Kiny
Eng
Fr
Kibeho hateraniye imbaga y'Abakristu Gatolika baje mu rugendo nyobokamana no mu gitambo cya Misa (Amafoto)
Gisubizo Philemon
Aug 3, 2025 - 13:26
Kuri iki cyumweru mu Karere ka Nyaruguru ku butaka butagatifu bwa Kibeho, hateraniye imbaga y'Abakristu Gatolika baje mu rugendo nyobokamana no mu gitambo cya Misa bari bubanemo n'Abepiskopi 250 baje mu nteko y'Ihuriro ry'Inama z'Abepiskopi muri Afurika na Madagascar (SECAM) baturutse hirya no hino muri Afurika.
kwamamaza
Ni igitambo cya Misa kandi cyanitabiriwe n'urubyiruko ruri mu huriro ry'urubyiruko rubarizwa mu miryango ya Agisiyo Gatolika irimo Abasaveri, Abarejiyo n'abandi baturutse mu gihugu hose, no mu bihugu byo muri Afurika y'Iburasirazuba.
Iki gitambo cya Misa, cyayobowe na Nyiricyubahiro Cardinal Ambongo wongeye gutorerwa kuyobora SECAM (Inama nkuru y'Abepsikopi muri Afurika na Madagasikari).
Hari kandi Mgr Célestin Hakizimana, Musenyeri wa Diyosezi ya Gikongoro, Nyiricyubahiro Cardinal Antoine Kambanda, n'abandi bihayimana.
Mu nzego bwite za Leta, hari Nyakubahwa Minisitiri w'Ubutegetsi bw'Igihugu, Guverineri w'Intara y'Amajyepfo, abayobozi b'uturere n'abandi.
Minisitiri w'Ubutegetsi bw'Igihugu, Dominique Habimana, Guverineri w'Intara y'Amajyepfo Alice Kayitesi, Umuyobozi w'Akarere ka Nyaruguru, Dr. Emmanuel Murwanashyaka bitabiriye igitambo cya Misa i Kibeho
kwamamaza