Amajyepfo: Abarwayi n’abarwaza bo mu bitaro bya CHUB barashima urukundo n’ingoboka bahabwa

Amajyepfo: Abarwayi n’abarwaza bo mu bitaro bya CHUB barashima urukundo n’ingoboka bahabwa

Abarwayi n'abarwaza bo mu bitaro bya Kaminuza i Butare baravuga ko urukundo berekwa n'ababagemurira ari ikinini kiyongera ku cyo muganga aba yatanze. Bavuga ko hari n'ababa bamaze igihe barwaye kandi amikoro yarashize. Ibi babitangaje ubwo bizihizaga umunsi mpuzamahanga w'abarwayi

kwamamaza

 

Abaza gushakira serivisi z'ubuvuzi kuri CHUB barimo abava ku bigo nderabuzima, n'ibitaro by'uturere 12 two mu Ntara y'Amajyepfo, iy'Uburengerazuba ndetse n'abandi boherezwa n'ibitaro by'izo Ntara zombi.

Abarwayi n'abarwaza bagera bagera kuri ibi bitaro, akenshi usanga amikoro yo kubona ifunguro n'ibikoresho by'isuku yarabaye make kubera ko baba baranyuze henshi bivuza. 

Icyakora, muri ibi bitaro hari Agaseke k'urukundo gashyirwamo ubushobozi n'abakozi b'ibitaro 635 bukagoboka abarwayi. Abarwaza bavuga ko urwo rukundo berekwa n'abaganga n'abandi babagemurira ari ikindi kinini cyiyongera ku cya muganga kuko bibongerera icyizere.

Umwe yagize ati: “ njyewe nize ubuzima rusange, ikinini ni umuti ariko ntabwo ari ibiryo, ariko ibiryo byo bishobora kuba umuti. Umwana ashobora kugira ikibazo cy’imirire mibi, akavurwa n’ibiryo. Ndagira ngo rero nsabe buri munyarwanda wese kwita ku bantu bari mu bitaro, kandi gufasha ntabwo ari ubushobozi bw’amafaranga, ni umutima ufasha.”

Undi mubyeyi yagize ati: “ guterura, kujyana mu kagare…gutyo! Iyo tubonye nk’abantu badusura baradufasha kuko baduha isabunen’ifu y’igikoma bitwongerera icyizere. Noneho umuntu akabasha kurwara avuga ati nzakira.”

“abarwayi n’abarwaza bose barishima, ubwo no gukira biba birikuziramo. Ni umuti wiyongera kuwo muganga atanga….”

Dr. NGARAMBE Christian; Umuyobozi Mukuru w'ibitaro bya Kaminuza bya Butare, avuga ko abakenera ubufasha biganjemo abaturuka kure, abadafite ubwishingizi bwo kwivuza, n'abana bavuka igihe kitageze bakenera amata. Avuga ko nk'abaganga bishakamo ibisubizo.

Ati: “ amata ahabwa abana bato aba ahenze, icyo gihe rero ‘Agaseke k’urukundo’ tugerageza kureba uko twayababonera. Hari n’abandi bakenera imiti y’umwihariko tudafite mu bitaro, nabo tureba uko tubafasha. “

Mu buryo bwo kugaburira abarwayi, avuga ko “Twagize n’abandi bafatanyabikorwa bitwa ‘Kuzamura ubuzima’. Tugerageza kubaha amasambu dufite kugira ngo barusheho kuyakoresha bayabyaza umusaruro nuko bagahingira imboga abarwayi.”

“Ibyo rero bituma tubasha kugaburira abarwayi barenze 110 ku munsi, ku buryo buhoraho kandi amafunguro abiri ku munsi ahabwa abarwayi baba badafite aho babona amafunguro. Buri kwezi usanga bafasha abarwayi bari hagati ya 40 na 60.”

Umuyobozi w'Akarere ka Huye, Ange Sebutege, avuga ko buri wese yagakwiye kuzirikana urwariye kwa muganga kuko urwaye iyo akize ateza imbere igihugu.

Ati: “ noneho aba ari ukugira ngo dukora n’ubukangurambaga ku bantu bose ari imiryango itegamiye kuri Leta dukorana, amatorero n’amadini, abafite ibikorwa byabo bakora buri munsi, nkuko mwumvishe ko abakozi ba kaminuza bagira umusanzu batanga ku mushahara wabo wa buri kwezi, icyo kigega kigashigikira abantu bafite ibibazo.”

“Ibyo ni ibikorwa by’urukundo duhamagarira buri muntu wese…. Iyo umurwayi yakize agasubira mu buzima busanzwe atanga umusanzu we mu iterambere ry’urugo rwe ariko n’iry’akarere n’igihugu.”

Umunsi mpuzamahanga w'abarwayi watangiye kwizihizwa muri 1992 bigizwemo bigizwemo uruhare na Papa Jean-Paul II. Mu kuwizihiza, abarwariye muri CHUB bagenewe ubufasha bw'ibiribwa n'iby'isuku.

Ishami ry'umuryango w'abibumbye ryita ku buzima, OMS, risaba buri wese gufasha umurwayi kuko mu isi hose habarurwa abagera  kuri 95,7 %, aho 2/3 byabo baba nta bushobozi bwo kubona ifunguro cyangwa imiti.

@ Rukundo Emmanuel/Isango Star-Huye.

 

kwamamaza

Amajyepfo: Abarwayi n’abarwaza bo mu bitaro bya CHUB barashima urukundo n’ingoboka bahabwa

Amajyepfo: Abarwayi n’abarwaza bo mu bitaro bya CHUB barashima urukundo n’ingoboka bahabwa

 Feb 20, 2024 - 12:57

Abarwayi n'abarwaza bo mu bitaro bya Kaminuza i Butare baravuga ko urukundo berekwa n'ababagemurira ari ikinini kiyongera ku cyo muganga aba yatanze. Bavuga ko hari n'ababa bamaze igihe barwaye kandi amikoro yarashize. Ibi babitangaje ubwo bizihizaga umunsi mpuzamahanga w'abarwayi

kwamamaza

Abaza gushakira serivisi z'ubuvuzi kuri CHUB barimo abava ku bigo nderabuzima, n'ibitaro by'uturere 12 two mu Ntara y'Amajyepfo, iy'Uburengerazuba ndetse n'abandi boherezwa n'ibitaro by'izo Ntara zombi.

Abarwayi n'abarwaza bagera bagera kuri ibi bitaro, akenshi usanga amikoro yo kubona ifunguro n'ibikoresho by'isuku yarabaye make kubera ko baba baranyuze henshi bivuza. 

Icyakora, muri ibi bitaro hari Agaseke k'urukundo gashyirwamo ubushobozi n'abakozi b'ibitaro 635 bukagoboka abarwayi. Abarwaza bavuga ko urwo rukundo berekwa n'abaganga n'abandi babagemurira ari ikindi kinini cyiyongera ku cya muganga kuko bibongerera icyizere.

Umwe yagize ati: “ njyewe nize ubuzima rusange, ikinini ni umuti ariko ntabwo ari ibiryo, ariko ibiryo byo bishobora kuba umuti. Umwana ashobora kugira ikibazo cy’imirire mibi, akavurwa n’ibiryo. Ndagira ngo rero nsabe buri munyarwanda wese kwita ku bantu bari mu bitaro, kandi gufasha ntabwo ari ubushobozi bw’amafaranga, ni umutima ufasha.”

Undi mubyeyi yagize ati: “ guterura, kujyana mu kagare…gutyo! Iyo tubonye nk’abantu badusura baradufasha kuko baduha isabunen’ifu y’igikoma bitwongerera icyizere. Noneho umuntu akabasha kurwara avuga ati nzakira.”

“abarwayi n’abarwaza bose barishima, ubwo no gukira biba birikuziramo. Ni umuti wiyongera kuwo muganga atanga….”

Dr. NGARAMBE Christian; Umuyobozi Mukuru w'ibitaro bya Kaminuza bya Butare, avuga ko abakenera ubufasha biganjemo abaturuka kure, abadafite ubwishingizi bwo kwivuza, n'abana bavuka igihe kitageze bakenera amata. Avuga ko nk'abaganga bishakamo ibisubizo.

Ati: “ amata ahabwa abana bato aba ahenze, icyo gihe rero ‘Agaseke k’urukundo’ tugerageza kureba uko twayababonera. Hari n’abandi bakenera imiti y’umwihariko tudafite mu bitaro, nabo tureba uko tubafasha. “

Mu buryo bwo kugaburira abarwayi, avuga ko “Twagize n’abandi bafatanyabikorwa bitwa ‘Kuzamura ubuzima’. Tugerageza kubaha amasambu dufite kugira ngo barusheho kuyakoresha bayabyaza umusaruro nuko bagahingira imboga abarwayi.”

“Ibyo rero bituma tubasha kugaburira abarwayi barenze 110 ku munsi, ku buryo buhoraho kandi amafunguro abiri ku munsi ahabwa abarwayi baba badafite aho babona amafunguro. Buri kwezi usanga bafasha abarwayi bari hagati ya 40 na 60.”

Umuyobozi w'Akarere ka Huye, Ange Sebutege, avuga ko buri wese yagakwiye kuzirikana urwariye kwa muganga kuko urwaye iyo akize ateza imbere igihugu.

Ati: “ noneho aba ari ukugira ngo dukora n’ubukangurambaga ku bantu bose ari imiryango itegamiye kuri Leta dukorana, amatorero n’amadini, abafite ibikorwa byabo bakora buri munsi, nkuko mwumvishe ko abakozi ba kaminuza bagira umusanzu batanga ku mushahara wabo wa buri kwezi, icyo kigega kigashigikira abantu bafite ibibazo.”

“Ibyo ni ibikorwa by’urukundo duhamagarira buri muntu wese…. Iyo umurwayi yakize agasubira mu buzima busanzwe atanga umusanzu we mu iterambere ry’urugo rwe ariko n’iry’akarere n’igihugu.”

Umunsi mpuzamahanga w'abarwayi watangiye kwizihizwa muri 1992 bigizwemo bigizwemo uruhare na Papa Jean-Paul II. Mu kuwizihiza, abarwariye muri CHUB bagenewe ubufasha bw'ibiribwa n'iby'isuku.

Ishami ry'umuryango w'abibumbye ryita ku buzima, OMS, risaba buri wese gufasha umurwayi kuko mu isi hose habarurwa abagera  kuri 95,7 %, aho 2/3 byabo baba nta bushobozi bwo kubona ifunguro cyangwa imiti.

@ Rukundo Emmanuel/Isango Star-Huye.

kwamamaza