Rubavu: Barataka indwara bakura mu bwiherero bwubakishije amahema n'imifuka bishaje

Rubavu: Barataka indwara bakura mu bwiherero bwubakishije amahema n'imifuka bishaje

Hari abaturage bo mu kagari ka Nyacyonga mu murenge wa Busasamana bataka indwara ziterwa n’umwanda kubera gukoresha ubwiherero bwubakishijwe amashashi n’imifuka yashaje. Ubuyobozi bw’aka karere buvuga ko iki kibazo giterwa n’abagifite imyumvire yo kutemera kwiyubakira ubwiherero bwujuje ibisabwa kandi harimo n’abafite ubwo bushobozi. Buvuga ko bukomeje ubukangurambaga.

kwamamaza

 

Ubwiherero bwubakishije amashashi n’imifuka ishaje utangira kububona cyane cyane mu kagali ka Nyacyonga ko mu murenge wa Busasamana w’akarere ka Rubavu.  Badaciye ku ruhande, ababwihereramo bavuga ko hari aba bukomoramo indwara ziterwa n’umwanda.

Umwe yagize ati: “hari abo wumva ngo barwaye macinya, abandi cholera…”

Undi ati: “ubu bwiherero bigira ingaruka cyane kuko iyo umuntu adafite ubwiherero buzima usanga ari ahantu umuntu anyura ukumva ari kunukirwa, ukarwara indwara nyinshi zitandukanye.”

Iyo uganiriye nabo hari abumvikanisha ko impamvu bakoresha ubu  bwiherero ari mu buryo bwo kwirwanaho, kandi babiterwa n’ubushobozi buke.

Umwe, ati:“ni ubukene kuko ufite ubushobozi ntabwo watuma wandagara [ guseba] kuko ubwiherero ni ubwa mbere! Ufite ubushobozi wakubaka ubwiherero buzima ariko ikibazo ni ubukene.”

Undi ati: “hariya mu mpande hariho udushitingi noneho hasi ni ibikanda bihashashe.”

“reka nkubwire! Hari igihe uba ufite imbaraga nkeya, ubwo ugakora uko ungana. Nk’ubu njyewe nubatse ubwiherero bw’amabati abiri; ko nashyizeho ibari rimwe, ntihasigaye ah’irindi bati rimwe! Ni uko ntarabona imbaraga ngo nuse ikivi!”

Gusa ariko  ububuyobozi bw’Akarere ka Rubavu ntabwo bwemeranya n’aba baturage. Buvuga ko hari abafite imyumvire mibi yo kudashira ubwiherero mu byibanze bakenera kandi bafite ubushobozi.

MULINDWA Prosper; umuyobozi w’aka karere, yabwiye Isango Star ko bakomeje ubukangurambaga ndetse bikajyana no gufasha abatishoboye kwikura muri iki kibazo.

Ati: “icyo muvuga natwe twagiye tukibona, ko abantu bamwe bataraha agaciro ubwiherero, aho usanga umuntu afite inzu; inyubako ihenze ya miliyoni zigera nko muri 30 cyangwa 40, ukabona afite urupangu ariko wagera ku bwiherero ugasanga yarabusuzuguye."

"Icyakora ibyo ntibikuraho gukomeza kubisesengura neza kuko hari igihe dusanga muri iyo minsi umuntu yaragize ibibazo…kuko chocs zibaho mu buzima bigasaba ko twamwunganira.”

Icyakora mu mpamvu bamwe bavuga ko gukoresha imifuka n’amashitingi bishaje ku bwiherero biterwa no kutishobora, n’ubwo hari ababikora nkana, hari ababifata nko kudafata ubwiherero nk’ahantu h’ingenzi  mu buzima bwabo kandi hakenerwa cyane kandi na bose.

Ibi bigaragaza ko hakenewe imbaraga mu kongera kwigisha abaturage mu rwego rwo kwirinda indwara ziterwa n’umwanda.

@Emmanuel BIZIMANA/ Isango Star -Rubavu.

 

kwamamaza

Rubavu: Barataka indwara bakura mu bwiherero bwubakishije amahema n'imifuka bishaje

Rubavu: Barataka indwara bakura mu bwiherero bwubakishije amahema n'imifuka bishaje

 Jun 11, 2024 - 16:27

Hari abaturage bo mu kagari ka Nyacyonga mu murenge wa Busasamana bataka indwara ziterwa n’umwanda kubera gukoresha ubwiherero bwubakishijwe amashashi n’imifuka yashaje. Ubuyobozi bw’aka karere buvuga ko iki kibazo giterwa n’abagifite imyumvire yo kutemera kwiyubakira ubwiherero bwujuje ibisabwa kandi harimo n’abafite ubwo bushobozi. Buvuga ko bukomeje ubukangurambaga.

kwamamaza

Ubwiherero bwubakishije amashashi n’imifuka ishaje utangira kububona cyane cyane mu kagali ka Nyacyonga ko mu murenge wa Busasamana w’akarere ka Rubavu.  Badaciye ku ruhande, ababwihereramo bavuga ko hari aba bukomoramo indwara ziterwa n’umwanda.

Umwe yagize ati: “hari abo wumva ngo barwaye macinya, abandi cholera…”

Undi ati: “ubu bwiherero bigira ingaruka cyane kuko iyo umuntu adafite ubwiherero buzima usanga ari ahantu umuntu anyura ukumva ari kunukirwa, ukarwara indwara nyinshi zitandukanye.”

Iyo uganiriye nabo hari abumvikanisha ko impamvu bakoresha ubu  bwiherero ari mu buryo bwo kwirwanaho, kandi babiterwa n’ubushobozi buke.

Umwe, ati:“ni ubukene kuko ufite ubushobozi ntabwo watuma wandagara [ guseba] kuko ubwiherero ni ubwa mbere! Ufite ubushobozi wakubaka ubwiherero buzima ariko ikibazo ni ubukene.”

Undi ati: “hariya mu mpande hariho udushitingi noneho hasi ni ibikanda bihashashe.”

“reka nkubwire! Hari igihe uba ufite imbaraga nkeya, ubwo ugakora uko ungana. Nk’ubu njyewe nubatse ubwiherero bw’amabati abiri; ko nashyizeho ibari rimwe, ntihasigaye ah’irindi bati rimwe! Ni uko ntarabona imbaraga ngo nuse ikivi!”

Gusa ariko  ububuyobozi bw’Akarere ka Rubavu ntabwo bwemeranya n’aba baturage. Buvuga ko hari abafite imyumvire mibi yo kudashira ubwiherero mu byibanze bakenera kandi bafite ubushobozi.

MULINDWA Prosper; umuyobozi w’aka karere, yabwiye Isango Star ko bakomeje ubukangurambaga ndetse bikajyana no gufasha abatishoboye kwikura muri iki kibazo.

Ati: “icyo muvuga natwe twagiye tukibona, ko abantu bamwe bataraha agaciro ubwiherero, aho usanga umuntu afite inzu; inyubako ihenze ya miliyoni zigera nko muri 30 cyangwa 40, ukabona afite urupangu ariko wagera ku bwiherero ugasanga yarabusuzuguye."

"Icyakora ibyo ntibikuraho gukomeza kubisesengura neza kuko hari igihe dusanga muri iyo minsi umuntu yaragize ibibazo…kuko chocs zibaho mu buzima bigasaba ko twamwunganira.”

Icyakora mu mpamvu bamwe bavuga ko gukoresha imifuka n’amashitingi bishaje ku bwiherero biterwa no kutishobora, n’ubwo hari ababikora nkana, hari ababifata nko kudafata ubwiherero nk’ahantu h’ingenzi  mu buzima bwabo kandi hakenerwa cyane kandi na bose.

Ibi bigaragaza ko hakenewe imbaraga mu kongera kwigisha abaturage mu rwego rwo kwirinda indwara ziterwa n’umwanda.

@Emmanuel BIZIMANA/ Isango Star -Rubavu.

kwamamaza