![Ikipe y'igihugu y'abagabo ya Volleyball yerekeje mu gikombe cya Africa](https://www.isangostar.rw/uploads/images/2023/08/image_750x_64ef153137140.jpg)
Ikipe y'igihugu y'abagabo ya Volleyball yerekeje mu gikombe cya Africa
Aug 30, 2023 - 18:10
Ikipe y'Igihugu y'abahungu ya Volleyball, yerekeje i Cairo mu Misiri mu gikombe cya Afurika, CAVB Nations Men Championship 2023. Iki gikombe kizakinwa kuva ku italiki ya 1-15 Nzeri (09) 2023.
kwamamaza
Mbere yo guhaguruka kuri Hotel ku wa kabiri, ku ya 29 Kanama (08), Abayobozi barimo President wa FRVB, Mé Ngarambe Raphael, VP Ushinzwe amarushanwa, Geoffrey Zawadi na President wa Zone V, Ruterana Fernand, baganiriye n'abakinnyi babasaba kuzimana u Rwanda kuko ubushobozi babufite.
Dusenge Wicklif; Kapiteni w’Ikipe y’igihugu, yijeje abayobozi ko batagiye gutembera kandi bazagerageza gutera ikirenge mu cya bashiki babo.
Nyuma y'ibigabiro, abayobozi bashyikirije ibendera kapiteni n'umutoza wungirije, Yakan Lawrence.
Iyi kipe izifashisha abakinnyi 14, yahagurutse mu Rwanda Saa 16h35 za Kigali, igera Addis 19h30 ku isaha yaho, ihava 21h30 yerekeza i Cairo muri Misiri, aho yageze mu rukerera rwo kur'uyu wa Gatatu, ku ya 30 Kanama (08) i saa 5h30 ku isaha y'i Cairo.
@Blaise Gakunzi/Isango Star_Kigali.
kwamamaza