RIB irasaba abaturage kwirinda uburangare bushobora gutuma bibwa

RIB irasaba abaturage kwirinda uburangare bushobora gutuma bibwa

Mu gihe hari abaturage bagaragaza ko bibwa nyamara ntako baba batagize ngo bacunge umutekano w’ibyabo, urwego rw’igihugu rw’ubugenzacyaha RIB ruvuga ko hari abagira uburangare bigaha icyuho abashobora kubiba. Abaturage bakagirwa inama yo kugira amacyenga mu gihe bacyeka ko umutekano w’ibyabo utizewe 100%.

kwamamaza

 

Mu bice bitandukanye haboneka abaturage bavuga ko bugarijwe n’ikibazo cy’ubujura higanjemo ubw’amatelephone aho bagaragazaga ko mu masaha y’ijoro aribwo bibasirwa, gusa ngo hari n’igihe n’abamotari aribo babiba babashikuje ibyo bafite.

Umwe ati "nigeze gutega umumotari nkimuhereza amafaranga kuko nari mfite ibintu muntoki motari yahise akubita umugeri moto arigendera".

Undi ati "hari ikuntu umuntu aba ari kugenda afite nka telephone ari kuyivugiraho umuntu agaturuka nka hariya w'igisambo yamubonye neza agahita ayimushikuza".

Nubwo bavuga ibi, urwego rw’igihugu rw’ubugenzacyaha RIB ruvuga ko hari aho uwibwa aba yabigizemo uruhare bigatanga icyuho ku mujura.

Dr. Murangira B. Thierry, umuvugizi wa RIB anagira abaturage inama y’uko bashobora kwitwara byatuma ibyabo bitajya mu mwanya wo kwibwa.

Ati "dukwiye kwirinda ibintu byose bishobora kuduha ibyago byinshi byo kuba twakibwa telephone zacu, iyo uteze moto nijoro mbere yuko uyijyaho urabanza ugafata purake ze ukagira uwo uzoherereza uti iyi niyo moto mfashe, igihe ugiye kwishyura manuka kuri moto witarure uhagarare muri metero imwe umubaze kode umwishyure kuko iyo umwegereye arayigushikuza agahita yirukanka, twirinde no kugenda tuvuga kuri telephone cyane mu mwijima, umutekano urahari mu gihugu ariko abantu nkaba ntibabura, twirinde gushyira ibikapu byacu mu mamodoka, ufashe igikapu cyawe uparitse hariya ugishyize inyuma mu modoka, imodoka yawe urayishyira mu byago byinshi byo kuba bayimena".  

RIB kandi inasaba abishora mu bikorwa by’ubujura kubireka kuko ukuboko kw’ubutabera kutazabagirira impuhwe kandi ibihano ku bahamwe n’icyo cyaha bikakaye.

Abaturage bagasabwa gutangira amakuru ku gihe no gukorana n’inzego z’umutekano mu kubungabunga ituze ry’ibyabo.

Inkuru ya Yassini Tuyishimire / Isango Star Kigali

 

kwamamaza

RIB irasaba abaturage kwirinda uburangare bushobora gutuma bibwa

RIB irasaba abaturage kwirinda uburangare bushobora gutuma bibwa

 Jun 12, 2024 - 09:31

Mu gihe hari abaturage bagaragaza ko bibwa nyamara ntako baba batagize ngo bacunge umutekano w’ibyabo, urwego rw’igihugu rw’ubugenzacyaha RIB ruvuga ko hari abagira uburangare bigaha icyuho abashobora kubiba. Abaturage bakagirwa inama yo kugira amacyenga mu gihe bacyeka ko umutekano w’ibyabo utizewe 100%.

kwamamaza

Mu bice bitandukanye haboneka abaturage bavuga ko bugarijwe n’ikibazo cy’ubujura higanjemo ubw’amatelephone aho bagaragazaga ko mu masaha y’ijoro aribwo bibasirwa, gusa ngo hari n’igihe n’abamotari aribo babiba babashikuje ibyo bafite.

Umwe ati "nigeze gutega umumotari nkimuhereza amafaranga kuko nari mfite ibintu muntoki motari yahise akubita umugeri moto arigendera".

Undi ati "hari ikuntu umuntu aba ari kugenda afite nka telephone ari kuyivugiraho umuntu agaturuka nka hariya w'igisambo yamubonye neza agahita ayimushikuza".

Nubwo bavuga ibi, urwego rw’igihugu rw’ubugenzacyaha RIB ruvuga ko hari aho uwibwa aba yabigizemo uruhare bigatanga icyuho ku mujura.

Dr. Murangira B. Thierry, umuvugizi wa RIB anagira abaturage inama y’uko bashobora kwitwara byatuma ibyabo bitajya mu mwanya wo kwibwa.

Ati "dukwiye kwirinda ibintu byose bishobora kuduha ibyago byinshi byo kuba twakibwa telephone zacu, iyo uteze moto nijoro mbere yuko uyijyaho urabanza ugafata purake ze ukagira uwo uzoherereza uti iyi niyo moto mfashe, igihe ugiye kwishyura manuka kuri moto witarure uhagarare muri metero imwe umubaze kode umwishyure kuko iyo umwegereye arayigushikuza agahita yirukanka, twirinde no kugenda tuvuga kuri telephone cyane mu mwijima, umutekano urahari mu gihugu ariko abantu nkaba ntibabura, twirinde gushyira ibikapu byacu mu mamodoka, ufashe igikapu cyawe uparitse hariya ugishyize inyuma mu modoka, imodoka yawe urayishyira mu byago byinshi byo kuba bayimena".  

RIB kandi inasaba abishora mu bikorwa by’ubujura kubireka kuko ukuboko kw’ubutabera kutazabagirira impuhwe kandi ibihano ku bahamwe n’icyo cyaha bikakaye.

Abaturage bagasabwa gutangira amakuru ku gihe no gukorana n’inzego z’umutekano mu kubungabunga ituze ry’ibyabo.

Inkuru ya Yassini Tuyishimire / Isango Star Kigali

kwamamaza