Mu ruganda rufite ibyangombwa byo gukora Bombo, Ranjete ndetse n'amatara , havumbuwemo igice cyarwo cyihishe, cyakorerwagamo inzoga zitemewe. Kugira ngo ntibimenyekane ko zakorerwaga muri urwo ruganda, zacuruzwaga ku masoko ari kure y'akarere ka Rwamagana, bagakora n’injoro ndetse hakanakoramo abakozi baturuka kure.

kwamamaza

Ibi byagezweho ku bufatanye bwa Polisi n'inzego z'ibanze mu cyanya cy'inganda cya Mwurire mu karere Rwamagana.

Izi nzoga zitemewe nzangijwe zakorwaga n'uruganda rwitwa Generation SD C.O Ltd rwiyitiriye ibinyobwa bya Gikundiro n'Igisubizo,rwavumbuwe aho rwakoreraga rwihishe mu gice kimwe cy'aho rwakodesheje mu ruganda runini rwa LOA rusanzwe rukora Bombo, amatara ndetse na Ranjete z'isuku.

Umunyamabanga nshingwabikorwa w'umurenge wa Mwurire, Zamu Daniel,ari wo izi nganda ziherereyemo, yatangarije Isango Star iby’uko bamenye amakuru y'ibikorerwa muri urwo ruganda.

Yagize ati: “uru ruganda rwitwa LOA, rukaba rufite abitwa Generation bakoreragamo. Iki kibazo twakimenye tubikuye ku kibazo cy’umwanda w’amazi wasohokaga mu ruganda, twibaza impamvu basohora amazi hanze ndetse n’amazi tubona asa nabi, dutekereza ko hari igikorerwamo cyaba kidatunganye."

" Kuza rero mu bugenzuzi, twasanze hakorerwamo inzoga z'inkorano kandi zitari mubyo bagomba gukora. Dufata icyemezo cyo kubihagarika ndetse no kubikura mu baturage bikamenywa. Dufatanyije n'inzego zibishinzwe, hano hari FDA yadufashije kugira ngo tumenye niba bafite ibyangombwa cyangwa niba batabifite."

Abaturiye icyanya cy'inganda cya Mwurire mu karere ka Rwamagana, bavuga ko urwo ruganda ku manywa rwabaga rukinze, maze rugakora izo nzoga zitemewe mu masaha y'ijoro ndetse zikaba ari nabwo zijyanwa ku isoko. Bavuga ko batashoboraga kumenya ibihakorerwa. Icyakora ngo bagiye kujya bareba neza niba ahantu hakorerwa ibyemewe,kugira ngo batangire amakuru ku gihe.

Umwe yagize ati: "Barinjiraga bagakinga, basohoka bagakinga, mu gitondo bagataha kare kuko bakoraga ninjoro. Ntabwo bakoraga ku manywa keretse nk'igihe habaga hari gahunda y'amasuku, nibwo bageragezaga kuba baza. Ni uguhagurukira kurwanya ibikorwa nk'ibi bitemewe by'ib iyobyabwenge. Ndetse byongeye tukaba dushimira inzego za Polisi n'abaturage kubw'ubufatanye bwabo. Tukaba twiyemeje kujya dutangira amakuru ku gihe kandi tugomba kurebana ubushishozi."

Inzoga zitemewe zangijwe zavumbuwe mu ruganda ruherereye mu cyanya cy'inganda cya Rwamagana kuko zitujuje ubuziranenge ku mabwiriza y'ikigo gishinzwe ubuziranenge bw'imiti n'ibiribwa cya FDA zingana na litiro 10 400 zari ziri mu bidomoro, izari mu macupa 6888 za Gikundiro ndetse n'izari mu macupa 1 008 za Igisubizo. Uruganda rwahise rufungwa ndetse runacibwa amande angana na 37 592 000 z'amafaranga y'u Rwanda.

@ Djamali Habarurema/Isango Star-Rwamagana.

Rwamagana: Uruganda rwakoraga ibirimo bombo, runakorerwamo inzoga zitemewe

Uwajeneza Donatha Mar 18, 2025 - 10:33

Mu ruganda rufite ibyangombwa byo gukora Bombo, Ranjete ndetse n'amatara , havumbuwemo igice cyarwo cyihishe, cyakorerwagamo inzoga zitemewe. Kugira ngo ntibimenyekane ko zakorerwaga muri urwo ruganda, zacuruzwaga ku masoko ari kure y'akarere ka Rwamagana, bagakora n’injoro ndetse hakanakoramo abakozi baturuka kure.

kwamamaza

Ibi byagezweho ku bufatanye bwa Polisi n'inzego z'ibanze mu cyanya cy'inganda cya Mwurire mu karere Rwamagana.

Umunyamabanga nshingwabikorwa w'umurenge wa Mwurire, Zamu Daniel,ari wo izi nganda ziherereyemo, yatangarije Isango Star iby’uko bamenye amakuru y'ibikorerwa muri urwo ruganda.

@ Djamali Habarurema/Isango Star-Rwamagana.

Rwamagana: Uruganda rwakoraga ibirimo bombo, runakorerwamo inzoga zitemewe

INKURU BIJYANYE

Rwamagana: Uruganda rwakoraga ibirimo bombo, runakorerwamo inzoga zitemewe