Kiny
Eng
Fr
Mukura Victory Sports ntikiguze Rutahizamu
Gisubizo Philemon
Nov 16, 2022 - 12:50
Mu gihe andi makipe akomeje kwiyubaka ndetse hakaba ayatangiye gushaka abandi bakinnyi bo kuyafasha guhatanira igikombe cya shampiyona y’uyu mwaka w’amarushanwa 2021-2022,muri Mukura ho siko bimeze.
kwamamaza
Mu byumweru bibiri bishize,ikipe ya Mukura yifuje kugura rutahizamu w’Umurundi Selemai Kagabo uzwi nka Carlos akaba yarakiniye amakipe atandukanye arimo Vital’o yo mu Burundi na Vita Club yo muri Repuburika iharanira demokarasi ya Congo,mu gihe iyi kipe yari yatangiye gushaka uburyo yamwoherereza tike ngo aze batangire ibiganiro,yahise abona indi kipe muri Afrika y’epfo yitwa Royal Am Football Club.
Uwari ugezweho ni Kwame Stephane Sey umunya Ghana wakiniye Namungo FC yo muri Tanzania ndetse na Eastern Company Sporting Club yo mu Misiri,uyu nawe hari bamwe mu bakunzi ba Mukura bari bifuje gushaka amafaranga yo kumugura ariko ubuyobozi bubabwirako nta gahunda bufite yo kugura undi rutahizamu ahubwo bakwiye gukusanya inkunga kugirango bagumane bamwe mu bakinnyi b’inkingi za mwamba bafite barimo Abubakar Djibrine Akuki ushakishwa n’amakipe atandukanye arimo Kiyovu Sport na Rayon Sport.
Tubibutseko Mukura Victory Sport yahawe uburenganzira bwo gushaka abandi bakinnyi n’ishyirahamwe ry,umupira w’amaguru ku isi FIFA nyuma yo kwishyura miliyoni 51 umutoza Jalour wari wirukanywe binyuranyije n’amategeko.
Inkuru ya Kamarebe Nailla, Isango Star
kwamamaza