Abazunguzayi bari guhabwa amasoko mashya yo gukoreramo

Abazunguzayi bari guhabwa amasoko mashya yo gukoreramo

Ikigo gishinzwe guteza imbere ibikorwa by’Iterambere mu nzego z’ibanze (LODA) gifatanyije n’umujyi wa Kigali bafunguye ku mugaragaro isoko ryubakiwe abahoze bacururiza mu muhanda bazwi nk’abazunguzayi muri gahunda yo kubafasha kubona aho gukorera hababereye no guhuzwa n’amahirwe arimo guhabwa inguzanyo n’amahugurwa yo kubongerera ubushobozi. Umujyi wa Kigali ukaba wasabye abahawe imyanya muri aya masoko kuyibyaza umusaruro kuko ari amahirwe yo kwiteza imbere kandi akenewe na benshi.

kwamamaza

 

Muri gahunda yo gufasha abaturarwanda kwivana mu bukene bakiteza imbere, ikigo cy'igihugu gishinzwe guteza imbere ibikorwa by’iterambere mu nzego z’ibanze LODA kubufatanye n’umujyi wa Kigali bari muri gahunda yo gufasha abakoraga ubucuruzi bwo mu muhanda bitwa abazunguzayi kubona aho gukorera heza ndetse hatekanye, bakaba bari kubakirwa amasoko mu bice bitandukanye by’umujyi wa Kigali.

Visi Meya w’umujyi wa Kigali ushinzwe ubukungu n’imibereho myiza y’abaturage Urujeni Martine yasabye abahawe imyanya muri aya masoko gukomeza kwihuriza hamwe kugirango babashe guhabwa inguzanyo ndetse n’amahugurwa.

Ati "mwicare hamwe mutuze mujye mu makoperative, mumashyirahamwe, dukore amatsinda, duhugurwe mu buryo bwo kwiteza imbere no gukora imishinga mitoya, ibyo bizakorwa muri hamwe ntabwo bizakorwa umuntu yirukanse, uzata ikibanza akagenda tuzamusimbuza ugikeneye".     

Umuyobozi mukuru wa LODA Nyinawagaga Claudine, yavuze ko aya masoko y’ubakiwe abari basanzwe bakora aka kazi k’ubuzunguzayi bityo ko abari basanzwe bakora indi mirimo bumvise ko ari gutangwa bakaza kwigira abazunguzayi batazahabwa ibibanza muri aya masoko.

Ati "aya masoko agenewe abari basanzwe bakora, abayobozi baradufasha kugirango tumenye abari basanzwe bakora abe aribo duheraho, undi munyarwanda nawe ushaka gukora ahari ubundi buryo buhari bwo kumwunganira".     

Abahawe imyanya n’ibibanza muri aya masoko barishimira ko bakuwe mu kajagari cyane ko ntakiza cyo gukorera mu muhanda bakanashimira leta yabatekerejeho.

Umwe ati "washoboraga guhura n'ushinzwe umutekano bakaba bakwambura ibintu uri gucuruza igishoro cyawe kikagenda kandi ntahandi wakura ikindi".  

Undi ati "mbere twararanguraga warangura utuntu duke bakaba baratukwambuye ugapakirwa mu modoka ukajya gufungwa".  

Mu mirenge itandukanye igize umujyi wa Kigali hamaze gushyirwaho amasoko asaga 28 yagenewe abazunguzayi ariko hakaba n’abandi bagenda bakodesherezwa ibibanza mu masoko yandi asanzwe.

Abahawe imyanya muri aya masoko bishyurirwa ubukode, umutekano ndetse n’umusanzu wisuku mu gihe cy’umwaka ndetse bakagurizwa igishoro kingana n’ibihumbi 100 nta ngwate batanze.

Inkuru ya Yassin Tuyishimire / Isango Star Kigali

 

kwamamaza

Abazunguzayi bari guhabwa amasoko mashya yo gukoreramo

Abazunguzayi bari guhabwa amasoko mashya yo gukoreramo

 Jan 10, 2024 - 09:24

Ikigo gishinzwe guteza imbere ibikorwa by’Iterambere mu nzego z’ibanze (LODA) gifatanyije n’umujyi wa Kigali bafunguye ku mugaragaro isoko ryubakiwe abahoze bacururiza mu muhanda bazwi nk’abazunguzayi muri gahunda yo kubafasha kubona aho gukorera hababereye no guhuzwa n’amahirwe arimo guhabwa inguzanyo n’amahugurwa yo kubongerera ubushobozi. Umujyi wa Kigali ukaba wasabye abahawe imyanya muri aya masoko kuyibyaza umusaruro kuko ari amahirwe yo kwiteza imbere kandi akenewe na benshi.

kwamamaza

Muri gahunda yo gufasha abaturarwanda kwivana mu bukene bakiteza imbere, ikigo cy'igihugu gishinzwe guteza imbere ibikorwa by’iterambere mu nzego z’ibanze LODA kubufatanye n’umujyi wa Kigali bari muri gahunda yo gufasha abakoraga ubucuruzi bwo mu muhanda bitwa abazunguzayi kubona aho gukorera heza ndetse hatekanye, bakaba bari kubakirwa amasoko mu bice bitandukanye by’umujyi wa Kigali.

Visi Meya w’umujyi wa Kigali ushinzwe ubukungu n’imibereho myiza y’abaturage Urujeni Martine yasabye abahawe imyanya muri aya masoko gukomeza kwihuriza hamwe kugirango babashe guhabwa inguzanyo ndetse n’amahugurwa.

Ati "mwicare hamwe mutuze mujye mu makoperative, mumashyirahamwe, dukore amatsinda, duhugurwe mu buryo bwo kwiteza imbere no gukora imishinga mitoya, ibyo bizakorwa muri hamwe ntabwo bizakorwa umuntu yirukanse, uzata ikibanza akagenda tuzamusimbuza ugikeneye".     

Umuyobozi mukuru wa LODA Nyinawagaga Claudine, yavuze ko aya masoko y’ubakiwe abari basanzwe bakora aka kazi k’ubuzunguzayi bityo ko abari basanzwe bakora indi mirimo bumvise ko ari gutangwa bakaza kwigira abazunguzayi batazahabwa ibibanza muri aya masoko.

Ati "aya masoko agenewe abari basanzwe bakora, abayobozi baradufasha kugirango tumenye abari basanzwe bakora abe aribo duheraho, undi munyarwanda nawe ushaka gukora ahari ubundi buryo buhari bwo kumwunganira".     

Abahawe imyanya n’ibibanza muri aya masoko barishimira ko bakuwe mu kajagari cyane ko ntakiza cyo gukorera mu muhanda bakanashimira leta yabatekerejeho.

Umwe ati "washoboraga guhura n'ushinzwe umutekano bakaba bakwambura ibintu uri gucuruza igishoro cyawe kikagenda kandi ntahandi wakura ikindi".  

Undi ati "mbere twararanguraga warangura utuntu duke bakaba baratukwambuye ugapakirwa mu modoka ukajya gufungwa".  

Mu mirenge itandukanye igize umujyi wa Kigali hamaze gushyirwaho amasoko asaga 28 yagenewe abazunguzayi ariko hakaba n’abandi bagenda bakodesherezwa ibibanza mu masoko yandi asanzwe.

Abahawe imyanya muri aya masoko bishyurirwa ubukode, umutekano ndetse n’umusanzu wisuku mu gihe cy’umwaka ndetse bakagurizwa igishoro kingana n’ibihumbi 100 nta ngwate batanze.

Inkuru ya Yassin Tuyishimire / Isango Star Kigali

kwamamaza