Kiny
Eng
Fr
Iran: Imyigaragambyo ikomeye irakomeje, abantu barenga 2.500 bamaze gupfa
Uwajeneza Donatha
Jan 14, 2026 - 13:04
Muri Iran hakomeje kuba imyigaragambyo ikomeye imaze guhitana abantu 2.571 harimo abayobozi mu nzego za Leta 2.403 bagera ku 147. Guverinoma imaze iminsi itanu yarafunze Internet n’itumanaho rya telefoni kugira ngo iburizemo amakuru amakuru ashobora kujya hanze. Ni mu gihe Perezida Donald Trump wa Amerika yatanze ubutumwa bwo gushyigikira abigaragambya, anasezeranya igikorwa gikomeye.
kwamamaza
Iyi myigaragambyo yatangiye ku wa 28 Ukuboza (12), bamagana izamuka ry'ibiciro no guta agaciro kw'ifaranga, igenda yaguka igera no mu mu mijyi itandukanye y’Igihugu cya Iran. Abigaragambya bongeye uburakari, bahinduye umuvuno, bagera aho basaba ko ubutegetsi buriho buvaho, basaba kugarura ubutegetsi bwa kera bw’umuryango wa Pahlavi.
Guverinoma ya Iran yafunze Internet n’itumanaho ryose kuva ku wa Gatanu ushize, mu rwego rwo gukumira ko ibiri kubera mu gihugu imbere bikwirakwizwa ku mbuga nkoranyambaga, abo hanze y'igihugu ntibabashe kuvugana nabo muri Iran, ibikomeje kubangamira gutangaza amakuru ku byerekeye imyigaragambyo.
ONG Netblocks ivuga ko iri gufunga rikomeje amasaha 132, rihishe ubukana n’ubwicanyi irimu gihugu hose.
ONG yitwa HRANA iharanira uburenganzira bwa mmunu ikorera muri Leta Zunze Ubumwe za Amerika, ivuga ko abantu bamaze kugwa muri iyi myigaragambyo bagera ku 2.571, harimo abasivili 2.403, abayobozi 147, n'abana 12.
Benshi basaga ibihumbi 10.600 batawe muri yombi bazira imyigaragambyo no gutanga ibitekerezo, ndetse ubutegetsi bwa Iran bwatangaje ko bugiye kwihutisha ibijyanye no kubacira imana.
Erfan Soltani, umusore w'imyaka 26 uri mu batawe muri yombi mu minsi ya mbere y'imyigaragambyo, yamaze gukatirwa urwo gupfa ndetse biteganyijwe ko ahabwa iki gihano muri iki cyumweru.
Abategetsi b’Amerika batangaje ko Soltani yaburanye nta mwunganizi mu mategeko kandi nta rindi rubanza rwatanzwe.
Nubwo bimeze bityo ariko, imyigaragambyo ikomeje gufata indi ntera, ndatse Donald Trump yabasabye kwigaragambya kugeza ubutegetsi buhindutse. Yasezeranyije abigaragambya ko ubufasha buri hafi. Amerika yatangaje kenshi ko Iran iri mu bihugu bitahiwe nyuma y'igitero cyagabwe muri Venezuela cyo gushimuta Nicholas Maduro n'umugire we.
Icyakora Iran yatangaje ko Amerika izasanga Iran yiteguye, aho umuyobozi w'ikirenga yanumvikanye anenga abanya-Iran bishoye mu myigaragambyo ngo bashimishe Perezida Trump.
Kugeza ubu, ingaruka zitandukanye zatangiye kugera ku bihugu bitandukanye, cyane ibyari bifitanye imikoranire na Iran. Amerika iherutse gufatira ibihano ibihugu bikoeana ubuvuruzi na Iran, aho imisoro yashyizwe kuri 25%.
Ubukungu bwa bw'iki gihugu ntibworohewe kubera kwigaragambya, gusa bimwe mu bihugu nk'Ubushinwa bwaguraga 99% by'ibikomoka kuri peterori muri Iran ntiburayikuraho amaboko. Umubano w’ibi bihugu uracyari ingenzi, kuko Beijing ikomeje gucunga inyungu zayo mu bucuruzi no mu byerekeye politiki.
@rfi
kwamamaza