Kiny
Eng
Fr
Manchester United ya Michel Carrick ikomeje kubabaza abacyeba bayo
SHUMBUSHO Darius
Feb 7, 2026 - 18:02
Manchester United yakomeje kubabaza abacyeba bayo nyuma yo gutsinda Tottenham Hotspur ibitego bibiri ku busa (2–0), mu mukino wabereye kuri Old Trafford.
kwamamaza
Iyi ntsinzi ni iya kane yikurikiranya ku mashitani atukuru ya Manchester United kuva Michel Carrick yafata inshingano zo kuyitoza, asimbuye Rúben Amorim, aho Carrick amaze kugaragaza impinduka nziza mu mitegurire n’imikinire y’iyi kipe mu gihe iri mu kibuga ikina, Umukino wabaye mubi ku ruhande rwa Tottenham ku munota wa 29, ubwo myugariro wayo Cristian Romero yahanishwaga ikarita itukura, kwikosa yarakoreye Casemiro bituma ikipe ye ikinira batuzuye nyuma yo guhabwa uwo mutuku, ibintu byayigoye cyane mu guhangana na United.
Manchester United yahise ibyaza umusaruro ayo mahirwe, maze ku munota wa 38, Brayan Mbeumo atsinda igitego cya mbere, kw'ishoti rikomeye yateye umuzamu wa Tottenham Viaccario ntiyamenya uko bigenze, Mu gice cya kabiri, United yakomeje kuyobora umukino no kwiwiharira kugeza ubwo kapiteni wayo Bruno Fernandes yatsindaga igitego cya kabiri ku munota wa 81, cyahise gishyira iherezo ku byiringiro bya Tottenham byo gustinda uyu mukino.
Iyi ntsinzi irushijeho gushimangira icyizere cy’abafana ba Manchester United, inagaragaza ko iyi kipe iri mu nzira yo kongera gusubirana icyubahiro cyayo, mu gihe Tottenham ya Tomas frank yo ikomeje kutitwara neza, ikipe ya Manchester United ihise ijya ku mwanya wa kane (4) n'amanota 44 mu gihe Tottenham ubu iri ku mwanya 14 n'amanota 29 mu mikino 25 ya English premier league imaze gukinwa.
kwamamaza