Abaturage basabwe kwibohora ubukene n'imibereho mibi

Abaturage basabwe kwibohora ubukene n'imibereho mibi

Jean Claude MUSABYIMANA, Minisitiri y'ubutegetsi bw'igihugu, yatangaje ko kwigenga by'abanyafurika bigomba kujyana no kwigenga kw'abaturarwanda binyuze muri gahunda ya leta ya GIRA WIGIRE. Yasabye abaturage kubyaza umusaruro iyi gahunda kuko ibafasha kwibohora ubukene n’imibereho mibi.

kwamamaza

 

Ibi yabigarutseho ubwo minisiteri y'ubutegetsi bw'igihugu ku bufayanye n'umuryango uharanira kwihuza no kwigenga by'abanyafurika (Pan African Movement) bifatanyagta n'abaturage bo mu murenge wa GAHANGA mu karere ka kicukiro mu muganda Rusange usoza ukwezi, mu rwego rwo kwizihiza imyaka 61 yo kwibohora k’umugabane w'Africa.  

Umunsi wo gukora umuganda ngarukakwezi wahujwe no kwizihiza umunsi wo kwibohora k’umugabane w’Afurika, ubera mu murenge wa Gahanga mu karere ka Kicukiro.

Minisitiri MUSABYIMANA Jean Claude yavuze ko Umuganda ari ugukora ibikorwa ubundi byagatwaye amafaranga bityo kuwikorera nk’abaturage bituma barushaho kwiteza imbere.

Ati: “ turabizi ko abaturage aribo bihitiramo ibikorwa bakora, cyane cyane ni ibikorwa byasabaga amafaranga kugira ngo bikorwe, cyangwa se bisaba ko abantu babikorera hamwe ngo bishoboke nuko bagahitamo kubikorera mu muganda babigiremo uruhare, bo ubwabo, noneho bigabanye ikiguzi.”

“Ariko nanone ni umwanya wo gusabana… mwabonye Panafrican Movement ndetse n’abahagarariye ibihugu by’Africa benshi bari I Kigali twifatanyije mu muganda. Habahagamijwe  gusangira ibi byiza, ubunararibonye dufite ndetse tunasangire n’ibisubizo dufite nk’abanyafurika mu gushaka ibisubizo n’imibereho myiza by’abaturage bacu.”

Abihuza no kwibohora k’umugabane w’Afurika, minisitiri w’ubutegetsi bw’igihugu anavuga ko kwibohora bitajya birangira ndetse ari yo mpamvu hari gahunda nka GIRA WIGIRE yashyizweho na leta y’u Rwanda kugira ngo ifashe abanyarwanda kwibohora ubukene n’imibereho mibi.

Ati: “ kubohorwa cyangwa se kwibohora ntibijya birangira. Kugeza uyu munsi, mu Rwanda tuzi ko twibohoye ibitekerezo bibi byadusubizaga inyuma, twibohora amacakubiri…bidufasha gukomeza kwibohora no mu bindi. Mubyo turi guharanira kwibohora nk’abanyarwanda; harimo ubukene, imibereho mibi.”

“Gira wigire: twavuga ko ari ukwibohora ku muturage noneho twifuza ko umuturage wese wo mu Rwanda yibohora kumva ko ubukene, imibereho mibi ari karande! Ntabwo abanyarwanda baremewe gukena, kubaho nabi kandi iyo umuntu abishatse afata icyemezo akabyibohora, akabivamo.”

“Urugendo rwo kwibohora igihugu cyacu cyiyemeje guharanira ko abanyarwanda babaho neza, bakabona serivise nziza, bakabaho nta kibabuza gutera imbere.”

Abaturage bo mu murenge wa Gahanga bavuga ko banejejwe no kuba abayobozi bo mu nzego nkuru z’igihugu babegereye bakifatanya nabo mu muganda rusange.

Umwe ati: “ kuba twahuye n’abayobozi bakuru b’igihugu tugakorana umuganda byadushimishije.”

Undi ati: “twebwe tumaze kwikorera igikorwa…kuko urabona hano hari igihuru kudukikije. Urabona tubivanyeho, twirinze malaria ndetse dukoze n’isuku ku buryo umuntu anyura hano mu muhanda akabona harasobanutse cyane.”

Buri taliki ya 25 Gicurasi (05), u Rwanda rwifatanya n’isi yose mu kwizihiza umunsi wo kwibohora kw’Afurika. Kuri iyi nshuro, ufite insanganyamatsiko igira iti “uburezi n’ubumenyi muri Africa mu kinyejana cya 21”

@ Yassini/Isango Star-Kigali.

 

kwamamaza

Abaturage basabwe kwibohora ubukene n'imibereho mibi

Abaturage basabwe kwibohora ubukene n'imibereho mibi

 May 27, 2024 - 13:04

Jean Claude MUSABYIMANA, Minisitiri y'ubutegetsi bw'igihugu, yatangaje ko kwigenga by'abanyafurika bigomba kujyana no kwigenga kw'abaturarwanda binyuze muri gahunda ya leta ya GIRA WIGIRE. Yasabye abaturage kubyaza umusaruro iyi gahunda kuko ibafasha kwibohora ubukene n’imibereho mibi.

kwamamaza

Ibi yabigarutseho ubwo minisiteri y'ubutegetsi bw'igihugu ku bufayanye n'umuryango uharanira kwihuza no kwigenga by'abanyafurika (Pan African Movement) bifatanyagta n'abaturage bo mu murenge wa GAHANGA mu karere ka kicukiro mu muganda Rusange usoza ukwezi, mu rwego rwo kwizihiza imyaka 61 yo kwibohora k’umugabane w'Africa.  

Umunsi wo gukora umuganda ngarukakwezi wahujwe no kwizihiza umunsi wo kwibohora k’umugabane w’Afurika, ubera mu murenge wa Gahanga mu karere ka Kicukiro.

Minisitiri MUSABYIMANA Jean Claude yavuze ko Umuganda ari ugukora ibikorwa ubundi byagatwaye amafaranga bityo kuwikorera nk’abaturage bituma barushaho kwiteza imbere.

Ati: “ turabizi ko abaturage aribo bihitiramo ibikorwa bakora, cyane cyane ni ibikorwa byasabaga amafaranga kugira ngo bikorwe, cyangwa se bisaba ko abantu babikorera hamwe ngo bishoboke nuko bagahitamo kubikorera mu muganda babigiremo uruhare, bo ubwabo, noneho bigabanye ikiguzi.”

“Ariko nanone ni umwanya wo gusabana… mwabonye Panafrican Movement ndetse n’abahagarariye ibihugu by’Africa benshi bari I Kigali twifatanyije mu muganda. Habahagamijwe  gusangira ibi byiza, ubunararibonye dufite ndetse tunasangire n’ibisubizo dufite nk’abanyafurika mu gushaka ibisubizo n’imibereho myiza by’abaturage bacu.”

Abihuza no kwibohora k’umugabane w’Afurika, minisitiri w’ubutegetsi bw’igihugu anavuga ko kwibohora bitajya birangira ndetse ari yo mpamvu hari gahunda nka GIRA WIGIRE yashyizweho na leta y’u Rwanda kugira ngo ifashe abanyarwanda kwibohora ubukene n’imibereho mibi.

Ati: “ kubohorwa cyangwa se kwibohora ntibijya birangira. Kugeza uyu munsi, mu Rwanda tuzi ko twibohoye ibitekerezo bibi byadusubizaga inyuma, twibohora amacakubiri…bidufasha gukomeza kwibohora no mu bindi. Mubyo turi guharanira kwibohora nk’abanyarwanda; harimo ubukene, imibereho mibi.”

“Gira wigire: twavuga ko ari ukwibohora ku muturage noneho twifuza ko umuturage wese wo mu Rwanda yibohora kumva ko ubukene, imibereho mibi ari karande! Ntabwo abanyarwanda baremewe gukena, kubaho nabi kandi iyo umuntu abishatse afata icyemezo akabyibohora, akabivamo.”

“Urugendo rwo kwibohora igihugu cyacu cyiyemeje guharanira ko abanyarwanda babaho neza, bakabona serivise nziza, bakabaho nta kibabuza gutera imbere.”

Abaturage bo mu murenge wa Gahanga bavuga ko banejejwe no kuba abayobozi bo mu nzego nkuru z’igihugu babegereye bakifatanya nabo mu muganda rusange.

Umwe ati: “ kuba twahuye n’abayobozi bakuru b’igihugu tugakorana umuganda byadushimishije.”

Undi ati: “twebwe tumaze kwikorera igikorwa…kuko urabona hano hari igihuru kudukikije. Urabona tubivanyeho, twirinze malaria ndetse dukoze n’isuku ku buryo umuntu anyura hano mu muhanda akabona harasobanutse cyane.”

Buri taliki ya 25 Gicurasi (05), u Rwanda rwifatanya n’isi yose mu kwizihiza umunsi wo kwibohora kw’Afurika. Kuri iyi nshuro, ufite insanganyamatsiko igira iti “uburezi n’ubumenyi muri Africa mu kinyejana cya 21”

@ Yassini/Isango Star-Kigali.

kwamamaza