Kiny
Eng
Fr
Arsenal yongeye guca amarenga ko ishaka igikombe cya premier league
SHUMBUSHO Darius
Mar 14, 2026 - 23:03
Ikipe ya Arsenal yakomeje kwerekana ko ihagaze neza muri shampiyona y’u Bwongereza (Premier League) nyuma yo gutsinda Everton ibitego 2-0
kwamamaza
Umukino wari watangiye amakipe yombi ashaka igitego ariko iminota myinshi irangira nta kipe ibashije kureba mu izamu ry’indi. Abafana ba Arsenal bari batangiye kugira impungenge ko umukino ushobora kurangira amakipe yombi anganyije.
Icyakora ibintu byahindutse ku munota wa 89" w’umukino, ubwo rutahizamu Viktor Gyökeres yatsindaga igitego cya mbere cya Arsenal nyuma yo kwakira neza umupira wari uvuye kuri max Dowman maze awushyira mu izamu rya Everton,
Mu minota y’inyongera, Arsenal yakomeje gusatira ishaka kwemeza intsinzi yayo. Ku munota wa 90+7, umukinnyi ukiri muto Max Dowman yatsinze igitego cya kabiri, igitego cyashimangiye intsinzi ya Arsenal, iki gitego cya Max Dowman cyahise kimugira umukinnyi ukiri muto kurusha abandi bose umaze gutsinda igitego muri shampiyona ya Premier League ku myaka 16 gusa kuko yavutse tariki ya 31 Ukuboza 2009, aho yamditse amateka mashya kuri uyu mukinnyi ukizamuka.
Nyuma y’iyi ntsinzi, Arsenal yahise igira amanota 70 ku mwanya wa mbere ku rutonde rwa shampiyona, ikomeza gushyira igitutu ku makipe ayikurikiye mu rugamba rwo kwegukana igikombe arimo Manchester city kugezubu, aho arsenal irusha city amanota 10 ariko yo ntirakina imikino ibiri ifite kugirango ifate arsenal mu mikino zimaze gukina zose Arsenal ikomeje kwitwara gutya mu mikino isigaye, ishobora kugira amahirwe menshi yo gutwara igikombe cya shampiyona y’uyu mwaka 2025/26.
kwamamaza