RUHANGO: barishimira ubwisanzure buhabwa amashyaka ya politike mu gutanga ibitekerezo byubaka igihugu

RUHANGO: barishimira ubwisanzure buhabwa amashyaka ya politike mu gutanga ibitekerezo byubaka igihugu

Abayoboke b'ishyaka PDI barishimira ko imitwe ya politiki ikorera mu Rwanda ifatwa kimwe, abayirimo bakagira n'ubwisanzure bwo gutanga ibitekerezo byubaka u Rwanda. Ibi byagarutsweho ubwo iri shyaka, ryamazaga Paul Kagame wa FPR Inkotanyi, n'abakandida depite ba PDI.

kwamamaza

 

Ubwo Ishyaka ntangarugero muri Demokarasi, PDI, ryamamazaga abakandida-depite baryo ndetse na Paul Kagame watanzwe n'umuryango RPF Inkotanyi nk'umukandida Perezida, Sheikh Mussa Fazil Harerimana; Perezida w'iri shyaka yavuze ko uko bakiriwe n'ubuyobozi bw'akarere ka Ruhango bigaragaza ubudasa bw'u Rwanda.

Yagize ati:" ubu ni ubudasa bw'u Rwanda, aho imitwe ya Politike yose ifatwa kimwe muri gahunda zubaka igihugu kuko politike ni kimwe muri gahunda zubaka igihugu. Ubwo rero kuba dufite ubwisanzure mu gihugu cyacu mu gutanga ibitekerezo, ukagira ahantu ahabwa kugira ngo abivuge, ubu ni ubudasa bw'u Rwanda, turabibashimira nk'ishyaka rya PDI."

Abayoboke ba PDI bari baturutse mu Turere 8 tugize intara y'Amagepfo, bagaragaje ko batewe ishema no kuzatora Kagame Paul ku mwanya w'umukuru w'igihugu, bashingiye kubyo yagejeje ku banyarwanda.

Banashima kuba ntawe ubahutaza mu gutanga ibitekerezo byabo.

Umwe yagize ati:"ibyo dushingiraho dushigikirs umukandida-perezida watanzwe na RPF Inkotanyi ni ibyo yagezeho mu kubohora iki gihugu, iki gihugu gifite imiyoborere myiza, iterambewre riragaragara muri rusange."

Undi ati:" Paul Kagame yaduhaye kwihangira imirimo, kwiga amashuli, ubu urubyiruko ntabwo rukiri mayibobo nka kera kuko abana bavukaga bakiheba."

Anavuga ko " kera wajyaga mu rindi shyaka bakumva ko ugiye kugambanira igihugu. (...)Ubu ntawe unkumira, ndagenda ntewe ishema na PDI."

Perezida w'ishyaka PDI, Sheikh Mussa Fazil Harerimana yasabye abayoboke ba PDI, kuzazinduka kuwa 15 z'uku kwezi kwa 7 bagatora Paul Kagame ku mwanya w'umukuru w'igihugu, bakajya mu bundi bwihugiko bagatora abakandida depite 55 batanzwe na PDI ifite ikirango cy'umunzani w'umweru, kugirango bazafatanye nawe kugenzura no gushyiria mu bikorwa ibikubiye muri gahunda y'imyaka 5 igamije iterambere n'imibereho myiza y'abaturage kandi ngo afite ikizere cy'uko PDI izabona imyanya mu nteko ishingamategeko, umutwe w'abadepite.

Ati:" icya mbere ni icyizere! Iyo ushinze amahemba nk'aha abaturage bakayizuramo, ukabona ukuntu batwakirana ubwuzu, ukuntu bifuza ko tuganira bugacya, icyo ni icyerekana ko badufitiye icyizere ku buryo natwe tuvuga ngo ariko bariya baturage bazindutse baje kutwakira, dukwiriye gukora gute kugira ngo ibyo Nyakubahwa Perezida wa Repubulika abizeza mu igenamigambi bibagereho uko bikwiye."

Ishyaka Ntangarugero muri Demokarasi, PDI, nyuma yo gukora ibikorwa byo kwamamaza mu Turere twa Rwamagana, Rubavu, Kicukiro na Ruhango, biteganyijwe ko bizakomereza mu karere ka Musanze kuwa 11 z'uku kwezi kwa 7.

@RUKUNDO Emmanuel/ Isango Star- Ruhango.

 

kwamamaza

RUHANGO: barishimira ubwisanzure buhabwa amashyaka ya politike mu gutanga ibitekerezo byubaka igihugu

RUHANGO: barishimira ubwisanzure buhabwa amashyaka ya politike mu gutanga ibitekerezo byubaka igihugu

 Jul 8, 2024 - 12:41

Abayoboke b'ishyaka PDI barishimira ko imitwe ya politiki ikorera mu Rwanda ifatwa kimwe, abayirimo bakagira n'ubwisanzure bwo gutanga ibitekerezo byubaka u Rwanda. Ibi byagarutsweho ubwo iri shyaka, ryamazaga Paul Kagame wa FPR Inkotanyi, n'abakandida depite ba PDI.

kwamamaza

Ubwo Ishyaka ntangarugero muri Demokarasi, PDI, ryamamazaga abakandida-depite baryo ndetse na Paul Kagame watanzwe n'umuryango RPF Inkotanyi nk'umukandida Perezida, Sheikh Mussa Fazil Harerimana; Perezida w'iri shyaka yavuze ko uko bakiriwe n'ubuyobozi bw'akarere ka Ruhango bigaragaza ubudasa bw'u Rwanda.

Yagize ati:" ubu ni ubudasa bw'u Rwanda, aho imitwe ya Politike yose ifatwa kimwe muri gahunda zubaka igihugu kuko politike ni kimwe muri gahunda zubaka igihugu. Ubwo rero kuba dufite ubwisanzure mu gihugu cyacu mu gutanga ibitekerezo, ukagira ahantu ahabwa kugira ngo abivuge, ubu ni ubudasa bw'u Rwanda, turabibashimira nk'ishyaka rya PDI."

Abayoboke ba PDI bari baturutse mu Turere 8 tugize intara y'Amagepfo, bagaragaje ko batewe ishema no kuzatora Kagame Paul ku mwanya w'umukuru w'igihugu, bashingiye kubyo yagejeje ku banyarwanda.

Banashima kuba ntawe ubahutaza mu gutanga ibitekerezo byabo.

Umwe yagize ati:"ibyo dushingiraho dushigikirs umukandida-perezida watanzwe na RPF Inkotanyi ni ibyo yagezeho mu kubohora iki gihugu, iki gihugu gifite imiyoborere myiza, iterambewre riragaragara muri rusange."

Undi ati:" Paul Kagame yaduhaye kwihangira imirimo, kwiga amashuli, ubu urubyiruko ntabwo rukiri mayibobo nka kera kuko abana bavukaga bakiheba."

Anavuga ko " kera wajyaga mu rindi shyaka bakumva ko ugiye kugambanira igihugu. (...)Ubu ntawe unkumira, ndagenda ntewe ishema na PDI."

Perezida w'ishyaka PDI, Sheikh Mussa Fazil Harerimana yasabye abayoboke ba PDI, kuzazinduka kuwa 15 z'uku kwezi kwa 7 bagatora Paul Kagame ku mwanya w'umukuru w'igihugu, bakajya mu bundi bwihugiko bagatora abakandida depite 55 batanzwe na PDI ifite ikirango cy'umunzani w'umweru, kugirango bazafatanye nawe kugenzura no gushyiria mu bikorwa ibikubiye muri gahunda y'imyaka 5 igamije iterambere n'imibereho myiza y'abaturage kandi ngo afite ikizere cy'uko PDI izabona imyanya mu nteko ishingamategeko, umutwe w'abadepite.

Ati:" icya mbere ni icyizere! Iyo ushinze amahemba nk'aha abaturage bakayizuramo, ukabona ukuntu batwakirana ubwuzu, ukuntu bifuza ko tuganira bugacya, icyo ni icyerekana ko badufitiye icyizere ku buryo natwe tuvuga ngo ariko bariya baturage bazindutse baje kutwakira, dukwiriye gukora gute kugira ngo ibyo Nyakubahwa Perezida wa Repubulika abizeza mu igenamigambi bibagereho uko bikwiye."

Ishyaka Ntangarugero muri Demokarasi, PDI, nyuma yo gukora ibikorwa byo kwamamaza mu Turere twa Rwamagana, Rubavu, Kicukiro na Ruhango, biteganyijwe ko bizakomereza mu karere ka Musanze kuwa 11 z'uku kwezi kwa 7.

@RUKUNDO Emmanuel/ Isango Star- Ruhango.

kwamamaza