Kayonza: Abazerereza inka bafatiwe ingamba nyuma yo kuba  guteza ibihombo abandi borozi

Kayonza: Abazerereza inka bafatiwe ingamba nyuma yo kuba  guteza ibihombo abandi borozi

Aborozi b’inka bo muri aka karere baravuga ko bafashe ingamba zo gufatanya n’ubuyobozi mu gukumira abazerereza inka kuko bibakwegera indwara y’uburenge bikabateza igihombo cyo gupfusha inka. Ni icyemezo cyafashwe mu rwego rwo gukumira burundu iyi ndwara ikunze kwibasira inka zo mu karere ka Kayonza. Gusa Ikigo cy’igihugu gishinzwe guteza imbere ubuhinzi n’ubworozi, RAB, gisaba aborozi b’inka kwitabira kuzikingiza nk’ubundi buryo bwafasha mu kuyikumira.

kwamamaza

 

Mu karere ka Kayonza hakunze kumvikana indwara y’uburenge ifata inka ku buryo bituma imirenge imwe n’imwe yo muri aka karere ishyirwa mu kato ntiyemererwe gusohokamo ibikomoka ku matungo.

Aborozi b’inka baho bavuga iyo uburenge bugaragaye mu nka zabo bibateza igihombo kuko zimwe zipfa. Impamvu ikomeye yatumye bafata ingamba zo kwicungira umutekano binyuze nmu gukumira abantu binjiza inka mu buryo bunyuranije n’amategeko.

Umworozi umwe yagize ati: “ guca uburenge ni ukwiyama bariya bantu bazereza amashyo, bazikura iyo bakazizana bya rwihishwa nuko bigatuma natwe tubihomberamo. Icya mbere ntitubona amasoko y’inka zacu. Icya kabiri iyo zaburwaye, nyir’inka arahomba kuko zirapfa kandi bitewe na mugenzi we wazanye icyo cyaha, yaje kororera hamwe na bagenzi be.”

“K’ubwacu duhagarare twiyame wa muntu ugendana za nka, nibyanga tumushyikirize inzego zibishinzwe nuko bamuhane.”

Undi ati: “buri wese ugomba kumenya aho igiye naho ivuye n’uyijyanye ngo ni nde kandi utitaye kuwo ariwe wese. (…) ntabwo dukwiye kubirebera, nubwo yaba yiba ntumuteshe. Rero nta kindi ni ukumenya ngo inka igenda irava hehe? Ijyanywe hehe? Nuko ukabashyikiriza ubuyobozi bagahanwa, ibyo bakabicikaho.”

Nyemezi John Bosco; Umuyobozi w’akarere ka Kayonza, yasabye aborozi ko mu gihe babonye icyorezo mu nka zabo bajya bahita babwira ubuyobozi bukabafasha kigakumirwa hakiri kare kitaragera hose.

Yanabasabye gukangukira gahunda yo kororera mu biraro kuko ari igisubizo kirambye kandi gitanga n’izindi nyungu ku mworozi.

Ati: “igikomeye ni uko tugira inama aborozi mugihe hagaragaye ikibazo cy’icyorezo kwihutira kukigaragaza nuko kigakurikiranwa. Ariko nanone tukabona umuti urambye ari uko abantu baguma mu mafamu yabo, bakazanamo za damushiti bagashyiramo amazi. Icyo gihe ntabwo inka ziba zitarabuka.”

Dr Ndayisenga Fabrice; Umuyobozi w’agashami gashinzwe ubworozi mu kigo cy’igihugu gishinzwe guteza imbere ubuhinzi n’ubworozi RAB, avuga ko nta mworozi ukwiye guhishira uwinjije inka mu buryo bunyuranije n’amategeko kuko ariho hakomoka indwara y’uburenge.

Abasaba  kandi kwitabira gahunda yo gukingiza inka zabo kuko urukingo rutangwa ku buntu.

Ati: “uramuhishira bimare ukwezi, amezi abiri…ararwaza nawe ejo uzarwaza. Twe guhishirana ariko tujye muri gahunda ya Leta ishyiraho kuko inking ni ubuntu, rero abantu nibakingize. Ibindi bihugu usanga aborozi barira ngo twakura hehe urukingo! Twe turaruha aborozi. Ugasanga umuntu ajya mu ifamu y’umuntu, ntabwo ashobora kuboneka ngo inka ze zikingirwe.”

“ icyo dushaka ni aborozi fafite commitment, baboneka bajye mu nzuri zabo nuko inka zabo zikingirwe.”

Uretse kuba indwara y’uburenge yahombya aborozi b’inka bitewe nuko inka zipfa, iyi ndwara inahombya igihugu kuko iyo imaze kuba nyinshi mu gihugu gikumirwa ku kohereza ibikomoka ku bworozi ku masoko mpuzamahanga.

Iyi bikaba ariyo mpamvu Leta y’u Rwanda irimo gufasha aborozi b’inka kuzikingiza ku buntu mu kuzirinda indwara y’uburenge.

@Djamali Habarurema/Isango Star-Kayonza.

 

 

kwamamaza

Kayonza: Abazerereza inka bafatiwe ingamba nyuma yo kuba  guteza ibihombo abandi borozi

Kayonza: Abazerereza inka bafatiwe ingamba nyuma yo kuba  guteza ibihombo abandi borozi

 Apr 1, 2024 - 15:01

Aborozi b’inka bo muri aka karere baravuga ko bafashe ingamba zo gufatanya n’ubuyobozi mu gukumira abazerereza inka kuko bibakwegera indwara y’uburenge bikabateza igihombo cyo gupfusha inka. Ni icyemezo cyafashwe mu rwego rwo gukumira burundu iyi ndwara ikunze kwibasira inka zo mu karere ka Kayonza. Gusa Ikigo cy’igihugu gishinzwe guteza imbere ubuhinzi n’ubworozi, RAB, gisaba aborozi b’inka kwitabira kuzikingiza nk’ubundi buryo bwafasha mu kuyikumira.

kwamamaza

Mu karere ka Kayonza hakunze kumvikana indwara y’uburenge ifata inka ku buryo bituma imirenge imwe n’imwe yo muri aka karere ishyirwa mu kato ntiyemererwe gusohokamo ibikomoka ku matungo.

Aborozi b’inka baho bavuga iyo uburenge bugaragaye mu nka zabo bibateza igihombo kuko zimwe zipfa. Impamvu ikomeye yatumye bafata ingamba zo kwicungira umutekano binyuze nmu gukumira abantu binjiza inka mu buryo bunyuranije n’amategeko.

Umworozi umwe yagize ati: “ guca uburenge ni ukwiyama bariya bantu bazereza amashyo, bazikura iyo bakazizana bya rwihishwa nuko bigatuma natwe tubihomberamo. Icya mbere ntitubona amasoko y’inka zacu. Icya kabiri iyo zaburwaye, nyir’inka arahomba kuko zirapfa kandi bitewe na mugenzi we wazanye icyo cyaha, yaje kororera hamwe na bagenzi be.”

“K’ubwacu duhagarare twiyame wa muntu ugendana za nka, nibyanga tumushyikirize inzego zibishinzwe nuko bamuhane.”

Undi ati: “buri wese ugomba kumenya aho igiye naho ivuye n’uyijyanye ngo ni nde kandi utitaye kuwo ariwe wese. (…) ntabwo dukwiye kubirebera, nubwo yaba yiba ntumuteshe. Rero nta kindi ni ukumenya ngo inka igenda irava hehe? Ijyanywe hehe? Nuko ukabashyikiriza ubuyobozi bagahanwa, ibyo bakabicikaho.”

Nyemezi John Bosco; Umuyobozi w’akarere ka Kayonza, yasabye aborozi ko mu gihe babonye icyorezo mu nka zabo bajya bahita babwira ubuyobozi bukabafasha kigakumirwa hakiri kare kitaragera hose.

Yanabasabye gukangukira gahunda yo kororera mu biraro kuko ari igisubizo kirambye kandi gitanga n’izindi nyungu ku mworozi.

Ati: “igikomeye ni uko tugira inama aborozi mugihe hagaragaye ikibazo cy’icyorezo kwihutira kukigaragaza nuko kigakurikiranwa. Ariko nanone tukabona umuti urambye ari uko abantu baguma mu mafamu yabo, bakazanamo za damushiti bagashyiramo amazi. Icyo gihe ntabwo inka ziba zitarabuka.”

Dr Ndayisenga Fabrice; Umuyobozi w’agashami gashinzwe ubworozi mu kigo cy’igihugu gishinzwe guteza imbere ubuhinzi n’ubworozi RAB, avuga ko nta mworozi ukwiye guhishira uwinjije inka mu buryo bunyuranije n’amategeko kuko ariho hakomoka indwara y’uburenge.

Abasaba  kandi kwitabira gahunda yo gukingiza inka zabo kuko urukingo rutangwa ku buntu.

Ati: “uramuhishira bimare ukwezi, amezi abiri…ararwaza nawe ejo uzarwaza. Twe guhishirana ariko tujye muri gahunda ya Leta ishyiraho kuko inking ni ubuntu, rero abantu nibakingize. Ibindi bihugu usanga aborozi barira ngo twakura hehe urukingo! Twe turaruha aborozi. Ugasanga umuntu ajya mu ifamu y’umuntu, ntabwo ashobora kuboneka ngo inka ze zikingirwe.”

“ icyo dushaka ni aborozi fafite commitment, baboneka bajye mu nzuri zabo nuko inka zabo zikingirwe.”

Uretse kuba indwara y’uburenge yahombya aborozi b’inka bitewe nuko inka zipfa, iyi ndwara inahombya igihugu kuko iyo imaze kuba nyinshi mu gihugu gikumirwa ku kohereza ibikomoka ku bworozi ku masoko mpuzamahanga.

Iyi bikaba ariyo mpamvu Leta y’u Rwanda irimo gufasha aborozi b’inka kuzikingiza ku buntu mu kuzirinda indwara y’uburenge.

@Djamali Habarurema/Isango Star-Kayonza.

 

kwamamaza