Kiny
Eng
Fr
![Sènègal: Perezida Kagame mu bihumbi byitabiriye itahwa rya Stade [REBA AMAFOTO]](https://www.isangostar.rw/uploads/images/2022/04/image_380x226_624d490a202cf.jpg){kind=small}
Arsenal yihanangirije injangwe z'umukara (Sunderland), ikuraho agahigo ka Chelsea
SHUMBUSHO Darius
Feb 7, 2026 - 21:21
Arsenal yatanze isomo rya ruhago ku njangwe z'umukara (Sunderland) ikuraho agahigo kari gafitwe na Chelsea, ikomeza kuyobora urutonde rwa Premier league mu mukino w'umunsi wa 25.
kwamamaza
Ikipe ya Arsenal yakomeje kwerekana ko iri mu bihe byiza cyane muri Premier League, itsinda Sunderland itazirwa akazina k'injangwa z'umukara ibitego 3-0 mu mukino wabereye ku kibuga cyayo, ikomeza gushimangira kuguma ku mwanya wa mbere ku rutonde rw’agateganyo rwa shampiyona b'abongereza English premier league 2025/26.
Uyu mukino washimishije abakunzi b'ikipe ya Arsenal kuko iyi kipe n'imwe mu makipe yanganyije na Arsenal mu mikino ibanza ya premier league aho mu mukino ubanza wari warangiye ari initego 2-2, uyu mukino w'ihariwe n'abarashi bafunguye izamu ku gitego cya mbere cy’uyu mukino cyatsinzwe na Mikel Zubimendi ku munota wa 42" kw'ishoti rikomeye rikomeye umupira w'isanga mu rucundura bajya kuruhuka arsenal iyoboye umukino, nyuma y’igice cya mbere cyari cyiganjemo guhererekanya neza n’ubwugarizi bukomeye bwa Arsenal.
Mu gice cya kabiri, Viktor Gyökeres yaje kongera guhagurutsa abafana ba Arsenal ku gitego cya kabiri yatsinze ku munota wa 66’, mbere yo gusoza umukino atsinda icya gatatu mu minota y’inyongera (90+4’), umukino urangira abarashi batsinze injangwe z'umukara ibitego 3-0,
Uyu mukino wabaye uwihariye kuri Gyökeres kuko yujuje ibitego 13 amaze gutsinda muri Arsenal, akomeza kwerekana ko ari umwe mu bakinnyi b’ingenzi iyi kipe yishingikirijeho muri uyu mwaka w’imikino. Imikinire ye n’ubushake agaragaza byatumye abafana benshi bamushima cyane nyuma y’umukino, Byongeye kandi, iyi ntsinzi yahesheje Arsenal guca agahigo ko kumara imikino 44 idatsindwa n’ikipe yazamutse mu cyiciro cya mbere uwo mwaka, agahigo kari gasanzwe gafitwe na Chelsea ku mikino 43.
Kugeza ubu, Arsenal iyoboye urutonde rwa Premier League n’amanota 56, irusha Manchester City amanota 9, iza gukina na liverpool ku munsi wa 25 wa premier league ibintu bikomeza gutuma abafana bayo barota igikombe cya shampiyona. Mu gihe shampiyona igikomeje.
kwamamaza