Kiny
Eng
Fr
Lesotho yabangamiye Amavubi yongeye kuburira intsinzi imbere y'abafana bayo!
Uwajeneza Donatha
Mar 26, 2025 - 08:28
lkipe y'igihugu y'u Rwanda yongeye kubura intsinzi mu mikino yo gushaka itike y'igikombe cy'isi kizaba umwaka utaha w'2026, nyuma yo kunganya na LESOTHO igitego 1-1 mu mukino wa gatandatu wo mu itsinda C.
kwamamaza
Kuri uyu wa kabiri, ku ya 25 Werurwe (03) 2025, Ikipe y’igihugu y’u Rwanda 'Amavubi' yakiriye ikipe y'igihugu cya Lesotho mu mukino wa gatandatu mu itsinda C mu mikino yo gushaka itike y’igikombe cy’isi cya 2026, kizabera mu bihugu bitatu aribyo USA, Canada na Mexico.
Umutoza w'ikipe Amavubi, adel amourush, yabanje mu kibuga Ntwari Fiacre, Niyomugabo Claude, Mutsinzi Ange, Hakim Sahabo, Muhire Kevin, Gilbert Mugisha, Fitina Omborenga, Bonheur Mugisha, Thiery Manzi, Nshuti Innocent na Kwizera Jojea.
Nimu gihe umutoza w'ikipe y'igihugu cya Lesotho yabanje mu kibuga Sekhoane Moerane, Motlomelo MKHWAZANI, Rethabile RASETHUNTSA, Tsepo TOLOANE, Tshwarelo BERENG, Hlompho KALAKE, Neo MOKHACHANE, Lemohang LINTSA, Thabang MALANE, Lehlohonolo MATSUA na Thabo MAKHELE.
Uyu mukino watangiye amavubi asatira, kuko ku munota wa 5' Kwizera Jojea yafashe icyemezo cyo gucenga ubwugarizi b'ikipe y'igihugu cya Lesotho ariko Nshuti Innocent atera nabi umupira.
Umukino wakomeje amavubi ashakisha uburyo yabona igitego, cyane ko ku munota 20' Hakim Sahabo yateye ishoti rikomeye mu izamu rya Lesotho, ariko umuzamu w'ikipe y'igihugu cya Lesotho, Moerane aratab awukuramo. Ni umupira wari uturutse ku bwumvikane bwa Omborenga Fitina na Kwizera Jojea, bituma igice cya mbere kirangira amakipe yombi anganya ubusa ku busa.
Mu gice cya kabiri cy'umukino, Amavubi yagarukanye imbaraga zo gushaka igitego ariko bikomeza kwanga. Ku munota wa 54' Hakim nibwo sahab yateye Kufura ariko umupira ufatwa n'umuzamu w'ikipe y'igihugu cya Lesotho, nyuma y'iminota itatu.
Ku munota 57', Kwizera jojea yafunguye amazamu ku ruhande rw'u Rwanda, nyuma yo kwisanga asigaranye n'umuzamu wa Lesotho maze akamuroba umupira mwiza cyane'.
Umutoza w'Amavubi yakoze impinduka ku munota wa 76', aho Samuel Guerette na Raphael York basimbuye Nshuti Innocent na Hakim Sahabo. Nyuma y'izi mpinduka, Amavubi yatangiye kugaragaza gucika intege yizeye intsinzi.
Uko kwirara kwatumye ku munota wa 81', Neo Mochachane atsindira Lesotho, igitego cyo kwishyura. Amavubi yari yakiniraga iwabo, kuri stade Amahoro, yakomeje guhatana arikobiminota 90' y'umukino irangira amakipe yombi anganya igitego 1-1, bongeraho iminota ine (4) nayo yarangiye nta gihingutse.
Mu yindi mikino yakinwe mu itsinda C, Zimbabwe yanganyije na Nigeria 1-1 naho Africa y'epfo itsinda Benin ibitego 2-0.
Kugeza ubu, Africa y'Epfo niyo iyoboye urutonde rw'amakipe y'ibihugu ari mu itsinda C, aho ifite amanota 13, u Rwanda ni urwa kabiri n'amanota 8 Benin iza ku mwanya wa gatatu n'amanota 8 , Nigeria ni iya 4 n'amanota 7, Lesotho ni iya Gatanu n'amanota 6, naho Zimbabwe iheruka n' amanota 4.
@ Darius Shumbusho/Isango Star.
kwamamaza