Kiny
Eng
Fr
Ambasade y’u Rwanda muri Qatar iri gukorera online, mugihe abaturiye iya Amerika bari kwimurwa
Uwajeneza Donatha
Mar 5, 2026 - 08:49
Ambasade y’u Rwanda i Doha muri Qatar yatangaje ko serivisi zayo zirimo gutangirwa kuri murandasi "online" kubera uko umutekano wifashe muri iki gihugu kiri mu birimo kuraswaho na Iran mu kwihora kuri Amerika na Israel. Ni mu gihe ubuyobozi bwa Qatar buri kwimura abaturage baturiye Ambasade ya Amerika ndetse busaba abaturage kuguma mu ngo mu rwego rwo kwirinda ingaruka z’ibyo bitero.
kwamamaza
Ambasade y’u Rwanda ikorera i Doha muri Qatar yatangaje ko iri gukorera kuri online bitewe n’uko umutekano wifashe muri iki gihugu, kiri mu bihugu byibasirwa n’ibitero Iran iri kugaba mu Burasirazuba bwo Hagati mubrwego rwo kwihora ku bitero iri kugabwaho na Amerika na Israel.
Iran iri kugaba ibitero ku nyungu za Amerika n’ibikorwa remezo bifitanye isano na yo mu rwego rwo kwihorera ku bitero by’indege z’intambara na misile biri kugabwa kuri yo na Israel na Amerika.
Minisiteri y’Ubutegetsi bw’Igihugu ya Qatar yasabye abaturage bose kuguma mu ngo cyangwa mu nyubako barimo, bagasohoka mu gihe ari ngombwa gusa.
Iyi minisiteri yanatangaje ko inzego zibishinzwe zirimo kwimura by’agateganyo abantu batuye hafi ya Ambasade ya Amerika mu murwa mukuru Doha mu rwego rwo kwirinda ingaruka zishobora guterwa n’ibitero.
Ni mu gihe Ambasade y’u Rwanda i Doha iri mu ntera ya kilometero zigera ku 10 uvuye kuri Ambasade ya Amerika, ariko ntiharamenyekana niba abakozi bayo na bo barimo kwimurwa.
Abanyamahanga barimo abanyarwanda batuye mu Burasirazuba bwo Hagati bakomeje kugaragaza impungenge ku mutekano wabo, mu gihe ibitero bya Iran bikomeje ndetse ingendo zo mu kirere zikaba zarahagaze kubera ikirere gifunze.
Kompanyi y’indege ya Qatar Airways ifite imigabane muri Rwandair yatangaje ko ingendo zayo zahagaritswe by’agateganyo kuko ikirere cya Qatar cyafunzwe.
Icyakora Amerika yasabye abaturage bayo bashaka gufashwa gutaha kwiyandikisha kugira ngo bahabwe ubufasha.
Bamwe mu Banyarwanda baba mu bihugu byo mu Burasirazuba bwo Hagati basabye ubufasha burimo kuba bacyurwa mu Rwanda.
@BBC @ Reuters
kwamamaza