RING THE BELL: Ubukangurambaga bugamije uburezi budaheza abafite ubumuga

RING THE BELL: Ubukangurambaga bugamije uburezi budaheza abafite ubumuga

Mu murenge wa Mageragere wo mu karere ka Nyarugenge mu mujyi wa Kigali hatangijwe ubukangurambaga mpuzamahanga bwiswe Ring The Bell bugamije kuvugira abana bafite ubumuga babuzwa amahirwe yabo mu buryo butandukanye kugirango abantu barusheho kubwubahiriza no kumenya ko abafite ubumuga ari abantu nk’abandi kandi bafite uburenganzira busesuye kandi kuri serivise zose.

kwamamaza

 

Ni ubukangurambaga bwakorewe mu rwunge rw’amashuri rwa Butamwa mu murenge wa Mageragere i Nyarugenge aho bukorwa ababwitabiriye biganjemo abanyshuri bazamura ijwi hejuru abandi bavuza igisa nk’akaruru, ngo ni ikimenyetso gishushanya kuvugira abafite ubumuga cyane cyane abana babuzwa serivise zitandukanye bagakwiye kuba bahabwa byumwihariko mu burezi.

Bisanzwe bikorwa mu bihugu byo hanze ariko mu Rwanda bikaba byaratangijwe mu mwaka wa 2018 ku bufatanye n’ihuriro Nyarwanda ry’Abantu bafite ubumuga (NUDOR), hamwe n’itorero rya Presbytérienne mu Rwanda nkuko Rukundo Christophe Umushumba muri EPR avuga.

Ati "Ring te bell mu kinyarwanda ni ukuvuza impanda, ni igikorwa gifite umumaro kubera ko aho tugikoze tuvuza impanda, tuzamura ijwi ryacu twubwira abantu ko abantu bafite ubumuga nabo bashoboye kwiga byumwihariko ni ubukangurambaga bwibanda kuri gahunda y'uburezi budaheza kuko abantu bafite ubumuga barahezwa cyane muri gahunda z'uburezi, hari bantu bafite ubumuga batiga baguma iwabo mungo n'abagiye ku ishuri bakagera ku ishuri bagasangayo imbogamizi nyinshi, niyo mpamvu hateguwe ubu bukangurambaga kandi bufite umumaro kuko hari ibigo byumvise iri jwi bitangira kubaka inzira z'abafite ubumuga ndetse n'ibikoresho bimwe na bimwe bifasha abafite ubumuga".      

Munyabagisha John Bosco umuhuzabikorwa w'inama y'igihugu y'abantu bafite ubumuga mu murenge wa Mageragere avuga ko nubwo inzitizi ku bana n’abantu bafite ubumuga zitabura ariko ubukangurambaga nk’ubu bugira umumaro ukomeye ku mibereho y’abo.

Ati "ibibazo ntibyabura, abana bari bagikingiranwa mu mazu ababyeyi babo bakabahisha biracyari inzitizi zikomeye, harimo ababyeyi bagifite imyumvire ikiri hasi bakeneye guhindurirwa imyumvire, ni ukubaganiriza buhoro buhoro bagenda bahindura imyumvire ariko n'aba bana babanyeshuri bakiri bato nabo tukabaganiriza kugirango badufashe kwita kuri babana bagenzi babo".

Manevure Emmanuel umukozi w’akarere ka Nyarugenge ushinzwe uburezi avuga ko iyo mpanda yavugijwe itazagarukira aho gusa ahubwo ko n’ahandi mu bindi bigo igomba kuhagera kugirango ubuvugizi bugere kure hashoboka.

Ati "nk'akarere turabizeza ubufatanye ubu butumwa bugere ahantu hose hashoboka, buje mu gihe nyacyo mu gusoza umwaka w'amashuri, bitangiye ubungubu mugihe abayobozi b'ibigo by'amashuri bagiye kwandika abana bashya bagiye kuza twaba dufite amahirwe akomeye ko tuzabona benshi cyane bafite ubumuga, impanda bavugije ntiyagarukiye hano gusa, icyo tubizeza natwe turabigira ibyacu".  

Mu busanzwe ubu bukangurambaga bukorerwa mu bigo bibiri gusa byo mu murenge wa Mageragere aribyo GS Butamwa na GS Burema gusa bivugwa ko burushijeho gusakara byatanga umusaruro.

Inkuru ya Berwa Gakuba Prudence / Isango Star Kigali

 

kwamamaza

RING THE BELL: Ubukangurambaga bugamije uburezi budaheza abafite ubumuga

RING THE BELL: Ubukangurambaga bugamije uburezi budaheza abafite ubumuga

 May 31, 2024 - 09:22

Mu murenge wa Mageragere wo mu karere ka Nyarugenge mu mujyi wa Kigali hatangijwe ubukangurambaga mpuzamahanga bwiswe Ring The Bell bugamije kuvugira abana bafite ubumuga babuzwa amahirwe yabo mu buryo butandukanye kugirango abantu barusheho kubwubahiriza no kumenya ko abafite ubumuga ari abantu nk’abandi kandi bafite uburenganzira busesuye kandi kuri serivise zose.

kwamamaza

Ni ubukangurambaga bwakorewe mu rwunge rw’amashuri rwa Butamwa mu murenge wa Mageragere i Nyarugenge aho bukorwa ababwitabiriye biganjemo abanyshuri bazamura ijwi hejuru abandi bavuza igisa nk’akaruru, ngo ni ikimenyetso gishushanya kuvugira abafite ubumuga cyane cyane abana babuzwa serivise zitandukanye bagakwiye kuba bahabwa byumwihariko mu burezi.

Bisanzwe bikorwa mu bihugu byo hanze ariko mu Rwanda bikaba byaratangijwe mu mwaka wa 2018 ku bufatanye n’ihuriro Nyarwanda ry’Abantu bafite ubumuga (NUDOR), hamwe n’itorero rya Presbytérienne mu Rwanda nkuko Rukundo Christophe Umushumba muri EPR avuga.

Ati "Ring te bell mu kinyarwanda ni ukuvuza impanda, ni igikorwa gifite umumaro kubera ko aho tugikoze tuvuza impanda, tuzamura ijwi ryacu twubwira abantu ko abantu bafite ubumuga nabo bashoboye kwiga byumwihariko ni ubukangurambaga bwibanda kuri gahunda y'uburezi budaheza kuko abantu bafite ubumuga barahezwa cyane muri gahunda z'uburezi, hari bantu bafite ubumuga batiga baguma iwabo mungo n'abagiye ku ishuri bakagera ku ishuri bagasangayo imbogamizi nyinshi, niyo mpamvu hateguwe ubu bukangurambaga kandi bufite umumaro kuko hari ibigo byumvise iri jwi bitangira kubaka inzira z'abafite ubumuga ndetse n'ibikoresho bimwe na bimwe bifasha abafite ubumuga".      

Munyabagisha John Bosco umuhuzabikorwa w'inama y'igihugu y'abantu bafite ubumuga mu murenge wa Mageragere avuga ko nubwo inzitizi ku bana n’abantu bafite ubumuga zitabura ariko ubukangurambaga nk’ubu bugira umumaro ukomeye ku mibereho y’abo.

Ati "ibibazo ntibyabura, abana bari bagikingiranwa mu mazu ababyeyi babo bakabahisha biracyari inzitizi zikomeye, harimo ababyeyi bagifite imyumvire ikiri hasi bakeneye guhindurirwa imyumvire, ni ukubaganiriza buhoro buhoro bagenda bahindura imyumvire ariko n'aba bana babanyeshuri bakiri bato nabo tukabaganiriza kugirango badufashe kwita kuri babana bagenzi babo".

Manevure Emmanuel umukozi w’akarere ka Nyarugenge ushinzwe uburezi avuga ko iyo mpanda yavugijwe itazagarukira aho gusa ahubwo ko n’ahandi mu bindi bigo igomba kuhagera kugirango ubuvugizi bugere kure hashoboka.

Ati "nk'akarere turabizeza ubufatanye ubu butumwa bugere ahantu hose hashoboka, buje mu gihe nyacyo mu gusoza umwaka w'amashuri, bitangiye ubungubu mugihe abayobozi b'ibigo by'amashuri bagiye kwandika abana bashya bagiye kuza twaba dufite amahirwe akomeye ko tuzabona benshi cyane bafite ubumuga, impanda bavugije ntiyagarukiye hano gusa, icyo tubizeza natwe turabigira ibyacu".  

Mu busanzwe ubu bukangurambaga bukorerwa mu bigo bibiri gusa byo mu murenge wa Mageragere aribyo GS Butamwa na GS Burema gusa bivugwa ko burushijeho gusakara byatanga umusaruro.

Inkuru ya Berwa Gakuba Prudence / Isango Star Kigali

kwamamaza