“Nagiye nziko ngiye gufungwa.” Mutaganzwa mu rugendo rwo guhinduka

“Nagiye nziko ngiye gufungwa.” Mutaganzwa mu rugendo rwo guhinduka

Amakimbirane yo ku muryango agira ingaruka zitandukanye, aho umwe ahohotera mugenzi we kuburyo uwabikoze wabihanirwa n’amategeko igihe habayeho kwisunga inkiko. Mutaganzwa avuga ko kubera kumara igihe kinini abanye n’umugore we mu makimbirane ndetse amuhohotera, yahamagawe mubagombwa kwigishwa ihame ry’uburinganire n’ubuzuzanye, agenda aziko agiye gufungwa.

kwamamaza

 

Mutaganzwa utuye mu murenge wa Munyiginya, akarere ka Rwamagana, avuga ko atazi neza imyaka yamaze akimbirana n’umugore we… bitewe nuko babaye mu makimbirane imyaka myinshi. Muri icyo gihe, avuga ko yahohoteye umugore we kenshi, abantu batandukanye bakagerageza kubafasha ariko bikaba iby’iby’ubusa.

Ati: “habanje kuza inshuti z’umuryango, badufasha kumva ikibazo dufite giteza amakimbirane. Tumaze nka kabiri tuvugana neza nuko tugongera tugasimbuka [tukarwana]. Haje abafashamyumvire nabo baradufasha biranga. Twahoraga turwana.”

Uku kutumvikana avuga kwaterwaga ahanini no kudahuza ku mikoreshereze y’amafaranga yakoreraga mu kazi ke k’ubufundi, guheza umugore ku mutungo, kumukubita no kumuhoza ku nkeke ndetse no kumuca inyuma.

Gusa Mukarubibi Olive bashakanye, avuga ko umugabo we yahindutse ku buryo imibanire yabo ya kera itandukanye cyane n’iy’ubu.

Ati: “uko undeba uku yanshatse ndi muto, ndi muri za 18. Yatangiye kumpohotera nkiri muto kuko namushatse anduta cyane. yasangaga igikombe hasi agakubita, umwana yakosa, akankubita…yaza avuye kunywa inzoga, yasinze nuko yankinguza nanjye nkagenda nzi ko ngiye gufungurira umugabo nuko ai’ ndaje ngukubite nkugire nabi, nkwereke ko byose bishoboka nuko ngakubitwa inkoni…mbese nahoraga mbabaye ku mutima.”

Mukarubibi utazi igihe amaze ahoboterwa kubera ubwinshi bwayo, avuga ko yagiye yahukana kenshi akagaruka umugabo yasabye imbabazi, ndetse bakamuca amande.

Iruhande rw’ibi ariko yanamubuzaga n’uburenganzira ku mutungo ariko agaceceka kuko yari umunyantege nke.

Ati:”abafashamyumvire baje kutwigisha, Rwamrec yaje nayo kumva ibyacu iratwigisha noneho umugabo agenda cishwa bugufi gake ariko bamara kuva aho noneho akongera akagarura za ngeso mbi ze, nuko tugakomeza intambara gutyo kuko ntabwo twigeze dutuza. Nanjye nabonaga ibyo ankorera nkavuza induru, ngashyira ku gasozi n’agahinda kenshi.  Ngahorana agahinda mu mutima, simbe namugira inama ngo antege amatwi ahubwo akamfobya mu buryo bukomeye.”

“ Namubwira nti ese ibi ko bimeze gutya [ imyaka] kandi ukaba udashaka kunyumva …ngo si iyo kwa so, nta n’isambo ya so iri hano! Ngahorana rya hohoterwa ryo mu mutima, agahonda kagahora gashengura umutima.”

 “ Mugihe bikimeze bityo, twumva Rwanda women’s Network bati ‘ muze ku rubuga ariko njyayo numva ndemerewe cyane. nibaza ibimbaho ibyo aribyo nti ese ubu ndi umukecuru ukuriye mu rugo rwanjye, ese nzicwa n’agahinda kante mu ruzi?! Ese nzabigenza gute? Ubwo rero baratwigishije, baraduhugurwa. Rwose Mireille ndamushima cyane kuko yaturuhuye umutima… baratwigishije tugenda duhumuka gake gake nuko tugira urukundo ariko umugabo yari yarambereye umuntu ntazi.”

Avuga ko ubwo yigaga yagendaga areba ibyo ahohotera umugore we kuburyo ubu babanye neza. Ibi kandi byemezwa na Mukarubibi uvuga ko yakize agahinda ko kumutima ndetse asigaye afite n’uburenganzira ku mutungo kuburyo afata umwanzuro ndetse bakajya inama nk’abashakanye.

Mutaganzwa avuga ko yari yarananiranye kuburyo guhora mu nduru, yahamagawe ahantu ariko agenda yiteguye kufungwa.

Ati:“ariko nagiye mvuga ngo kubera intambara duhoramo, dushobora kugerayo aba bantu bakampfunga. Kubera intambara mporamo n’umugora numvaga bafashe umwanzuro wo kumfunga! Nagezeyo mpamagara uwari wampamagaye …nuko mpageze ndinjira, batwoherereza umwarimu mwiza, nuko umunsi wa mbere turiga. (…) twasoje amahugurwa twarahindutse ariko noneho twagiye gukoresha impinduka twakuyeyo.”

 

kwamamaza

“Nagiye nziko ngiye gufungwa.” Mutaganzwa mu rugendo rwo guhinduka

“Nagiye nziko ngiye gufungwa.” Mutaganzwa mu rugendo rwo guhinduka

 Jul 5, 2024 - 12:26

Amakimbirane yo ku muryango agira ingaruka zitandukanye, aho umwe ahohotera mugenzi we kuburyo uwabikoze wabihanirwa n’amategeko igihe habayeho kwisunga inkiko. Mutaganzwa avuga ko kubera kumara igihe kinini abanye n’umugore we mu makimbirane ndetse amuhohotera, yahamagawe mubagombwa kwigishwa ihame ry’uburinganire n’ubuzuzanye, agenda aziko agiye gufungwa.

kwamamaza

Mutaganzwa utuye mu murenge wa Munyiginya, akarere ka Rwamagana, avuga ko atazi neza imyaka yamaze akimbirana n’umugore we… bitewe nuko babaye mu makimbirane imyaka myinshi. Muri icyo gihe, avuga ko yahohoteye umugore we kenshi, abantu batandukanye bakagerageza kubafasha ariko bikaba iby’iby’ubusa.

Ati: “habanje kuza inshuti z’umuryango, badufasha kumva ikibazo dufite giteza amakimbirane. Tumaze nka kabiri tuvugana neza nuko tugongera tugasimbuka [tukarwana]. Haje abafashamyumvire nabo baradufasha biranga. Twahoraga turwana.”

Uku kutumvikana avuga kwaterwaga ahanini no kudahuza ku mikoreshereze y’amafaranga yakoreraga mu kazi ke k’ubufundi, guheza umugore ku mutungo, kumukubita no kumuhoza ku nkeke ndetse no kumuca inyuma.

Gusa Mukarubibi Olive bashakanye, avuga ko umugabo we yahindutse ku buryo imibanire yabo ya kera itandukanye cyane n’iy’ubu.

Ati: “uko undeba uku yanshatse ndi muto, ndi muri za 18. Yatangiye kumpohotera nkiri muto kuko namushatse anduta cyane. yasangaga igikombe hasi agakubita, umwana yakosa, akankubita…yaza avuye kunywa inzoga, yasinze nuko yankinguza nanjye nkagenda nzi ko ngiye gufungurira umugabo nuko ai’ ndaje ngukubite nkugire nabi, nkwereke ko byose bishoboka nuko ngakubitwa inkoni…mbese nahoraga mbabaye ku mutima.”

Mukarubibi utazi igihe amaze ahoboterwa kubera ubwinshi bwayo, avuga ko yagiye yahukana kenshi akagaruka umugabo yasabye imbabazi, ndetse bakamuca amande.

Iruhande rw’ibi ariko yanamubuzaga n’uburenganzira ku mutungo ariko agaceceka kuko yari umunyantege nke.

Ati:”abafashamyumvire baje kutwigisha, Rwamrec yaje nayo kumva ibyacu iratwigisha noneho umugabo agenda cishwa bugufi gake ariko bamara kuva aho noneho akongera akagarura za ngeso mbi ze, nuko tugakomeza intambara gutyo kuko ntabwo twigeze dutuza. Nanjye nabonaga ibyo ankorera nkavuza induru, ngashyira ku gasozi n’agahinda kenshi.  Ngahorana agahinda mu mutima, simbe namugira inama ngo antege amatwi ahubwo akamfobya mu buryo bukomeye.”

“ Namubwira nti ese ibi ko bimeze gutya [ imyaka] kandi ukaba udashaka kunyumva …ngo si iyo kwa so, nta n’isambo ya so iri hano! Ngahorana rya hohoterwa ryo mu mutima, agahonda kagahora gashengura umutima.”

 “ Mugihe bikimeze bityo, twumva Rwanda women’s Network bati ‘ muze ku rubuga ariko njyayo numva ndemerewe cyane. nibaza ibimbaho ibyo aribyo nti ese ubu ndi umukecuru ukuriye mu rugo rwanjye, ese nzicwa n’agahinda kante mu ruzi?! Ese nzabigenza gute? Ubwo rero baratwigishije, baraduhugurwa. Rwose Mireille ndamushima cyane kuko yaturuhuye umutima… baratwigishije tugenda duhumuka gake gake nuko tugira urukundo ariko umugabo yari yarambereye umuntu ntazi.”

Avuga ko ubwo yigaga yagendaga areba ibyo ahohotera umugore we kuburyo ubu babanye neza. Ibi kandi byemezwa na Mukarubibi uvuga ko yakize agahinda ko kumutima ndetse asigaye afite n’uburenganzira ku mutungo kuburyo afata umwanzuro ndetse bakajya inama nk’abashakanye.

Mutaganzwa avuga ko yari yarananiranye kuburyo guhora mu nduru, yahamagawe ahantu ariko agenda yiteguye kufungwa.

Ati:“ariko nagiye mvuga ngo kubera intambara duhoramo, dushobora kugerayo aba bantu bakampfunga. Kubera intambara mporamo n’umugora numvaga bafashe umwanzuro wo kumfunga! Nagezeyo mpamagara uwari wampamagaye …nuko mpageze ndinjira, batwoherereza umwarimu mwiza, nuko umunsi wa mbere turiga. (…) twasoje amahugurwa twarahindutse ariko noneho twagiye gukoresha impinduka twakuyeyo.”

kwamamaza