Kayonza: abayobozi b’amakoperative basabwe gukora ibituma abanyamuryango bayagumamo

Kayonza: abayobozi b’amakoperative basabwe gukora ibituma abanyamuryango bayagumamo

Abayobozi b’amakoperative barasabwa gukora ibituma abanyamuryango bishimira kuyabamo kuko akemura ibibazo by'imibereho yabo ndetse akanabafasha gutera imbere. Ibi byagarutsweho mu nama yahuje amakoperative yo mu karere ka Kayonza ndetse n'inganda mu rwego rwo kwishimira Iterambere amaze kugeraho ndetse n'iry'abanyamuryango bayo muri iyi myaka 30.

kwamamaza

 

Abasaga 400 bahagariye abandi mu makoperative, inganda n'amahuriro nibo bitabiriye iyi nama y'amakoperative yo mu karere ka Kayonza yabaye ku wa kabiri, ku ya 11 Kamena (06),2024. Iyi nama yari yateguwe kugira ngo harebwe iterambere ry'amakoperative muri iyi myaka 30 ndetse n'icyo yagejeje ku banyamuryango bayo.

Nyemazi John Bosco; Umuyobozi w'akarere, avuga ko “kuba twahuriye aha nk’amakoperative, hari icyo twishimira ibyo amakoperative yagezeho. Ibyo ntabwo byashoboka atari imiyoborere myiza y’igihugu cyacu irangajwe imbere na Nyakubahwa Perezida wa Repubulika wadufashije gushyiraho gahunda na politike zitandukanye zifasha amakoperative. Ariko iyo tuvuga amakoperative, tuba tuvuga iterambere ry’abaturage kuko abaturage benshi bibumbiye muri ayo makoperative.”

Bamwe mu banyamuryango b'amakoperative mu karere ka Kayonza, bagaragaza ko iterambere ryayo muri iyi myaka 30 ryabagiriye akamaro kagaragara. Ni mu gihe abo mu nganda nabo bagaragaza ko inganda zazanye iterambere muri aka karere ndetse no guha imirimo bamwe mu bagatuye.

Umwe ati: “umwuga w’ubuvumvu wasaga n’uwasubiye inyuma, n’abagerageje kuwukora ntibabone isoko ry’ubuki. Ariko bitewe n’uko twibumbiye hamwe byatumye tugira ubuki bufite ubuziranenge kandi by’umwimerere nuko bituma tubona amasoko, kuburyo umuvumvu wese ugerageza kubikora biri kumuteza imbere.”

Undi ati: “ Muri rusange uruganda rwacu rufitiye akamaro kanini akarere ka Kayonza kuko mu bijyanye n’imisoro, gutanga akazi ku baturage bose batuye akarere ndetse n’ahandi mu tundi turere.”

Pudence Rubingisa; Umuyobozi w'intara y'Iburasirazuba, yashimye iterambere ry'amakoperative ya Kayonza.  Ariko yanasabye abayobozi bayo gukora ibituma abanyamuryango bishimira kuyabamo kuko akemura ibibazo by'imibereho yabo ndetse akanabafasha gutera imbere.

Ati: “mwumve ko hari amategeko akurikizwa mu kuyobora koperative, gucunga umutungo wa koperative, kubahiriza amabwiriza aba yashizweho mu gukorera mu matsinda nuko tukabyaza umusaruro izo koperative, tukabona amafaranga nuko tukagura ibikorwa. Tugasubira inyuma mu nyungu zacu tukajya kureba ‘byahinduye iki ku mibereho yacu’.”

Iterambere ry'amakoperative mu karere ka Kayonza muri iyi myaka 30 rigaragazwa nuko mu 2017 imari shingiro yayo yari miliyoni 210 ariko ubu igeze kuri miliyari imwe na miliyoni 271 z'amafranga y’u Rwanda.Ni mu gihe mu 2017 agaciro k'imitungo itimukanwa kari miliyari imwe na miliyoni 300 ariko ubu kageze kuri miliyari 8 na miliyoni 500 z'amafranga y’u Rwanda.

Nyuma y'ibarura ry'amakoperative, aka karere kasigaranye 188 avuye kuri 300, amahuriro y'amakoperative abiri ndetse n'inganda ziciriritse ebyiri.

@Djamali Habarurema/Isango Star-Kayonza

 

kwamamaza

Kayonza: abayobozi b’amakoperative basabwe gukora ibituma abanyamuryango bayagumamo

Kayonza: abayobozi b’amakoperative basabwe gukora ibituma abanyamuryango bayagumamo

 Jun 12, 2024 - 15:32

Abayobozi b’amakoperative barasabwa gukora ibituma abanyamuryango bishimira kuyabamo kuko akemura ibibazo by'imibereho yabo ndetse akanabafasha gutera imbere. Ibi byagarutsweho mu nama yahuje amakoperative yo mu karere ka Kayonza ndetse n'inganda mu rwego rwo kwishimira Iterambere amaze kugeraho ndetse n'iry'abanyamuryango bayo muri iyi myaka 30.

kwamamaza

Abasaga 400 bahagariye abandi mu makoperative, inganda n'amahuriro nibo bitabiriye iyi nama y'amakoperative yo mu karere ka Kayonza yabaye ku wa kabiri, ku ya 11 Kamena (06),2024. Iyi nama yari yateguwe kugira ngo harebwe iterambere ry'amakoperative muri iyi myaka 30 ndetse n'icyo yagejeje ku banyamuryango bayo.

Nyemazi John Bosco; Umuyobozi w'akarere, avuga ko “kuba twahuriye aha nk’amakoperative, hari icyo twishimira ibyo amakoperative yagezeho. Ibyo ntabwo byashoboka atari imiyoborere myiza y’igihugu cyacu irangajwe imbere na Nyakubahwa Perezida wa Repubulika wadufashije gushyiraho gahunda na politike zitandukanye zifasha amakoperative. Ariko iyo tuvuga amakoperative, tuba tuvuga iterambere ry’abaturage kuko abaturage benshi bibumbiye muri ayo makoperative.”

Bamwe mu banyamuryango b'amakoperative mu karere ka Kayonza, bagaragaza ko iterambere ryayo muri iyi myaka 30 ryabagiriye akamaro kagaragara. Ni mu gihe abo mu nganda nabo bagaragaza ko inganda zazanye iterambere muri aka karere ndetse no guha imirimo bamwe mu bagatuye.

Umwe ati: “umwuga w’ubuvumvu wasaga n’uwasubiye inyuma, n’abagerageje kuwukora ntibabone isoko ry’ubuki. Ariko bitewe n’uko twibumbiye hamwe byatumye tugira ubuki bufite ubuziranenge kandi by’umwimerere nuko bituma tubona amasoko, kuburyo umuvumvu wese ugerageza kubikora biri kumuteza imbere.”

Undi ati: “ Muri rusange uruganda rwacu rufitiye akamaro kanini akarere ka Kayonza kuko mu bijyanye n’imisoro, gutanga akazi ku baturage bose batuye akarere ndetse n’ahandi mu tundi turere.”

Pudence Rubingisa; Umuyobozi w'intara y'Iburasirazuba, yashimye iterambere ry'amakoperative ya Kayonza.  Ariko yanasabye abayobozi bayo gukora ibituma abanyamuryango bishimira kuyabamo kuko akemura ibibazo by'imibereho yabo ndetse akanabafasha gutera imbere.

Ati: “mwumve ko hari amategeko akurikizwa mu kuyobora koperative, gucunga umutungo wa koperative, kubahiriza amabwiriza aba yashizweho mu gukorera mu matsinda nuko tukabyaza umusaruro izo koperative, tukabona amafaranga nuko tukagura ibikorwa. Tugasubira inyuma mu nyungu zacu tukajya kureba ‘byahinduye iki ku mibereho yacu’.”

Iterambere ry'amakoperative mu karere ka Kayonza muri iyi myaka 30 rigaragazwa nuko mu 2017 imari shingiro yayo yari miliyoni 210 ariko ubu igeze kuri miliyari imwe na miliyoni 271 z'amafranga y’u Rwanda.Ni mu gihe mu 2017 agaciro k'imitungo itimukanwa kari miliyari imwe na miliyoni 300 ariko ubu kageze kuri miliyari 8 na miliyoni 500 z'amafranga y’u Rwanda.

Nyuma y'ibarura ry'amakoperative, aka karere kasigaranye 188 avuye kuri 300, amahuriro y'amakoperative abiri ndetse n'inganda ziciriritse ebyiri.

@Djamali Habarurema/Isango Star-Kayonza

kwamamaza