Kiny
Eng
Fr
AMAGARE: Sempoma yahamagaye abakinnyi bazakina Tour du Cameroun.
Uwajeneza Donatha
May 24, 2023 - 11:50
Umutoza w'ikipe y'igihugu y'umukino w'amagare, Sempoma Felix, yahamagaye abakinnyi bagiye mu mwiherero wo kwitegura isiganwa ry'amagare "Tour du Cameroun" rizaba mu kwezi gutaha kwa Kamena (06).
Mu kiganiro yagiranye na Isango Star,Umutoza Sempoma yatangaje ko mu bakinnyi yahamagaye yibanze ku bakiri bato bari munsi y'imyaka 23 kugirango atangire abamenyereje amasiganwa akomeye, bagire ubunararibonye.
Sempoma yagize ati " Nubwo nahisemo gutegura abakiri bato ariko intego ntiyahindutse ,tuzajya muri Cameroun gutwara irushanwa".
Si inshuro ya mbere u Rwanda rwitabira isiganwa rya Tour du Cameroun, cyane ko rwanaryegukanye inshuro ebyiri mu mwaka wa 2018, ubwo Uwizeyimana Bonavanture yaryegukanaga na Mugisha Moise waryegukanye muri 2022.
Iri siganwa riteganyinwe hagati y'itariki 3-11 z'ukwezi kwa gatandatu(Kamena) 2023.
Abakinnyi bahamamagawe barimo: Moise Mugisha, Etienne Tuyizere, Eric Manizabayo, Samuel Niyonkuru, Jean Claude Nzafashwanayo, ndetse na Masengesho.
Yanditswe na Jean Paul NKURUNZIZA/Isango Star.