Iburasirazuba: Hari ikibazo cy'amashanyarazi adafite ingufu

Iburasirazuba: Hari ikibazo cy'amashanyarazi adafite ingufu

Hari abaturage mu ntara y'Iburasirazuba bagaragaza ko hari ikibazo cy'umuriro w'amashanyarazi udafite imbaraga ku buryo utuma batabasha gukora imirimo yabo icyenera amashanyarazi ndetse ukaba unangiza ibikoresho byabo by'ikoranabuhanga.

kwamamaza

 

Hirya no hino mu ntara y'Iburasirazuba abaturage bataka ikibazo cy'umuriro w'amashanyarazi udafite ingufu. Bamwe mu baturage bo mu karere ka Rwamagana baganiriye na Isango Star bo bavuga ko iki kibazo cy'amashanyarazi adafite imbaraga usibye gutuma hari imirimo badakora neza, ngo binatuma ibikoresho byabo by'ikoranabuhanga byangirika igihe ugenda wongera ugaruka.

Barasaba ko hagira igikorwa umuriro ukongererwa imbaraga kugira ngo bareke guhombywa nawo.

Umwe ati "nk'ubu kumanwa nshobora kugenda ngacana itara ariko nimugoroba ntabwo mba nemerewe gucana itara kandi umuriro urimo, nimucye cyane, abantu bogosha barakubwira bati imashini ifite umuriro mucye, ababishinzwe ni ukugira icyo bakora kuko umuriro ni ifatiro ry'ubuzima bw'umuntu, babishyizemo imbaraga bakongera umuriro ibyakorwa byaba byinshi".

Undi ati "ikibazo cy'umuriro kirakabije cyane noneho bikaba akarusho iyo amasaha ya nimugoroba iyo ageze abantu bose bacanye, usanga hamwe amatara yaka amyasamyasa, badufasha bakongera umuriro kugirango tubashe kuwubyaza umusaruro". 

Kuri iki kibazo cy'umuriro w'amashanyarazi udafite imbaraga mu bice bimwe na bimwe mu ntara y'Iburasirazuba, umuyobozi w'intara Pudence Rubingisa yemera ko gihari ariko akabihuza n'uko iyi ntara irimo gutera imbere, yongera ibikorwaremezo bicyenera amashanyarazi, bityo ngo bagiye kuvugana n'inzego bireba nka REG kugira ngo ayo mashanyarazi yongererwe imbaraga.

Ati "imijyi yunganira umujyi wa Kigali igenda itera imbere mu guhanga imirimo, udukiriro, imirimo iciriritse, inganda zitunganya umusaruro, turateganya ibiganiro na REG kugirango turebe ingamba twafata zihuse kugirango n'abafite inyota yo kwiteza imbere badacika intege".   

Kugeza ubu intara y'Iburasirazuba ku bikorwaremezo by'umuriro w'amashanyarazi igeze kuri 74%. Mu bituma imbaraga zawo zigenda zigabanuka, harimo ibikorwaremezo byinshi biwucyenera birimo udukiriro, ibyanya by'inganda bitatu n'izindi zitari mu byanya, ubwiyongere bw'abagenda batura muri iyi ntara ndetse n'ibindi bitandukanye. Ibi biratanga umukoro ku bashinzwe amashanyarazi wo gukora ibishoboka maze ukwiyongera kw'ibyo byose kukajyana n'ukwiyongera kw'imbaraga z'umuriro w'amashanyarazi.

Inkuru ya Djamali Habarurema / Isango Star Iburasirazuba

 

kwamamaza

Iburasirazuba: Hari ikibazo cy'amashanyarazi adafite ingufu

Iburasirazuba: Hari ikibazo cy'amashanyarazi adafite ingufu

 Jun 3, 2024 - 10:11

Hari abaturage mu ntara y'Iburasirazuba bagaragaza ko hari ikibazo cy'umuriro w'amashanyarazi udafite imbaraga ku buryo utuma batabasha gukora imirimo yabo icyenera amashanyarazi ndetse ukaba unangiza ibikoresho byabo by'ikoranabuhanga.

kwamamaza

Hirya no hino mu ntara y'Iburasirazuba abaturage bataka ikibazo cy'umuriro w'amashanyarazi udafite ingufu. Bamwe mu baturage bo mu karere ka Rwamagana baganiriye na Isango Star bo bavuga ko iki kibazo cy'amashanyarazi adafite imbaraga usibye gutuma hari imirimo badakora neza, ngo binatuma ibikoresho byabo by'ikoranabuhanga byangirika igihe ugenda wongera ugaruka.

Barasaba ko hagira igikorwa umuriro ukongererwa imbaraga kugira ngo bareke guhombywa nawo.

Umwe ati "nk'ubu kumanwa nshobora kugenda ngacana itara ariko nimugoroba ntabwo mba nemerewe gucana itara kandi umuriro urimo, nimucye cyane, abantu bogosha barakubwira bati imashini ifite umuriro mucye, ababishinzwe ni ukugira icyo bakora kuko umuriro ni ifatiro ry'ubuzima bw'umuntu, babishyizemo imbaraga bakongera umuriro ibyakorwa byaba byinshi".

Undi ati "ikibazo cy'umuriro kirakabije cyane noneho bikaba akarusho iyo amasaha ya nimugoroba iyo ageze abantu bose bacanye, usanga hamwe amatara yaka amyasamyasa, badufasha bakongera umuriro kugirango tubashe kuwubyaza umusaruro". 

Kuri iki kibazo cy'umuriro w'amashanyarazi udafite imbaraga mu bice bimwe na bimwe mu ntara y'Iburasirazuba, umuyobozi w'intara Pudence Rubingisa yemera ko gihari ariko akabihuza n'uko iyi ntara irimo gutera imbere, yongera ibikorwaremezo bicyenera amashanyarazi, bityo ngo bagiye kuvugana n'inzego bireba nka REG kugira ngo ayo mashanyarazi yongererwe imbaraga.

Ati "imijyi yunganira umujyi wa Kigali igenda itera imbere mu guhanga imirimo, udukiriro, imirimo iciriritse, inganda zitunganya umusaruro, turateganya ibiganiro na REG kugirango turebe ingamba twafata zihuse kugirango n'abafite inyota yo kwiteza imbere badacika intege".   

Kugeza ubu intara y'Iburasirazuba ku bikorwaremezo by'umuriro w'amashanyarazi igeze kuri 74%. Mu bituma imbaraga zawo zigenda zigabanuka, harimo ibikorwaremezo byinshi biwucyenera birimo udukiriro, ibyanya by'inganda bitatu n'izindi zitari mu byanya, ubwiyongere bw'abagenda batura muri iyi ntara ndetse n'ibindi bitandukanye. Ibi biratanga umukoro ku bashinzwe amashanyarazi wo gukora ibishoboka maze ukwiyongera kw'ibyo byose kukajyana n'ukwiyongera kw'imbaraga z'umuriro w'amashanyarazi.

Inkuru ya Djamali Habarurema / Isango Star Iburasirazuba

kwamamaza