Gatsibo: Barasaba ko umuhanda Muhura-Ndatemwa ukorwa neza

Gatsibo: Barasaba ko umuhanda Muhura-Ndatemwa ukorwa neza

Abatuye Umurenge wa Muhura barasaba ko umuhanda Muhura-Ndatemwa wakorwa neza ugashyirwamo kaburimbo kuko ubangamira urujya n'uruza ndetse n'ubuhahirane hagati ya Gatsibo na Gicumbi. Ubuyobozi bw'akarere ka Gatsibo bwatangaje ko uyu muhanda uzakora ndetse inyigo yawo yarangiye hasigaye kubona ingengo y'imari ugatangira gukorwa.

kwamamaza

 

Abaturage bo mu murenge wa Muhura wo mu karere ka Gatsibo bavuga ko umuhanda Muhura-Ndatemwa ubahuza na kaburimbo nini Nyagatare-Kigali utameze neza ku buryo iyo bavana ibicuruzwa mu masantere ya Kiramuruzi, ibinyabiziga bihangirikira.

Bavuga ko uyu muhanda ubangamira ubuhahirane bwabo n’akarere ka Gicumbi bitewe n’uko wangiritse, aho usanga iyo imvura yaguye nta kinyabiziga kibasha kuhanyura.

Aba baturage basaba ko washyirwamo kaburimbo kugira ngo bijye byorohera urujya n’uruza ndetse n’ubuhahirane.

Umwe ati: “urabona uyu muhanda wangiza ibinyabiziga kandi hagiyemo kaburimbo ikinyabiziga kiraramba, no gukora urugendo ujya Ndatemwa-Muhura bigatwara ubushobozi bukeya. Ubwo ni ukuvuga ko n’ubuhahirane buhuza intara ebyiri n’uturere nka Gatsibo na Gicumbi, ubuhahirane, n’abakora ingendo bajya gushaka imari hirya no hino bikaborohera.”

Undi ati: “ umuhanda ntabwo ari mwiza, turashaka ko bawushyiramo nka kaburimbo kuko ubucuruzi bwakoroha. Urabona gufata ibyo ucuruza ukabivana nk’I Muhura ujya ndatemwa, ukomeza Rwagitima, ugakomeza Kiramuruzi ugasoreza Kigali byatworohera.”

Gasana Richard; Umuyobozi w’akarere ka Gatsibo, avuga ko ibyo abaturage basaba byo gukorerwa umuhanda Ndatemwa-Muhura n’ubundi bihuriranye n’uko inyigo yo kuwukora ugashyirwamo kaburimbo yarangiye,cyo kimwe n’undi muhanda wa Nyarukoni-Mugera-Bukomane.

Avuga ko igisigaye ari ingengo y’imari. Gusa abizeza ko yose izatangira gukorwa mu ngengo y’imari y’umwaka utaha wa 2024/2025.

Ati: “umuhanda wa Mukomane uca Rugera ugakomeza ahitwa Nyarukoni, hakaba n’undi uva mu Ndatemwa uza hano mu murenge wa Muhura ukaduhuza n’uriya wa kaburimbo wa Gasange ni umuhanda twe nk’Akarere tubona ari strategic mu bijyanye n’imihahirane. Twamaze gukora inyigo ya kaburimbo, ubu turi mu gihe cyo kwegeranya amafaranga. “

“turateganya yuko umwaka utaha 2024/2025 umwe muriyo uzatangira gukorwa kandi turashaka ko tuzahera kuwa Mukomane-Nyarukoni, twawusoza tukaza kur’uyu wa Ndatemwa-Muhura. Ikiba gisigaye ni ingengo y’imari iba idahagije ariko uko amafaranga agenda aboneka, ikiba kigoranye ni inyigo, iyo yabonetse tubishyira mu bikorwa.”

Umuhanda Ndatemwa-Muhura,uva Kiziguro ukanyura Remera ukagera Muhura, ureshya n’ibirometero 17. Naho umuhanda Nyarukoni-Mugera-Bukomane uca mu murenge wa Gitoki ukanyura Kageyo ukagera mu murenge wa Gatsibo, uyu ureshya n’ibirometero 21.

Biteganijwe ko iyo mihanda yose izashyirwamo kaburimbo. Ubwo nimara kujyamo kaburimbo, imirenge yose yo mu karere Gatsibo izaba ikora kuri kaburimbo harimo n’ imirenge ya Remera na Kageyo kugeza ubu idakoraho kuri kaburimbo.  

@ Djamali Habarurema/Isango Star-Gatsibo.

 

kwamamaza

Gatsibo: Barasaba ko umuhanda Muhura-Ndatemwa ukorwa neza

Gatsibo: Barasaba ko umuhanda Muhura-Ndatemwa ukorwa neza

 Dec 13, 2023 - 08:23

Abatuye Umurenge wa Muhura barasaba ko umuhanda Muhura-Ndatemwa wakorwa neza ugashyirwamo kaburimbo kuko ubangamira urujya n'uruza ndetse n'ubuhahirane hagati ya Gatsibo na Gicumbi. Ubuyobozi bw'akarere ka Gatsibo bwatangaje ko uyu muhanda uzakora ndetse inyigo yawo yarangiye hasigaye kubona ingengo y'imari ugatangira gukorwa.

kwamamaza

Abaturage bo mu murenge wa Muhura wo mu karere ka Gatsibo bavuga ko umuhanda Muhura-Ndatemwa ubahuza na kaburimbo nini Nyagatare-Kigali utameze neza ku buryo iyo bavana ibicuruzwa mu masantere ya Kiramuruzi, ibinyabiziga bihangirikira.

Bavuga ko uyu muhanda ubangamira ubuhahirane bwabo n’akarere ka Gicumbi bitewe n’uko wangiritse, aho usanga iyo imvura yaguye nta kinyabiziga kibasha kuhanyura.

Aba baturage basaba ko washyirwamo kaburimbo kugira ngo bijye byorohera urujya n’uruza ndetse n’ubuhahirane.

Umwe ati: “urabona uyu muhanda wangiza ibinyabiziga kandi hagiyemo kaburimbo ikinyabiziga kiraramba, no gukora urugendo ujya Ndatemwa-Muhura bigatwara ubushobozi bukeya. Ubwo ni ukuvuga ko n’ubuhahirane buhuza intara ebyiri n’uturere nka Gatsibo na Gicumbi, ubuhahirane, n’abakora ingendo bajya gushaka imari hirya no hino bikaborohera.”

Undi ati: “ umuhanda ntabwo ari mwiza, turashaka ko bawushyiramo nka kaburimbo kuko ubucuruzi bwakoroha. Urabona gufata ibyo ucuruza ukabivana nk’I Muhura ujya ndatemwa, ukomeza Rwagitima, ugakomeza Kiramuruzi ugasoreza Kigali byatworohera.”

Gasana Richard; Umuyobozi w’akarere ka Gatsibo, avuga ko ibyo abaturage basaba byo gukorerwa umuhanda Ndatemwa-Muhura n’ubundi bihuriranye n’uko inyigo yo kuwukora ugashyirwamo kaburimbo yarangiye,cyo kimwe n’undi muhanda wa Nyarukoni-Mugera-Bukomane.

Avuga ko igisigaye ari ingengo y’imari. Gusa abizeza ko yose izatangira gukorwa mu ngengo y’imari y’umwaka utaha wa 2024/2025.

Ati: “umuhanda wa Mukomane uca Rugera ugakomeza ahitwa Nyarukoni, hakaba n’undi uva mu Ndatemwa uza hano mu murenge wa Muhura ukaduhuza n’uriya wa kaburimbo wa Gasange ni umuhanda twe nk’Akarere tubona ari strategic mu bijyanye n’imihahirane. Twamaze gukora inyigo ya kaburimbo, ubu turi mu gihe cyo kwegeranya amafaranga. “

“turateganya yuko umwaka utaha 2024/2025 umwe muriyo uzatangira gukorwa kandi turashaka ko tuzahera kuwa Mukomane-Nyarukoni, twawusoza tukaza kur’uyu wa Ndatemwa-Muhura. Ikiba gisigaye ni ingengo y’imari iba idahagije ariko uko amafaranga agenda aboneka, ikiba kigoranye ni inyigo, iyo yabonetse tubishyira mu bikorwa.”

Umuhanda Ndatemwa-Muhura,uva Kiziguro ukanyura Remera ukagera Muhura, ureshya n’ibirometero 17. Naho umuhanda Nyarukoni-Mugera-Bukomane uca mu murenge wa Gitoki ukanyura Kageyo ukagera mu murenge wa Gatsibo, uyu ureshya n’ibirometero 21.

Biteganijwe ko iyo mihanda yose izashyirwamo kaburimbo. Ubwo nimara kujyamo kaburimbo, imirenge yose yo mu karere Gatsibo izaba ikora kuri kaburimbo harimo n’ imirenge ya Remera na Kageyo kugeza ubu idakoraho kuri kaburimbo.  

@ Djamali Habarurema/Isango Star-Gatsibo.

kwamamaza