Kiny
Eng
Fr
Amafoto y'indobanure utabonye yaranze umunsi wo gusoza Shampiyona y’Isi y’Amagare
Gisubizo Philemon
Sep 29, 2025 - 09:28
Shampiyona y’Isi y’Amagare yari imaze iminsi 8 ibera mu mujyi wa Kigali yashyizweho akadomo kuri iki cyumweru tariko 21 Nzeri 2025.
kwamamaza
Icyiciro cy’abagabo basiganwa mu muhanda ni cyo cyasoje amasiganwa 13 yakinwe muri iri rushanwa ryabereye bwa mbere muri Afurika.
Mu bakinnyi 164 batangiye iryo kuri iki Cyumweru, 30 barimo Umunyafurika umwe [Ghebreigzabhier Amanuel wo muri Eritrea] ni bo barisoje.
Umunya-Slovenia Tadej Pogačar w'imyaka 27 yegukanye Shampiyona y’Isi y'Amagare mu gusiganwa mu muhanda ku nshuro ya kabiri yikurikiranya. Ni amateka yandikiye i Kigali aho yatwariye iya 2025 akoresheje 6h21'20" ku ntera y'ibilometero 267,5.
Tadej Pogačar wasoreje ku mwanya wa mbere, yagenderaga ku muvuduko wa 42.089 km/h ku ntera y'ibilometero 267,5 yasoje mu masaha atandatu, iminota 21 n’amasegonda 20. Yasize Umubiligi Evenepoel Remco wa kabiri ho umunota 1,28 mu gihe Umunya-Ireland Heal Ben, yasizwe iminota 2,16.
Perezida Kagame ni we wambitse Tadej Pogačar umudari wa zahabu, anamushyikiriza impano iri mu ishusho y’ingagi, yagiye ihabwa abakinnyi bose babaye aba mbere mu masiganwa 13 yakinwe muri Shampiyona y’Isi y’Amagare.
Amafoto
Perezida Kagame ari kumwe na Ganza 
Madam Jeannette Kagame ari kumwe na Ganza 
Perezida Kagame ari kumwe n'Igikomangoma Albert II wa Monaco ndetse na David Lappartient Perezida wa UCI
Perezida Kagame ni we wambitse Tadej Pogačar umudari wa zahabu
Umunya-Slovenia Tadej Pogačar w'imyaka 27 yegukanye Shampiyona y’Isi haririmbwa indirimbo yubahiriza igihugu cya Slovenia 
Abaturarwanda batandukanye bari bitabiriye isozwa rya shampiyona y'isi y'amagare
Ubwo abasiganwaga ku magare bari bageze Kwa Mutwe mu Karere ka Nyarugenge 
Abafana mu Mujyi kuri roundabout, Nyabugogo, Kwa Mutwe, Karama ka Norvege, bari biteguye gufana amagare.
kwamamaza