Kiny
Eng
Fr
Kevin De Bruyne yasezeye kuri Manchester City
Uwajeneza Donatha
Apr 4, 2025 - 20:32
Kevin De Bruyne yatangaje ko ubwo uyu mwaka w'imikino 2024-25 uzaba urangiye atazongera gukinira ikipe ya Manchester city (blue sky) nyuma y'imyaka 10 yaramazemo atangamo imbaraga, ayikinira mu kibuga hagati.
kwamamaza
Debruyne w'imyaka 33 yavutse ku itariki ya 28 kamena 199, avukira mu mujyi wa Drongen mu gihugu cy'Ububirigi, yarakiniye amakipe atandukanye, aho yaciye muri GENK kuva 2008-2012 yakiniye imikino 9 ayitsindira ibitego 16.
Aho yahavuye yerekeza muri CHELSEA FC, imwe mu makipe yagiriyemo ibihe bitari byiza mu myaka ibiri yayimazemo kuko yaranzwe no gutizwa mu makipe atandukanye arimo VFL WOLFSBRG ndetse n'andi. Aha yahageze muri 2012-2014, ayikinira imikino 3 nta gitego na kimwe yayitsindiye .
Kuva muri 2015 kugeza ubu, imyaka yaribaye icumi De Bruyne akinira ikipe ya manchester city yagiriyemo ibihe byiza mu rugendo rwe rwo gukina umupira w'amaguru.
Ubwo yayikiniraga, yatwaye ibikombe birenga 15, igikombe kimwe (1) cya UEFA Champions league, ibikombe (6) bya English premier league, ibikombe (2) bya FA CUP, ibikombe (5) bya LEAGUE CUP, anatwara kandi igikombe cy'imwe (1) cya FIFA CLUB WORLD CUP.
Asezera ko atozongera gukinira iyi kipe, De Bruyne yagize ati: Manchester izahora ku mitima wanjye, ndetse no mu byangombwa by’inzira by’abana banjye. Ibi ni byo byari inzozi kandi iyi ni yo nkuru nziza y’ubuzima bwanjye.”
Yakomeje anagaruka ku mezi yanyuma asigaje muri iyi kipe, ati: Aya ni amezi yanjye ya nyuma nk’umukinnyi wa Manchester City. Uyu mujyi, iyi kipe n’abafana bayo bampaye byose. Nari mfite inshingano zo kubishyura byose kandi twarabikoze."
@Darius Shumbusho/Isango Star-Kigali
kwamamaza