Kiny
Eng
Fr
Rayon sports yanyagiriwe mu Mahoro na APR FC
SHUMBUSHO Darius
Nov 8, 2025 - 23:35
APR FC yatsinze Rayon Sports iyinyagiye mu mukino w’Umunsi wa karindwi wa Shampiyona y'Urwanda, Rwanda premier league mu mukino wabereye muri sitade Amahoro kuri uyu wa gatandatu tariki ya 08 Ugushyingo 2025.
kwamamaza
Uyu mukino watangiye kw'isaha ya cyenda zuzuye 15hO0, ikipe ya APR FC yari yakiriye uyu mukino yabanje mu kibuga Ishimwe Pierre, Byiringiro Jean Gilbert, Niyomugabo Claude (C), Yunusu Nshimiyimana, Niyigena Clément, Ronald Ssekiganda, Jean Bosco Ruboneka, DaDauda Yusif, Hakim Kiwanuka, Mugisha Gilbert na William Togui mu gihe kuruhande rwa Rayon sports umutoza yabanjemo pavelh Ndzila, Serumogo Ali, Musore Prince, Youssou Diagne, Emmanuel Nshimiyimana, Richard Ndayishimiye, Seif Niyonzima, Abedi Bigirimana, Yves Habimana,Tambwe Gloire na Bassane Aziz.
Umukiko watangiye ikipe ya APR FC isatira izamu rya Rayon sports ariko ntihaboneka uburyo bw'igitego ikipe ya Rayon sports nayo yanyuzagamo igasatira ariko ikabikorera mu kibuga hagati muri uko gusatira murera yabonye uburyo bwari kuvamo igitego ku munota 24, Aziz Bassane yazamukanye umupira muremure ari wenyine, awuhinduye mu izamu ashaka Habimana Yves, ufatwa neza na Ishimwe Pierre aryamye.
Nyuma yo kubona ubwo buryo ikipe ya Rayon sports yahise irangwa no gukora amakosa menshi muri ba myugariro bayo maze Ku munota wa 25" Mugisha Gilbert yazamukanye umupira awuteye ishoti, Serumogo Ali aryitambika, umupira ujya muri koroneri yaje kuvamo igitego cya mbere cya APR FC, nyuma yo guterwa neza na Ruboneka Jean Bosco umupira usanga Ronald Ssekiganda awutera n'umutwe Pavel Nzila umuzamu wa Rayon sports ntiyamenya uko bigenze hari ku munota wa 26".
Ikipe ya Rayon sports ikimara gutsindwa iki gitego yashakishije uburyo bwo kucyishyura ba myugariro bayo bari bazamutse bisanga ku munota wa 37", William Togui abatsinze igitego cya kabiri cya APR FC ku mupira wari uvuye kuri Hakim Kiwanuka, washose ishoti Pavelh Ndzila, awukuraho usanga William Togui ahagaze neza ashyiramo igitego cya kabiri, igice cya mbere cyarangiye APR FC yatsinze Rayon Sports ibitego 2-0.
Mu gice cya kabiri Rayon Sports yatangiranye impinduka ebyiri Ishimwe Fiston, Rushema Chris na Tony Kitoga basimbura Habimana Yves, Serumogo Ali na Niyonzima Olivier ‘Seif’ nyuma yo kwinjizamo aba basore Rayon sports yatangiye gukina inarema uburyo ariko kugera imbere y'izamu rya APR FC bikagorana, ikipe ya APR FC yakoze impinduka Ku munota 67, nyuma yo kubona ko Rayon sports ishobora kuza kubona igitego Umutoza wa APR FC yakoze impinduka Denis Omedi na Mamadou Sy basimbura Mugisha Gilbert na William Togui,
Nyuma yo kongeramo aba basore bidatinze Ku munota wa 73" APR FC yaribonye amahirwe yo gutsinda igitego cya gatatu ku mupira watakajwe na Pavelh Ndzila, Mamadou Sy niyawufata neza ukubita poto urasohoka ujya hanze, nyuma yayo makosa amakipe yakoje gukina umukino utuje maze umusore wa Rayon sports Tambwe aza gusimbuzwa bitewe n'imvune yagize n'inako kitoga wari winjiye asimbuye yongeye agasimbuzwa maze, umusifuzi wa kane yongeyeho iminota itanu y’inyongera.
Ubwo umukino waganaga ku musozo ku munota wa 90’+4 ‘APR FC yatsinze igitego cya gatatu ku mupira Mamadou Sy ku mupira Rushema chris yahaye Pavel Nzila ariko ntiwamugera uba mugufi maze uyu musore mamadou ahota ashyiramo igitego cya gatatu umukino urangirira aho, APR FC itsinze, Rayon sports yagumanye amanota 13 mu mikino irindwi mu gihe APR FC yagize amanota 11 mu mikino ine.
indi mikino yabaye uyu munsi, Musanze FC yatsinze Gicumbi FC ibitego 3-2, AS Muhanga yatsinzwe na Marines ibitego 2-0, Etincelles yanganyije na Rutsiro FC 0-0, Gorilla FC yatsinzwe n’Amagaju FC igitego 1-0 naho Mukura VS yatsinzwe na Gasogi United ibitego 2-0.
kwamamaza