Abasirikare ba Eritrea batangije igitero mu majyaruguru ya Ethiopia

Abasirikare ba Eritrea batangije igitero mu majyaruguru ya Ethiopia

Umuvugizi w'inyeshyamba zo mu mutwe wa TPLF wo muri Tigray mu majyaruguru ya Ethiopia yavuze ko abasirikare ba Eritrea batangije igitero kinini muri ako karere.

kwamamaza

 

Intumwa y'Amerika yavuze ko Amerika ibizi ko abasirikare ba Eritrea bambutse umupaka berekeza muri Tigray, ndetse yabyamaganye.

Leta ya Eritrea na leta ya Ethiopia nta cyo ziratangaza ku mugaragaro kuri ibi bivugwa.

Mu gihe igitero cya Eritrea ku nyeshyamba zo muri Tigray cyaba cyemejwe, ibintu byaba bifashe indi ntera nyuma yuko agahenge kari kamaze amezi atanu karenzweho mu kwezi gushize.

Intambara yatangiye mu kwezi kwa cumi na kumwe mu 2020 nyuma yo gushwana gukomeye hagati ya Minisitiri w'intebe wa Ethiopia Abiy Ahmed n'umutwe wa Tigray People's Liberation Front (TPLF), ugenzura ako karere.

Eritrea yinjiye muri iyo ntambara ku ruhande rw'igisirikare cya Ethiopia, ariko amakuru avuga ko mu mwaka ushize yacyuye benshi mu basirikare bayo.

Ku wa kabiri, umuvugizi wa TPLF Getachew Reda yavuze ko imirwano ikaze yari irimo kubera mu duce twinshi two ku mupaka wa Tigray na Eritrea.

Mu butumwa bwo kuri Twitter, yagize ati: "Eritrea irimo kugaba [kohereza] igisirikare cyayo cyose hamwe n'inkeragutabara [abasirikare basanzwe barasezerewe mu kazi].

"Abasirikare bacu barimo kurwana gitwari ku birindiro byabo".

Yongeyeho ko abasirikare ba Ethiopia na bo barimo kurwana muri icyo gitero.

Mike Hammer, intumwa yihariye y'Amerika mu karere k'ihembe ry'Afurika, yavuze ko Amerika yakomeje kugenzura ingendo z'abasirikare ba Eritrea bambuka umupaka.

Yagize ati: "Barahangayikishije cyane kandi turabyamaganye. Kuba abasirikare ba Eritrea bari muri Ethiopia nta kindi bikora kitari ugutuma ibintu birushaho kugorana, no kwenyegeza umuriro mu bintu bisanzwe n'ubundi bibabaje cyane".

Muri iyi ntambara, abantu babarirwa mu bihumbi barishwe naho abandi babarirwa muri za miliyoni bata ingo zabo.

Kugera muri Tigray biragoye cyane kandi biranagoye kwemeza amakuru ku mirwano mu buryo bwigenga.

Abakozi babiri bo mu miryango itanga imfashanyo babwiye ibiro ntaramakuru Reuters ko habaye imirwano ikaze ku mupaka, ariko ntibashoboye kwemeza niba abasirikare ba Eritrea bambutse umupaka bakinjira muri Tigray.

Mu cyumweru gishize, ishami rya BBC ritangaza ibiganiro mu rurimi rwa Tigrinya rukoreshwa muri ako karere, ryatangaje ko Eritrea yari irimo kwegeranya inkeragutabara mu rwego rwo kongerera imbaraga igisirikare cyayo.

Ababibonye bavuze ko amatangazo yo kwegeranya izo nkeragutabara yakwirakwijwe mu murwa mukuru Asmara wa Eritrea, mu mujyi wa kabiri munini wa Keren, mu mujyi wa Tessenai wo mu burengerazuba no mu tundi duce.

Ariko Minisitiri wa Eritrea wo gutangaza amakuru Yemane Gebremeskel yavuze ko "umubare muto cyane" w'inkeragutabara wahamagawe, ahakana avuga ko abaturage bose bategeranyijwe (batitabajwe).

 

kwamamaza

Abasirikare ba Eritrea batangije igitero mu majyaruguru ya Ethiopia

Abasirikare ba Eritrea batangije igitero mu majyaruguru ya Ethiopia

 Sep 21, 2022 - 09:57

Umuvugizi w'inyeshyamba zo mu mutwe wa TPLF wo muri Tigray mu majyaruguru ya Ethiopia yavuze ko abasirikare ba Eritrea batangije igitero kinini muri ako karere.

kwamamaza

Intumwa y'Amerika yavuze ko Amerika ibizi ko abasirikare ba Eritrea bambutse umupaka berekeza muri Tigray, ndetse yabyamaganye.

Leta ya Eritrea na leta ya Ethiopia nta cyo ziratangaza ku mugaragaro kuri ibi bivugwa.

Mu gihe igitero cya Eritrea ku nyeshyamba zo muri Tigray cyaba cyemejwe, ibintu byaba bifashe indi ntera nyuma yuko agahenge kari kamaze amezi atanu karenzweho mu kwezi gushize.

Intambara yatangiye mu kwezi kwa cumi na kumwe mu 2020 nyuma yo gushwana gukomeye hagati ya Minisitiri w'intebe wa Ethiopia Abiy Ahmed n'umutwe wa Tigray People's Liberation Front (TPLF), ugenzura ako karere.

Eritrea yinjiye muri iyo ntambara ku ruhande rw'igisirikare cya Ethiopia, ariko amakuru avuga ko mu mwaka ushize yacyuye benshi mu basirikare bayo.

Ku wa kabiri, umuvugizi wa TPLF Getachew Reda yavuze ko imirwano ikaze yari irimo kubera mu duce twinshi two ku mupaka wa Tigray na Eritrea.

Mu butumwa bwo kuri Twitter, yagize ati: "Eritrea irimo kugaba [kohereza] igisirikare cyayo cyose hamwe n'inkeragutabara [abasirikare basanzwe barasezerewe mu kazi].

"Abasirikare bacu barimo kurwana gitwari ku birindiro byabo".

Yongeyeho ko abasirikare ba Ethiopia na bo barimo kurwana muri icyo gitero.

Mike Hammer, intumwa yihariye y'Amerika mu karere k'ihembe ry'Afurika, yavuze ko Amerika yakomeje kugenzura ingendo z'abasirikare ba Eritrea bambuka umupaka.

Yagize ati: "Barahangayikishije cyane kandi turabyamaganye. Kuba abasirikare ba Eritrea bari muri Ethiopia nta kindi bikora kitari ugutuma ibintu birushaho kugorana, no kwenyegeza umuriro mu bintu bisanzwe n'ubundi bibabaje cyane".

Muri iyi ntambara, abantu babarirwa mu bihumbi barishwe naho abandi babarirwa muri za miliyoni bata ingo zabo.

Kugera muri Tigray biragoye cyane kandi biranagoye kwemeza amakuru ku mirwano mu buryo bwigenga.

Abakozi babiri bo mu miryango itanga imfashanyo babwiye ibiro ntaramakuru Reuters ko habaye imirwano ikaze ku mupaka, ariko ntibashoboye kwemeza niba abasirikare ba Eritrea bambutse umupaka bakinjira muri Tigray.

Mu cyumweru gishize, ishami rya BBC ritangaza ibiganiro mu rurimi rwa Tigrinya rukoreshwa muri ako karere, ryatangaje ko Eritrea yari irimo kwegeranya inkeragutabara mu rwego rwo kongerera imbaraga igisirikare cyayo.

Ababibonye bavuze ko amatangazo yo kwegeranya izo nkeragutabara yakwirakwijwe mu murwa mukuru Asmara wa Eritrea, mu mujyi wa kabiri munini wa Keren, mu mujyi wa Tessenai wo mu burengerazuba no mu tundi duce.

Ariko Minisitiri wa Eritrea wo gutangaza amakuru Yemane Gebremeskel yavuze ko "umubare muto cyane" w'inkeragutabara wahamagawe, ahakana avuga ko abaturage bose bategeranyijwe (batitabajwe).

kwamamaza