Paul Kagame arasaba urubyiruko kuzasigasira igihango cy’ababohoye u Rwanda

Paul Kagame arasaba urubyiruko kuzasigasira igihango cy’ababohoye u Rwanda

Paul Kagame uri kwiyamamariza kuyobora u Rwanda nk’umukandida wa FPR Inkotanyi ndetse ushyigikiwe n’indi mitwe ya politiki 8. Arasaba urubyiruko kuzatorana ubushishozi, ndetse no kuzakomeza gusigasira igihango bafitanye n’abagize uruhare mu kugera ku Rwanda rutekanye aba bari gukuriramo.

kwamamaza

 

Harabura iminsi itageze ku cyumweru u Rwanda rukinjira mu matora y’umukuru w’igihugu n’abahatanira kujya mu nteko ishiga amategeko umutwe w’Abadepite. Batatu bahataniye kuyobora u Rwanda barimo Paul Kagame, umuyobozi mukuru wa FPR Inkotanyi.

Paul Kagame ukomeje ibikorwa byo kwiyamamaza kugera ku munsi ubanziriza amatora, akomeje kumvikana ashimira abanyarwanda ku ruhare bagize mu gutuma u Rwanda rugera aho ruri magingo aya, ndetse ubwo yiyamamarizaga mu karere ka Nyagatare yavuze ko nta we uzongera kurusubiza aho rwavuye, ndetse asaba urubyiruko rwo mubare munini w’abanyarwanda kuba ku ruhembe mu gusigasira ibyagezweho.

Ati "gutora FPR ni ugutora amajyambere, ni ugutora ubumwe ariko icyo gikorwa ni demokarasi, igihe tukiriho rero twese ndetse mwebwe abakiri batoya nimwe benshi ubwo ibihe biri imbere ni ibyanyu muzabe za ntare ntimuzabe imbwa, mufite inshingano yo gukomeza rwa rugendo rw'abaje mbere yanyu, muri iki gikorwa cy'ejobundi rero cyo gushyira igikumwe ku gipfunsi nimubikora mujye mubikora mwibuka ayo mateka n'inshingano mufite mwebwe cyane cyane abakiri bato, ntimuzakore ishyano ngo mutatire igihango".     

Ni ubusabe busa no korosora uwabyukaga, kuko ab’urubyiruko bavuga ko nta cyabaho cyatuma batatira igihango bafitanye na Paul Kagame na FPR Inkotanyi abereye umuyobozi, bavuga ko bazagisigasira mu ntumbero y’iterambere ryabo n’iry’igihugu muri rusange.

Umwe ati "ibyangombwa byose turabifite, ziriya nshingano yaduhaye zo kudatatira igihango tugasigasira ibyagezweho, twe nk'urubyiruko tugomba kuguma guteza imbere umuco w'ubumwe kuko gukorera hamwe nibyo bifasha abantu mu gukomeza kuzamura iterambere, mu gihe twe nk'urubyiruko dufite imikoranire ndetse dufite n'ubumwe tuzabasha no kurinda umutekano w'igihugu".   

Undi ati "tuzirinda gutatira igihango, tuzirinda kwangiza igihugu cyacu, hari abantu benshi hanze y'igihugu dukunze kwita ibigarasha bajya bagenda bavuga igihugu cyacu nabi kumbuga nkoranyambaga ndizera ko tuzagerageza guhinyuza ibyo bavuga nkaho ari bibi twebwe tukerekana ubwiza bw'igihugu cyacu kandi tuzaharanira inyungu z'umuturage kuko iyo witaye ku muturage ibyo yifuza abigeraho".

Kuba abakiri bato aribo babonwamo ahazaza h’igihugu, bishingira cyane ku kuba aribo bagize umubare munini w’abaturage b’igihugu aho ibarura rusange riheruka rigaragaza ko 65,3% bya 13,246,394, ari urubyiruko ruri munsi y’imyaka 30, mu gihe kandi mu matora ategerejwe mu Rwanda muri uku kwezi abasaga miliyoni 2 b’urubyiruko bazaba batora ubwa mbere.

Inkuru ya Gabriel IMANIRIHO / Isango Star Kigali

 

kwamamaza

Paul Kagame arasaba urubyiruko kuzasigasira igihango cy’ababohoye u Rwanda

Paul Kagame arasaba urubyiruko kuzasigasira igihango cy’ababohoye u Rwanda

 Jul 9, 2024 - 09:10

Paul Kagame uri kwiyamamariza kuyobora u Rwanda nk’umukandida wa FPR Inkotanyi ndetse ushyigikiwe n’indi mitwe ya politiki 8. Arasaba urubyiruko kuzatorana ubushishozi, ndetse no kuzakomeza gusigasira igihango bafitanye n’abagize uruhare mu kugera ku Rwanda rutekanye aba bari gukuriramo.

kwamamaza

Harabura iminsi itageze ku cyumweru u Rwanda rukinjira mu matora y’umukuru w’igihugu n’abahatanira kujya mu nteko ishiga amategeko umutwe w’Abadepite. Batatu bahataniye kuyobora u Rwanda barimo Paul Kagame, umuyobozi mukuru wa FPR Inkotanyi.

Paul Kagame ukomeje ibikorwa byo kwiyamamaza kugera ku munsi ubanziriza amatora, akomeje kumvikana ashimira abanyarwanda ku ruhare bagize mu gutuma u Rwanda rugera aho ruri magingo aya, ndetse ubwo yiyamamarizaga mu karere ka Nyagatare yavuze ko nta we uzongera kurusubiza aho rwavuye, ndetse asaba urubyiruko rwo mubare munini w’abanyarwanda kuba ku ruhembe mu gusigasira ibyagezweho.

Ati "gutora FPR ni ugutora amajyambere, ni ugutora ubumwe ariko icyo gikorwa ni demokarasi, igihe tukiriho rero twese ndetse mwebwe abakiri batoya nimwe benshi ubwo ibihe biri imbere ni ibyanyu muzabe za ntare ntimuzabe imbwa, mufite inshingano yo gukomeza rwa rugendo rw'abaje mbere yanyu, muri iki gikorwa cy'ejobundi rero cyo gushyira igikumwe ku gipfunsi nimubikora mujye mubikora mwibuka ayo mateka n'inshingano mufite mwebwe cyane cyane abakiri bato, ntimuzakore ishyano ngo mutatire igihango".     

Ni ubusabe busa no korosora uwabyukaga, kuko ab’urubyiruko bavuga ko nta cyabaho cyatuma batatira igihango bafitanye na Paul Kagame na FPR Inkotanyi abereye umuyobozi, bavuga ko bazagisigasira mu ntumbero y’iterambere ryabo n’iry’igihugu muri rusange.

Umwe ati "ibyangombwa byose turabifite, ziriya nshingano yaduhaye zo kudatatira igihango tugasigasira ibyagezweho, twe nk'urubyiruko tugomba kuguma guteza imbere umuco w'ubumwe kuko gukorera hamwe nibyo bifasha abantu mu gukomeza kuzamura iterambere, mu gihe twe nk'urubyiruko dufite imikoranire ndetse dufite n'ubumwe tuzabasha no kurinda umutekano w'igihugu".   

Undi ati "tuzirinda gutatira igihango, tuzirinda kwangiza igihugu cyacu, hari abantu benshi hanze y'igihugu dukunze kwita ibigarasha bajya bagenda bavuga igihugu cyacu nabi kumbuga nkoranyambaga ndizera ko tuzagerageza guhinyuza ibyo bavuga nkaho ari bibi twebwe tukerekana ubwiza bw'igihugu cyacu kandi tuzaharanira inyungu z'umuturage kuko iyo witaye ku muturage ibyo yifuza abigeraho".

Kuba abakiri bato aribo babonwamo ahazaza h’igihugu, bishingira cyane ku kuba aribo bagize umubare munini w’abaturage b’igihugu aho ibarura rusange riheruka rigaragaza ko 65,3% bya 13,246,394, ari urubyiruko ruri munsi y’imyaka 30, mu gihe kandi mu matora ategerejwe mu Rwanda muri uku kwezi abasaga miliyoni 2 b’urubyiruko bazaba batora ubwa mbere.

Inkuru ya Gabriel IMANIRIHO / Isango Star Kigali

kwamamaza