Hatangijwe gahunda ikangurira abantu bose gutanga umusanzu wo kugaburira abana mu mashuri

Hatangijwe gahunda ikangurira abantu bose gutanga umusanzu wo kugaburira abana mu mashuri

Kuri uyu wa 3 Minisiteri y’uburezi ifatanyije na MoMo, hatangijwe ubukangurambaga bwiswe “Dusangire Lunch” bugamije gukangurira abantu gutera inkunga kubushake gahunda yo gufatira ifunguro ku ishuri. Minisiteri y’uburezi yasabye ababyeyi kutirara bumva ko umusanzu wabo uzatangwa n’abandi, ivuga ko ahubwo iyi gahunda izatuma abatari bashoboye kubona uyu musanzu kubera amikoro macye nabo badahezwa ku ifunguro rya saa sita rifatirwa ku ishuri.

kwamamaza

 

Ni gahunda yatangijwe kumugaragaro yiswe 'Ndi Ready Campaign', Minisiteri y’uburezi, Umwalimu SACCO, na Mobile Money bari gukangurira abanyarwanda bose muri rusange gutanga umusanzu wabo kugirango gahunda yo kugaburira abanyeshuri ku ishuri irusheho kugenda neza.

Gaspard Twagirayezu, Minisitiri w’uburezi asaba abantu kwitabira iyi gahunda anasobanura impamvu ari ngombwa.

Ati "ntabwo kurera umwana bikorwa na mwarimu gusa, ntabwo bikorwa n'umubyeyi gusa ahubwo ni inshingano z'abanyarwanda twese, turabasaba kwitabira iyi gahunda 'Dusangire Lunch' twese hamwe, ni dukomeza bizatuma amashuri yacu ashobora gukomeza kurera neza abana bacu, guhabwa ifunguro rya saa sita kumunyeshuri ni uburenganzira bwibanze bwa buri mwana bukaba kandi ari umusingi ukomeye mu kugira ubuzima bwiza buzira umuze kandi bikaba n'inkingi y'ingenzi mu kubaka uburezi twifuza". 

Nubwo iyi gahunda yatangijwe, ababyeyi barasabwa kutirara bumva ko umusanzu batangiraga abana babo ugiye gutangwa n’abandi ahubwo ngo iyi gahunda irareba buri wese kuko izanagabanya abana bata ishuri nkuko Irere Claudette, umunyamabanga wa leta muri Minisiteri y’uburezi abivuga.

Ati "ababyeyi ntibirare ngo bumve ko uruhare rwabo abandi bantu bagiye kujya kurutanga ahubwo hari umwana udashobora kubona uyamutangira cyangwa se impamvu runaka zindi, turagirango ubu noneho bihinduke ibya buri wese, mu mudugudu dutuyemo uvuge uti ariko ishuri rindi hafi ese abana ku ishuri bararya.....? iyo umwana yariye yiga neza, atsinda neza ndetse n'ibibazo byo guta ishuri biragabanuka".     

Mu gutangiza iyi gahunda ku mugaragaro ku ikubitiro Mobile Money Ltd yiyemeje kurihira ifunguro ryo saa sita abanyeshuri 10,000 buri mwaka.

Chantal Umutoni Kagame, umuyobozi wa Mobile Money Rwanda ati "uyu munsi kubera iki gikorwa kidufashe kumutima mobile money yemeye kurihira ifunguro ryo kwishuri abanyeshuri ibihumbi 10 buri mwaka".   

Iyi gahunda yo kugaburira abana ku mashuri yatangiye hagaburirwa abangana 639,620 biga mu mashuri yisumbuye gusa mu mwaka w’2021 leta yiyemeje kuyigeza no mu mashuri abanza Ubu abangana na 3,918,579 bahabwa ifunguro rya saa sita buri munsi mu gihugu hose.

Abitabiriye itangizwa ry’ubu bukangurambaga biyemeje gutanga arenga 60,360,000 mu mwaka wambere, naho muyindi myaka ikurikira bagatanga arenga 57,420,000, ndetse abanyarwanda bose baka bemerewe gutanga umusanzu wabo.

Inkuru ya Yassini Tuyishimire / Isango Star Kigali

 

kwamamaza

Hatangijwe gahunda ikangurira abantu bose gutanga umusanzu wo kugaburira abana mu mashuri

Hatangijwe gahunda ikangurira abantu bose gutanga umusanzu wo kugaburira abana mu mashuri

 Jun 13, 2024 - 08:52

Kuri uyu wa 3 Minisiteri y’uburezi ifatanyije na MoMo, hatangijwe ubukangurambaga bwiswe “Dusangire Lunch” bugamije gukangurira abantu gutera inkunga kubushake gahunda yo gufatira ifunguro ku ishuri. Minisiteri y’uburezi yasabye ababyeyi kutirara bumva ko umusanzu wabo uzatangwa n’abandi, ivuga ko ahubwo iyi gahunda izatuma abatari bashoboye kubona uyu musanzu kubera amikoro macye nabo badahezwa ku ifunguro rya saa sita rifatirwa ku ishuri.

kwamamaza

Ni gahunda yatangijwe kumugaragaro yiswe 'Ndi Ready Campaign', Minisiteri y’uburezi, Umwalimu SACCO, na Mobile Money bari gukangurira abanyarwanda bose muri rusange gutanga umusanzu wabo kugirango gahunda yo kugaburira abanyeshuri ku ishuri irusheho kugenda neza.

Gaspard Twagirayezu, Minisitiri w’uburezi asaba abantu kwitabira iyi gahunda anasobanura impamvu ari ngombwa.

Ati "ntabwo kurera umwana bikorwa na mwarimu gusa, ntabwo bikorwa n'umubyeyi gusa ahubwo ni inshingano z'abanyarwanda twese, turabasaba kwitabira iyi gahunda 'Dusangire Lunch' twese hamwe, ni dukomeza bizatuma amashuri yacu ashobora gukomeza kurera neza abana bacu, guhabwa ifunguro rya saa sita kumunyeshuri ni uburenganzira bwibanze bwa buri mwana bukaba kandi ari umusingi ukomeye mu kugira ubuzima bwiza buzira umuze kandi bikaba n'inkingi y'ingenzi mu kubaka uburezi twifuza". 

Nubwo iyi gahunda yatangijwe, ababyeyi barasabwa kutirara bumva ko umusanzu batangiraga abana babo ugiye gutangwa n’abandi ahubwo ngo iyi gahunda irareba buri wese kuko izanagabanya abana bata ishuri nkuko Irere Claudette, umunyamabanga wa leta muri Minisiteri y’uburezi abivuga.

Ati "ababyeyi ntibirare ngo bumve ko uruhare rwabo abandi bantu bagiye kujya kurutanga ahubwo hari umwana udashobora kubona uyamutangira cyangwa se impamvu runaka zindi, turagirango ubu noneho bihinduke ibya buri wese, mu mudugudu dutuyemo uvuge uti ariko ishuri rindi hafi ese abana ku ishuri bararya.....? iyo umwana yariye yiga neza, atsinda neza ndetse n'ibibazo byo guta ishuri biragabanuka".     

Mu gutangiza iyi gahunda ku mugaragaro ku ikubitiro Mobile Money Ltd yiyemeje kurihira ifunguro ryo saa sita abanyeshuri 10,000 buri mwaka.

Chantal Umutoni Kagame, umuyobozi wa Mobile Money Rwanda ati "uyu munsi kubera iki gikorwa kidufashe kumutima mobile money yemeye kurihira ifunguro ryo kwishuri abanyeshuri ibihumbi 10 buri mwaka".   

Iyi gahunda yo kugaburira abana ku mashuri yatangiye hagaburirwa abangana 639,620 biga mu mashuri yisumbuye gusa mu mwaka w’2021 leta yiyemeje kuyigeza no mu mashuri abanza Ubu abangana na 3,918,579 bahabwa ifunguro rya saa sita buri munsi mu gihugu hose.

Abitabiriye itangizwa ry’ubu bukangurambaga biyemeje gutanga arenga 60,360,000 mu mwaka wambere, naho muyindi myaka ikurikira bagatanga arenga 57,420,000, ndetse abanyarwanda bose baka bemerewe gutanga umusanzu wabo.

Inkuru ya Yassini Tuyishimire / Isango Star Kigali

kwamamaza