Kayonza: Bahinze avoka zizajya zinjiriza umuhinzi miliyoni zisaga eshatu ku mwaka

Kayonza: Bahinze avoka zizajya zinjiriza umuhinzi miliyoni zisaga eshatu ku mwaka

Abahinzi ba Avoka mu cyanya cyazo cy'umushinga KIIWP mu karere ka Kayonza na Ngoma bavuga ko ku nshuro ya kabiri biteguye umusaruro wazo mwinshi bitewe n'umubare uri kuri buri giti. Bavuga ko hari abazajya binjiza miliyoni eshatu ku mwaka. Ubuyobozi bw'aka karere buvuga ko mu rwego rwo gufasha abo bahinzi kugeza umusaruro wabo wa Avoka ku isoko ndetse no kuwongerera agaciro, bagiye guhabwa ibikorwa remezo by'imihanda n'inganda.

kwamamaza

 

Ubwoko bwa Avoka buhingwa n’abaturage muri iki cyanya cy’umushinga KIIWP wa Leta y’u Rwanda n’ikigega mpuzamahanga IFAD kiri mu karere ka Kayonza n’igice cy’akarere ka Ngoma ni ubwa Hass na Fuerte bukundwa ku isoko mpuzamahanga.

Kuri ubu ibiti bya avoka bifite imbuto zigiye kwera, aho igiti kimwe gifite hagati y’imbuto za avoka 80-150. Abazihinze bavuga ko biteguye umusaruro mwiza kandi bakinjiza amafaranga menshi, cyane ko avoka imwe igura igiceri cy’ijana, bivuze ko igiti kimwe kizatanga amafaranga ari hagati y’ibihumbi 8 na  15 by’amafaranga y’ u Rwanda.

Mu kiganiro n’Isango Star, Umwe yagize ati: “ibyo nashoboye kubara, nabariye ibiti 2; kimwe nakibonyeho voka 75, ikindi kibonaho 82. Ariko ntabwo biratanga umusaruro uko bikwiye cyangwa uko byifuzwa, ariko ntitwabigaya kuko haracyari kare.”

Undi ati: “umusaruro w’izi voka ni amafaranga ariko ubyumve ko ari amafaranga! ufite iki giti , turamutse tugejeje avoka ziriho ku isoko …ubundi igiti kimwe  ntabwo kizajya kijya munsi y’ibihumbi 10 kandi mu mezi atandatu. Noneho ubwo mu mwaka ni ibihumbi 20 ku giti kimwe. Niba mfite ibiti 150; nzakuba ibyo bihumbi 20, ubwo nzabona hejuru ya miliyoni 2.”

Aba bahinzi bakangurira abandi kugana bene ubuhinzi bw’imbuto kuko buhindura ubuzima.

Umwe ati: “buhindura imibereho mu buryo bukomeye, wenda nubwo umuntu yagerageza agahera ku giti kimwe cyangwa bibiri ku rugo byazamuteza imbere, niyo nama nabasha kubagira.”

Nyemazi John Bosco; Umuyobozi w’akarere ka Kayonza, avuga ko mu rwego rwo kugeza ku isoko umusaro wa avoka abaturage biteguye kubona mu cyanya cy’imbuto cya KIIWP, Leta igiye gutunganya ibikorwa remezo nk’imihanda ndetse no gushyiraho inganda zongerera agaciro avoka zizaboneka.

Ati: “Nyakubahwa Minisitiri w’intebe yasuye uriya mushinga ndetse mu myanzuro yahafatiwe ni uko hemejwe yuko hari ingengo y’imari igiye gushakwa noneho hakubakwa imihanda kugira ngo umusaruro uva muri kiriya cyanya cy’imbuto ubashe kugera ku isoko neza.”

Yongeraho ko“ariko si nibyo gusa kuko no gutekereza kubaka uruganda ruzaba rutunganya ibyavuye muri wa musaruro.”

Ubusanzwe iyo ugiye mu mibare, nyuma y'imyaka itatu igiti cy'avoka cyo mu bwoko bwa Hass kiba gifite imbuto 60. Naho ku myaka 4, kiba gifite imbuto 180.  Ndetse uko imyaka igenda yiyongera ni nako umubare w’imbuto wiyongera kugeza ku myaka 10, aho kiba gifite imbuto za Avoka zigera kuri 650.

Kuba hari abahinzi b'imbuto mu cyanya cya KIIWP bafite ibiti bya Avoka 100 ndetse no kuzamura, kandi Avoka igura igiceri cy'ijana, Avoka 150 ku giti kimwe zizinjiza ibihumbi 15 by'amafaranga y'u Rwanda, ubwo umuhinzi ufite byibura ibiti 100, ku mwaka azajya yinjiza ayasaga miliyoni imwe n'igice.

@ Djamali Habarurema/Isango Star-Kayonza.

 

kwamamaza

Kayonza: Bahinze avoka zizajya zinjiriza umuhinzi miliyoni zisaga eshatu ku mwaka

Kayonza: Bahinze avoka zizajya zinjiriza umuhinzi miliyoni zisaga eshatu ku mwaka

 Jun 13, 2024 - 16:52

Abahinzi ba Avoka mu cyanya cyazo cy'umushinga KIIWP mu karere ka Kayonza na Ngoma bavuga ko ku nshuro ya kabiri biteguye umusaruro wazo mwinshi bitewe n'umubare uri kuri buri giti. Bavuga ko hari abazajya binjiza miliyoni eshatu ku mwaka. Ubuyobozi bw'aka karere buvuga ko mu rwego rwo gufasha abo bahinzi kugeza umusaruro wabo wa Avoka ku isoko ndetse no kuwongerera agaciro, bagiye guhabwa ibikorwa remezo by'imihanda n'inganda.

kwamamaza

Ubwoko bwa Avoka buhingwa n’abaturage muri iki cyanya cy’umushinga KIIWP wa Leta y’u Rwanda n’ikigega mpuzamahanga IFAD kiri mu karere ka Kayonza n’igice cy’akarere ka Ngoma ni ubwa Hass na Fuerte bukundwa ku isoko mpuzamahanga.

Kuri ubu ibiti bya avoka bifite imbuto zigiye kwera, aho igiti kimwe gifite hagati y’imbuto za avoka 80-150. Abazihinze bavuga ko biteguye umusaruro mwiza kandi bakinjiza amafaranga menshi, cyane ko avoka imwe igura igiceri cy’ijana, bivuze ko igiti kimwe kizatanga amafaranga ari hagati y’ibihumbi 8 na  15 by’amafaranga y’ u Rwanda.

Mu kiganiro n’Isango Star, Umwe yagize ati: “ibyo nashoboye kubara, nabariye ibiti 2; kimwe nakibonyeho voka 75, ikindi kibonaho 82. Ariko ntabwo biratanga umusaruro uko bikwiye cyangwa uko byifuzwa, ariko ntitwabigaya kuko haracyari kare.”

Undi ati: “umusaruro w’izi voka ni amafaranga ariko ubyumve ko ari amafaranga! ufite iki giti , turamutse tugejeje avoka ziriho ku isoko …ubundi igiti kimwe  ntabwo kizajya kijya munsi y’ibihumbi 10 kandi mu mezi atandatu. Noneho ubwo mu mwaka ni ibihumbi 20 ku giti kimwe. Niba mfite ibiti 150; nzakuba ibyo bihumbi 20, ubwo nzabona hejuru ya miliyoni 2.”

Aba bahinzi bakangurira abandi kugana bene ubuhinzi bw’imbuto kuko buhindura ubuzima.

Umwe ati: “buhindura imibereho mu buryo bukomeye, wenda nubwo umuntu yagerageza agahera ku giti kimwe cyangwa bibiri ku rugo byazamuteza imbere, niyo nama nabasha kubagira.”

Nyemazi John Bosco; Umuyobozi w’akarere ka Kayonza, avuga ko mu rwego rwo kugeza ku isoko umusaro wa avoka abaturage biteguye kubona mu cyanya cy’imbuto cya KIIWP, Leta igiye gutunganya ibikorwa remezo nk’imihanda ndetse no gushyiraho inganda zongerera agaciro avoka zizaboneka.

Ati: “Nyakubahwa Minisitiri w’intebe yasuye uriya mushinga ndetse mu myanzuro yahafatiwe ni uko hemejwe yuko hari ingengo y’imari igiye gushakwa noneho hakubakwa imihanda kugira ngo umusaruro uva muri kiriya cyanya cy’imbuto ubashe kugera ku isoko neza.”

Yongeraho ko“ariko si nibyo gusa kuko no gutekereza kubaka uruganda ruzaba rutunganya ibyavuye muri wa musaruro.”

Ubusanzwe iyo ugiye mu mibare, nyuma y'imyaka itatu igiti cy'avoka cyo mu bwoko bwa Hass kiba gifite imbuto 60. Naho ku myaka 4, kiba gifite imbuto 180.  Ndetse uko imyaka igenda yiyongera ni nako umubare w’imbuto wiyongera kugeza ku myaka 10, aho kiba gifite imbuto za Avoka zigera kuri 650.

Kuba hari abahinzi b'imbuto mu cyanya cya KIIWP bafite ibiti bya Avoka 100 ndetse no kuzamura, kandi Avoka igura igiceri cy'ijana, Avoka 150 ku giti kimwe zizinjiza ibihumbi 15 by'amafaranga y'u Rwanda, ubwo umuhinzi ufite byibura ibiti 100, ku mwaka azajya yinjiza ayasaga miliyoni imwe n'igice.

@ Djamali Habarurema/Isango Star-Kayonza.

kwamamaza