Muhanga: Dr. Frank yasezeranyije abaturage gukemura ibibazo biri mu bucukuzi bw'amabuye y'agaciro

Muhanga: Dr. Frank yasezeranyije abaturage gukemura ibibazo biri mu bucukuzi bw'amabuye y'agaciro

Ibikorwa byo kwiyamamaza mu matora ya Perezida wa Republika n’Abadepite byakomeje kuri uyu wa kabiri aho ishyaka riharanira demokarasi no kurengera ibidukikije Green Party ryakomereje mu karere ka Muhanga mu ntara y’Amajyepfo, Dr. Frank Habineza umukandida Perezida akaba yasezeranije kuzafasha ubucukuzi bw’amabuye y’agaciro bugakorwa kinyamwuga hakoreshwamo n’ikoranabuhanga.

kwamamaza

 

Ubwo yageraga mu karere ka Muhanga ari nako avukamo umukandida Dr. Frank Habineza yakiriwe neza n’abaturage bamugaragariza ibyishimo banishimira imigabo n’imigambi ya Green Party, harimo kugabanya imisoro y’ubutaka ariko harimo no gukemura ibibazo biri mu bucukuzi bw’amabuye y’agaciro.

Umwe ati "ikintu kinshimishije nuko namamaje umukandida akatubwira nibyo azadukorera byiza".

Undi ati "turishimye ko twaje kwamamaza, kwamamaza ni uburenganzira bwa buri wese, iri shyaka narikundiye ukuntu bavuze ngo bagiye gukuraho umusoro w'ubutaka".   

Mu kanyamuneza kenshi Dr. Frank Habineza nawe yeretse abatuye Muhanga ko ari iwabo kandi abasezeranya kuzakemura ibibazo biri mu bucukuzi bw’amabuye y’agaciro bugakoreshwamo ikoranabuhanga hakubakwa n’inganda zitunganya amabuye y’agaciro.

Ati "iyo ndi hano mba numva ndi ahantu heza cyane ku ivuko rya Papa wanjye, ba sogokuru na basogokuruza Imana yabashyize muri iki gihugu cy'u Rwanda ariko byumwihariko ibashyira mu karere ka Muhanga".

"Uburyo ducukura amabuye y'agaciro twakwiye kuyacukura mu buryo bwiza bw'ikoranabuhanga ariko na none tukumva ko tutagombye kuba turi abantu bacukurira abandi, abandi bagakira twe tugasigara dukennye, tugomba gushyiraho inganda zitunganya ibikomoka muri ayo mabuye y'agaciro natwe tube twabitunganya bive hano mu Rwanda bijye ahandi byongerewe agaciro, ibyo biri muri gahunda zacu".  

Ibindi Green Party yavugiye mu karere ka Muhanga harimo kuzafasha abaturage bafite ubutaka ku muhanda ujya Karongi bwanyujijwemo insinga z’amashanyarazi ariko ntibabone ingurane, ko bazabavuganira bakabaha ingurane kandi zigendanye n'igihe.

Inkuru ya Vestine Umurerwa / Isango Star Muhanga 

 

kwamamaza

Muhanga: Dr. Frank yasezeranyije abaturage gukemura ibibazo biri mu bucukuzi bw'amabuye y'agaciro

Muhanga: Dr. Frank yasezeranyije abaturage gukemura ibibazo biri mu bucukuzi bw'amabuye y'agaciro

 Jul 10, 2024 - 08:18

Ibikorwa byo kwiyamamaza mu matora ya Perezida wa Republika n’Abadepite byakomeje kuri uyu wa kabiri aho ishyaka riharanira demokarasi no kurengera ibidukikije Green Party ryakomereje mu karere ka Muhanga mu ntara y’Amajyepfo, Dr. Frank Habineza umukandida Perezida akaba yasezeranije kuzafasha ubucukuzi bw’amabuye y’agaciro bugakorwa kinyamwuga hakoreshwamo n’ikoranabuhanga.

kwamamaza

Ubwo yageraga mu karere ka Muhanga ari nako avukamo umukandida Dr. Frank Habineza yakiriwe neza n’abaturage bamugaragariza ibyishimo banishimira imigabo n’imigambi ya Green Party, harimo kugabanya imisoro y’ubutaka ariko harimo no gukemura ibibazo biri mu bucukuzi bw’amabuye y’agaciro.

Umwe ati "ikintu kinshimishije nuko namamaje umukandida akatubwira nibyo azadukorera byiza".

Undi ati "turishimye ko twaje kwamamaza, kwamamaza ni uburenganzira bwa buri wese, iri shyaka narikundiye ukuntu bavuze ngo bagiye gukuraho umusoro w'ubutaka".   

Mu kanyamuneza kenshi Dr. Frank Habineza nawe yeretse abatuye Muhanga ko ari iwabo kandi abasezeranya kuzakemura ibibazo biri mu bucukuzi bw’amabuye y’agaciro bugakoreshwamo ikoranabuhanga hakubakwa n’inganda zitunganya amabuye y’agaciro.

Ati "iyo ndi hano mba numva ndi ahantu heza cyane ku ivuko rya Papa wanjye, ba sogokuru na basogokuruza Imana yabashyize muri iki gihugu cy'u Rwanda ariko byumwihariko ibashyira mu karere ka Muhanga".

"Uburyo ducukura amabuye y'agaciro twakwiye kuyacukura mu buryo bwiza bw'ikoranabuhanga ariko na none tukumva ko tutagombye kuba turi abantu bacukurira abandi, abandi bagakira twe tugasigara dukennye, tugomba gushyiraho inganda zitunganya ibikomoka muri ayo mabuye y'agaciro natwe tube twabitunganya bive hano mu Rwanda bijye ahandi byongerewe agaciro, ibyo biri muri gahunda zacu".  

Ibindi Green Party yavugiye mu karere ka Muhanga harimo kuzafasha abaturage bafite ubutaka ku muhanda ujya Karongi bwanyujijwemo insinga z’amashanyarazi ariko ntibabone ingurane, ko bazabavuganira bakabaha ingurane kandi zigendanye n'igihe.

Inkuru ya Vestine Umurerwa / Isango Star Muhanga 

kwamamaza