Huye: Gusabwa uburambe mu kazi biri guteza ubushomeri mu rubyiruko

Huye: Gusabwa uburambe mu kazi biri guteza ubushomeri mu rubyiruko

Mu karere ka Huye, hari rumwe mu rubyiruko ruvuga ko kuzitirwa kugera ku mahirwe y’umurimo nko gusabwa uburambe mu kazi ku barangiza amashuri makuru na za kaminuza no kuba hari bimwe mu bigo byaba ibya Leta cyangwa iby’abikorera bigitanga akazi hashingiwe ku kimenyane, ni kimwe mu bikomeza kongera umubare w’abashomeri ubu basaga 34%.

kwamamaza

 

Imibare y’ikigo cy’igihugu cy’ibarurishamibare igaragaza ko ubushomeri mu Rwanda bugeze ku kigero cya 20.5%, naho mu Karere ka Huye ubushomeri bukaba buri ku kigero cya 34%.

Iki ni ikibazo gihangayikishije cyane ko umubare munini w’abadafite akazi ari urubyiruko.

Ishimwe Pascaline kimwe na bagenzi be, bavuga ko hakiri ibibazitira mu kubona imirimo birimo uburambe mu gutanga akazi hashingiwe ku uko umuntu agaragara inyuma.

Yagize ati "nko ku kiyede hari igihe bareba nk'umugore cyangwa umukobwa bakavuga ngo ntabwo yakora guhera saa mbiri ngo ageze saa kumi nimwe ngo abe agifite izo mbaraga bakamwima akazi, nko kubahungu hari igihe ugera muri hoteli ugasanga hakoramo abakobwa gusa, hakore ubumenyi aho kugendera uko umuntu agaragara inyuma, ibintu by'uburambe mu kazi biratugora nabyo, ukirangiza ishuri nta burambe uzaba ufite ariko uzaba ufite ubumenyi kuko uba warabyize".

Meya Ange Sebutege uyobora akarere ka Huye, we avuga ko hari amahirwe urubyiruko rugenda rushyirirwaho, rudakwiye gucika intege mu gushaka imirimo no kuyihanga rwishyize hamwe.

Yagize ati "urubyiruko rurangiza amashuri ntabwo bose akazi bagahabwa n'inzego za Leta, niyo mpamvu duhura n'abikorera tukabereka cya cyuho cy'abantu bose bifuza akazi turebe uko abikorera bagira uruhare rwabo mu kugabanya uwo mubare w'abashomeri ariko igikomeye mu rubyiruko tubashishikariza ni ugukorera hamwe bakaba ba rwiyemezamirimo, ntibatege amaso ko hari uzabaha akazi".

Ikindi kigaragazwa nk’imbogamizi mu kubona imirimo, ngo hari abize mu masomo runaka muri za kaminuza, adashyirwa mu rutonde rw’imirimo ikorerwa ibizamini bagasanga ari imbogamizi ikomeye kuri bo.

Mu karere ka Huye biteganyijwe ko mu mwaka w’ingengo y’imari wa 2023-2024, hazahangwa imirimo mishya 8000 yitezweho kuzagabanya ubu bushomeri buri ku kigereranyo cya 34%.

Inkuru ya Rukundo Emmanuel / Isango Star Huye

 

kwamamaza

Huye: Gusabwa uburambe mu kazi biri guteza ubushomeri mu rubyiruko

Huye: Gusabwa uburambe mu kazi biri guteza ubushomeri mu rubyiruko

 Aug 15, 2023 - 07:56

Mu karere ka Huye, hari rumwe mu rubyiruko ruvuga ko kuzitirwa kugera ku mahirwe y’umurimo nko gusabwa uburambe mu kazi ku barangiza amashuri makuru na za kaminuza no kuba hari bimwe mu bigo byaba ibya Leta cyangwa iby’abikorera bigitanga akazi hashingiwe ku kimenyane, ni kimwe mu bikomeza kongera umubare w’abashomeri ubu basaga 34%.

kwamamaza

Imibare y’ikigo cy’igihugu cy’ibarurishamibare igaragaza ko ubushomeri mu Rwanda bugeze ku kigero cya 20.5%, naho mu Karere ka Huye ubushomeri bukaba buri ku kigero cya 34%.

Iki ni ikibazo gihangayikishije cyane ko umubare munini w’abadafite akazi ari urubyiruko.

Ishimwe Pascaline kimwe na bagenzi be, bavuga ko hakiri ibibazitira mu kubona imirimo birimo uburambe mu gutanga akazi hashingiwe ku uko umuntu agaragara inyuma.

Yagize ati "nko ku kiyede hari igihe bareba nk'umugore cyangwa umukobwa bakavuga ngo ntabwo yakora guhera saa mbiri ngo ageze saa kumi nimwe ngo abe agifite izo mbaraga bakamwima akazi, nko kubahungu hari igihe ugera muri hoteli ugasanga hakoramo abakobwa gusa, hakore ubumenyi aho kugendera uko umuntu agaragara inyuma, ibintu by'uburambe mu kazi biratugora nabyo, ukirangiza ishuri nta burambe uzaba ufite ariko uzaba ufite ubumenyi kuko uba warabyize".

Meya Ange Sebutege uyobora akarere ka Huye, we avuga ko hari amahirwe urubyiruko rugenda rushyirirwaho, rudakwiye gucika intege mu gushaka imirimo no kuyihanga rwishyize hamwe.

Yagize ati "urubyiruko rurangiza amashuri ntabwo bose akazi bagahabwa n'inzego za Leta, niyo mpamvu duhura n'abikorera tukabereka cya cyuho cy'abantu bose bifuza akazi turebe uko abikorera bagira uruhare rwabo mu kugabanya uwo mubare w'abashomeri ariko igikomeye mu rubyiruko tubashishikariza ni ugukorera hamwe bakaba ba rwiyemezamirimo, ntibatege amaso ko hari uzabaha akazi".

Ikindi kigaragazwa nk’imbogamizi mu kubona imirimo, ngo hari abize mu masomo runaka muri za kaminuza, adashyirwa mu rutonde rw’imirimo ikorerwa ibizamini bagasanga ari imbogamizi ikomeye kuri bo.

Mu karere ka Huye biteganyijwe ko mu mwaka w’ingengo y’imari wa 2023-2024, hazahangwa imirimo mishya 8000 yitezweho kuzagabanya ubu bushomeri buri ku kigereranyo cya 34%.

Inkuru ya Rukundo Emmanuel / Isango Star Huye

kwamamaza