo bivuze ku butwari bw'abanyarwanda bitanze batizigama kugira ngo u Rwanda rube igihugu giteye ishema.

Yavuze ko ibyo byakozwe n'abanyarwanda ubwabo ntawe bategereje ngo abibakorere.

Ati: “kuko nabyo biri mu byerekana ubutwari bw’abanyarwanda, niba kugera muri jenoside yakorewe abatutsi 1994, muri Rwamagana icyo twita Rwamagana nk’umujyi nta na metero imwe ya kaburimbo twari dufite. Byerekana aho igihugu kigana. Nta mashuli twari dufite ahagije, ahitwaga komine Rutonde, ari naho turi aha ng’aha, hari Saint Aloys yonyine. Ubu dufite amshuli yisumbuye natwe ubwacu ntabwo tuyibuka umubare! Nziko arenga 10! Ibyo byose byerekana aho u Rwanda rugeze n’intambwe y’ubutwari no kwibohora kuko ibyo byose nta wundi wabikoze, nta munyamahanga, byakozwe na Leta nziza y’Ubumwe bw’abanyarwanda.”

Imihanda 9 ya kaburimbo yatashywe mu mujyi wa Rwamagana ku munsi mukuru w'ubutwari, ireshya na kilometero 4.5. imi yimahanda yaje yiyongera ku bindi bikorwa remezo byatashywe muri uyu mwaka w'ingengo y'imari, harimo ikigo nderabuzima cya Mwurire cyatumye imirenge yose muri aka karere igira ibigo nderabuzima.

Hari  kandi n'umushinga wo kongerera ingufu amazi abaturage bavoma mu murenge wa Mwurire na Rubona, byakemuye ikibazo cy'abatondaga imirongo bashaka amazi ku mavomo rusange.

@ Djamali Habarurema/Isango Star-Rwamagana.

kwamamaza